Ebedeo 13:8 - El Nuevo Testamento en matsés

⁸ Nuquin Icbo Esuquidistu utsitiapimbo icquid nec. Ëndenquimboshë yampidquio yequi nëbi abi iquec. Aidi nibëdantiapimbo icquid yec abi tabadec.

Ebedeo 13:8 Iomraidhean Croise

Codinto 2 1:19

Adembidi ambi chiacpadombuen nabanquidquio Nuquin Papan Madombo umbi chuibenniaid Esuquidistu nec. Aidi Sidbanobëtan Timoteon chuibenniaidbidi neuaic.

Codinto 2 1:20

Cun Madon naden naindac, quequin Aton Papan chiampicpadombuen Esuquidistun nabampanëdash. Adombuembidi abi nëbi nabanec, quequin Esuquidistu uidtsëqui tantiaquin: Mibi bëdamboshë iquec. Amen, quequin nuquitedi Nuquin Papa chiannec.

Santiaco 1:17

Nuquin Papa icsa nibëdquid yec bëdamboshëcquidquio icquin nuquitedi bëdambocquid menendac. Aidëmbi badiadën uëshëbëta inchëshën uëshë uatanquin uispatedi uapampic. Nuquin Papa utsi ictiapimbo icquid yec iuecash adquiouidi iquendac. Inchëshnuc abuc icquid chënquebuedi chënquenquio yanacbimbuecpenquio utsi ictiapimbo iquendac.

Esusën Uan ismiaid 1:11

Naden chuiposhi: Umbi ismiac mimbi isaidbëta Umbi Chiaidtedi dada uabanta. Adoshombic nidaid Asia caidën icquid shubu dadpen icquid 7ted icquid uanno uannombuec tabadquin Esus tantiaquidtedishun iste nëidtedi yacno dada uashun buanmeta. Nëidic Epeso yacno. Nëidic Esmidna yacno. Nëidic Pedcamo yacno. Nëidic Tiatida yacno. Nëidic Saddes yacno. Nëidic Pidadedpia yacno. Nëidic Daudisea yacno. Aidted yacnocquidon iste dada uashun buanmeta, quec cumapenec onquequin chuiposhi.

Esusën Uan ismiaid 1:4

Nidaid cuëshë utsi Asia caid yacno tabadquin Esus tantiec iccuededquidon iste dada uaic nebi. 7tedi shubu dadpen icquid yacno yacnombuec Esus tantiec iccuededquido icsho mibi tantiembi, quequin chuiquin dada uaic nebi. Ambi chiampicpadombuen Nuquin Papan bëdambuen isquin mibi bëdambo icmendac. Nidaid uabi iquequi ëndenquimboshë icpampidi nëbi abi icquid yec nibëdantiapimbo icquid Nuquin Papa nec. Nëbi adquid iquequi choendac. Adembidi aton Mayan 7tedshun aton tsadte dapan tsadsho abi bëisec tabadquidën ma mibitedi bëdambo icmepanuna, quequin tantiembi.

Esusën Uan ismiaid 1:8

Adshumbic Nuquin Papa nadatiambocquidën naden chuiposhi: Ëndenquimboshë icpampid iquequi nibëdantiapimbocquid nebi. Nidaid uabi yec icpampid yequi nëbi abi icquid iquequi choendabi, queposh Nuquin Papa nadatiambocquidquio.