Ebedeo 2:6 - El Nuevo Testamento en matsés

⁶ Adquid icnuc ëndenquimboshë dada uaquin naden Nuquin Papa chiec nuquin tsusedpa onquepampic: Tantiaquiono. Ubi chui, Papa. ¿Atotsieshun mimbi uaid matses icsho mimbi bëshunenquio icquin tantiaquiope? Adembidi ¿atotsieshun aido mimbi nashumpe?

Ebedeo 2:6 Iomraidhean Croise

Ducas 1:68

Cun matses isadaidbon tantiaid Nuquin Papa chuiquin: Mibi bëdamboshë iquec, canuna. Utsin mëyanquin iuaido icsho choshon nuqui mënchiquendac.

Ducas 1:78

Mibi oncamequid Nuquin Papan nuqui cuidte bunenquio icquin matses tantiaquid icquin badiadnuc uëshë chënquecunacbimbuecquid nuqui cuidmenquiocquid abucshun chomendac.

Ducas 7:16

Aden uënësaid uincuenmesho isash dacuëdcuededequi chochoquido: Adopenshenda uincuenmec, queshun: Abi namequid Nuquin Papa bëdambo iquec, quequin chuibampanëdash. Aden chuibanec: Nuquin Papan ambi: Cun matses nec, caido bëdambuen nashunnuen ambi oncamiaid chomiaid nuquibëd iquec, quec isquido onquecuededpanëdash.

Tesadonica 1 4:6

Bëdambuec tabadquid danmianec muaquin mibëtan Esus tantiec iccuededquid chido ompodshon chudenda. Adquid icsho umbi chuibocpaden Nuquin Papan cuidquiendac.

Ebedeo 4:4

Abi nacnenenquio yec tsadtoampid chuiquin Nuquin Papan naden dada uamequin chiampid iquec: 6tedec ushquin abitedimbo uatanec 7icquidën tsadtobi, quequin chuipampic.

Ebedeo 5:6

Adembidi Ambi Chiaid chuiquin dada uamiampid utsi nad iquec: Matses ubi bëdambuen ismenuen nëish iua cuessunneshun pichicaquid Medquisedecpadquid mibi nendac. Adquid yec nibëdantiapimbo ictequidquio mibi nendac.

Petedo 1 1:11

Esuquidistu choabi icnuc Aidën Mayanën tantiamiac aidon naden chuipampic: Nidaidën choacsho matsesën chieshënquin natiamequin uënës uaindac. Aden uënës uacsho uincuenmiac bëdamboshëcquid yec abitedishun Icbombo icuaindac, quequin Esusën nate chuipampic. Aden chuiquin: ¿Tedtsi yash chopec? ¿Mitsiuëshquio chopec? quequin tantiate bunquiopampic.