Ebedeo 2:16 - El Nuevo Testamento en matsés

¹⁶ Nuquin Papabëd icquido nashunquin mënchicnu, quenquio yec Abadauanën tsiuecquido matses mënchicnu, quiash matsesash Esuquidistu abided cuidadec uënëspanëdash.

Ebedeo 2:16 Iomraidhean Croise

Doma 2:25

Tantia. Abimbo chuinu. Nuquin Papan: Naden nata, quequin Moises dada uamequin chiampicpadombuen isadaidbon shui dëbid dëtemebanec. Adoaid yec Ambi Chiaid niaquenquio yec bëdambuec tabadsho Nuquin Papan bëdambuen istsiash. Padnuen isadaidbo utsibon Ambi Chiaid niac niacsho Nuquin Papan bëdambuen istiapimbo iquec shui dëbid dëtemesabimbuecnuc.

Cadasia 3:16

Nuquin Papan: Nadombuen naindambi, quequin Abadauan chuishumbic: Mibi nibëdanan iuecquimbo ictanneshun min tsiuecquid abentsëcshun matses bëdambo icmendac, quepampic. Min tsiuecquido, quenquio yec: Min tsiuecquid abentsëc, quequin Esuquidistu chiec nepampic.

Cadasia 3:29

Adembidi Esus tantiasho ambi Abadauan bëdambuen isampicpadombuen Esuquidistu tantiasho Nuquin Papan nuqui bëdambuen isquin bëdambo icmec ambi Abadauan chiampicpadombuen. Adec Abadauanën tsiuecquido nuqui nec.

Ebedeo 12:10

Aden nuquin pabëtan nuquin tan nëid nidaidën tabadquin nuqui caniabicsho ambi tantiacpaden: Naden namiac cun bacuëbon bëdambuen natsiash, quequin nuqui icsambuen naid ënmenuen natiamepadennec. Padnuen Nuquin Papan: Ubipadquid bëdamboshëcquid icmenu, quequin nuqui icsambuen naquin ënmequin natiamendac.

Ebedeo 2:15

Aden Mayan Icsa Satanasën matses abi uënëste tantiamequin dacuëdmiaido yec aidën iuaido icbuedi matses umbi mënchicaid iquendac, quepanëdash Esus.

Ebedeo 2:17

Matsespadquid yanash matses cuidmenquio icte bunquid yec Nuquin Papan chiacpaden naquid yec matses nashunquid nec. Adquid iquec Nuquin Papa matses bëdambuen ismenuen nëish iua cuessunneshun pichicaquidon chuiquid tapabimbuecquid yec bëdamboshëcquid nec. Adquid icquin matsesën icsambuen naidtedi bëshunmequin Nuquin Papa bëdambuen ismenuec Esus abided cuidadec uënëspanëdash.

Ebedeo 6:16

Nuquin matses chushcanansho abentsëcshun: Nuquin Papan isnubi chuiquid tapabon tantianuc mibi abimbo chiombi, quequin chiac chushcanambuedi chushcananenquio iquendac.

Petedo 1 1:20

Ëndenquimboshë abitedi uabi yequi Nuquin Papa nadpampic: Umbi tantiacpadën matsesash matses cuidmenquio icnuec mibided cuidadec mibi uënësendac, quequin Esuquidistu chuipampic. Aden ambi chiampicpadombuen cuidadmeshun nëbi Esus tantiasho mibitedi bëdambuen isec.