Ebedeo 12:2 - El Nuevo Testamento en matsés

² Esuquidistu tantiaquionona. Aidëmbi Nuquin Papa tantiameshun abi bëdambuen tantiamequioquin nuqui bëdambuec tabadmequid icquin bëdambocquido icmendac. Aidi nadec onquepanëdash: Cuishonquequin ubi yacno matses iuedembi, quiash matsesacsho icsambuen naquidbimbuecnuc cuidquin mëyanquin ubi cueste napotiaidën dectanendac, quiash dacuëdenquio yec uënësacsho uincuenmiac nidash aton tsadte dapan Nuquin Papa tsadacno aidën dayun abiucquio abitedishun Icbombo yec tsadtuidpanëdash.

Ebedeo 12:2 Iomraidhean Croise

Mateo 16:21

Adshumbic Esusën tauaquin abi uënës uamete abëd icquido naden chuipondash: Shubu dadpen icquid Edusaden yacno nidendabi. Amboshon nuquin matsesën ubi chieshënquiendac nëidtedshun. Nëidic nuquin matses tsësiobon. Nëidic nëish iua cuessunneshun pichicaquidon chuiquidon. Nëidic Moisesën chiampid tantiamequidon. Aidtedishun mëyanquioquin ubi uënës uamendac. Adoacsho chococac daëdec ushash uincuenendabi, quequin chuipondash.

Mateo 20:28

Adecbidi Matsesën Tishaid icsho mabi matsesën nashunnu, quecpenquio chondabi. Adenquio icquin matses nashunquin Nuquin Papa icsambuen naquidobi cuidmenquio icnuec ubided cuidadec uënësendabi, quequin Esusën ubitedi chuipondash.

Madcos 14:36

Aden chiashic: Papa, Papa, mimbi natiapimbo ictequid nibëdec. Adquid icquin ubi bunacpaden ubi mëyante nibëdmiac bëdambo ictsiash. Ubi bunacpadombuen nainquiocquin mimbi tantiacpadombuen nameta, Papa, quepanëdash Esus.

Madcos 15:28

Icsambocquidbëta dectanendac, quequin Nuquin Papan chiampicpadembi napanëdash.

Madcos 16:19

Aden chuibanquin ënshobi abuc indoac Nuquin Papan dayun abiucquio Esus tsadtuidpanëdash.

Madcos 9:12

Adoaquien Esusën: Ai, abimbo chiosh. Matses bëdambuec tabadmenuec Edias bëyuc choendac, quequin Nuquin Papan Chiampid iquec. Adquid icnuc ¿atotsi queshun Matsesën Tishaid yec nëbi tabadsho matsesën chieshënquin natiamequin mëyanendac, quequin chiampid icuapec?

Madcos 9:24

Adsho tantiashien cumapenec cuëdec: Tantiembi. Umbi pistsëc tantiasho issun ubi udictsëc tantiamequin nashun, Icbo, quepanëdash madompin papa.

Ducas 17:5

Adoaquien: Nuquin Papa nadatiambocquin nabanquidquio nec, quequin tantiaquidquio icte bunebique. Adquidquio ubitedi icme, icbo, capanëdash abëd icquidon Esus chuiquin.

Ducas 23:11

Adoshombic Edodesën aton sondadobëtan Esus icsambuen chuiquin mamënshumbededtanquin chuiquid tapabimbuec isadnuc dashcute dapa dasiuinshumbic Pidato yacno Esus buanmeuapanëdash.

Ducas 24:26

Nuquin Papa yacnouësh abitedishun icbombo ictequid abuc niduabicnuc Nuquin Papan tantiacpadombuen matsesën Ambi Chomiaid Quidistu mëyanquin uënës uaindac ¿quequin chiaid tantiamboda icco? quepanëdash Esus.

Uanën dada uaid 1:29

Badiadshun padpiden Uanën matses acten mentobanuapondash. Aden mentobannubien Esus chopondash. Chosho isashien Uan mentoquid nadpondash: Is. Nuquin Papan Chomiaid yec obecabimbuecquid choeque. Aidi matsesën icsambuen naid bedshunec abided cuidadec uënësendac.

Uanën dada uaid 12:24

Adshumbic utsi chiacbimbuen naden chuipondash: Tantia. Mibi abimbo chuinu. Tidico caid ëshë chococac caniash bacuëec bëdambocquid. Chococabi icac bëdambo ictiapimbo iquec.

Uanën dada uaid 12:32

Umbien abuc dectanaid icquin matses dadpen ubi tantiaquido icmendac, quepondash Esus.

Uanën dada uaid 13:3

Cun Pan chomiondaid icquin aidën tantiacpadec abëdi abitedishun Icbombo iccondaidi nëbi ambobidi niduash adquidbidi icuaindabi, quequin tantiaquin Esusën nadopondash.

Uanën dada uaid 6:40

Cun Pa bunacpaden ubi tantiaquido uënësacsho uincuenmete uëshën uincuenmeshun Cun Pabëd ubi tabadacnombo ënëdenquiocnoc tabadmendambi, quepondash Esus ambi pemebuedo chiec.

Uanën dada uaid 8:56

Mimbi: Cun tsusedpa Abadauan nec, cabued: Nuquin Papa yacnouësh choash bëdambo icmianquidquio matsesbëdi tabadec choec, quequin tantiec cuishonquepadennec. Nuquin Papan ismiac ubi aden tantiec cuishonquequiopadennec, quepondash Esus.

Hechos 2:36

Tantia. Cun matses isadaidbo. Dabidën chiampid Esus mibitedishun cueste napotiaidën dectanquin uënës uaid Nuquin Papan Chomiaid Mesias caid yec Nuquin Papan icmiacpadec abitedishun Icbombo nec, quequin abimbo chiec nebique. Esus tantiata, quepanëdash Petedo.

Hechos 3:15

Aden mibitedishun Esus uënës uamepondac. Aiduidtsëqui Nuquin Papabëd matses tabadmequid icsho uënës uamiacshobien Nuquin Papan uincuenmepaccondash. Aden uincuenmiacsho ubitedishun ispondambi.

Hechos 5:31

Aden uincuenmeshun aton dayun abiucquio tsadmequin abitedishun Icbombo icmeshun abi yacno matses puduedmequidquio Esus icmepanëdash. Aden nabanaid tantiash isadaidbo ma aidquio tantiaquid icpanuna. Adsho issun ma aidon icsambuen naid tantienquio yec Nuquin Papa bëshumpanuna.

Hechos 5:41

Puduenmiac: Nuquin Papan namiacpaden Esus chuibansho mëyanac bëdambo iquebi, quec cuishonquecuededpanëdash.

Codinto 1 1:18

Esuquidistu abided cuidadec cueste napotiaidën dectanac uënëspanëdash, quequin chuibanac: Ambembi chiec onquequido nec, quequin tantiaquido icsho chian annëdënquiacno nësecatequid nendac. Padnuen: Aid chuibanaid abimbo chiaid nec, quesho Nuquin Papan nadatiambocquin tantiamiac Esus tantiaquid yec Nuquin Papa yacno puduedtequido nuqui nendac.

Codinto 1 1:23

Aden tantiec tabadnubi nuquitedi: Nuquin Papan Chomiaid Mesias caid yec Esuquidistu abided cuidadec cueste napotiaidën dectanac uënëspanëdash, quequin chuibanec. Adoaquien: Nuquin Papa icsambuen chuishunec, quequin tantiec isadaidbo tabadec. Adnubi matses utsibo: Ambembi chiec tantiadenash onquequid nec, quequin tantiec tabadec.

Epeso 2:16

Aden bëdambuen isnanmiaido yec isadaidbobëd isadaidpembo chieshënnantiapimbo iquec. Esuquidistu cueste napotiaidën dectanac uënëspanëdash, quequin tantiasho Nuquin Papan bëdambuen isendac. Adoac matses abentsëc yanacbimbuec bëdambuec tabadendac.

Epeso 5:2

Nuqui tantiaquidquio Esuquidistu nec. Adquid icnuc utsibobëd tantiananec tabadta. Nuquitedi tantiaquidquio yec abided cuidadec uënëspanëdash. Adec abi uënësaid nuadte bëda shëdtequid pichicacbimbuen nasho isash Nuquin Papa: Bëdambo iquec, quepanëdash.

Pidipos 1:6

Nuquin Papan tantiamiac mimbi Esus tantiabenondac. Aden abi tantiasho mibitedi bëdambuec tabadmec. Adoac Esuquidistu nidaidën padpidec choacnobi cuësquec bëdambuec tabadquidquio yanendac.

Pidipos 3:20

Padnuen nuquitedi Nuquin Papabëd abuc tabadtequido nendac. Abi yacno buannuec abucuësh abi yacno tabadmianquid Nuquin Icbo Esuquidistu chosho isnuen cainec nuqui tabadec.

Timoteo 2 4:8

Adec tabadec uënësacshobini matsesën naid abitedimbo tantiaquin cuidnun chuiquid icquin Nuquin Icbobëtan Nuquin Papan: Umbi chiacpadec mibi bëdambuec tabadoque. Ubi yacno ubëdi tabadmequin chuiquidën mauete bëdamboshëcquid meniacbimbuen mibi bëdamboshë icmendambi, caindac. Abi chote uëshën choshon aden Nuquin Icbon ubi chiendac. Adembidi abi chosho iste bunquioquin abi cainquidotedi Nuquin Icbon bëdamboshë icmequin abëdi tabadmendac.

Ebedeo 1:13

Naden Nuquin Papan abëd icquido chiambo iquec: Cun abiuc Abitedishun Icbombo icnuec nëmbo tsadec cho. Mibi chieshënquidobi dëniacmeshun: Cun Icbo mibi camenu, quequin abëd icquido chiambo icpampic.

Ebedeo 1:3

Aidi aton Papapadquiobidi bëdamboshëcquidquio yec bëchamauanquiecquid nadatiambocquid neuaic. Aidëmbi nadatiambocquin Nuquin Papabëtan ambi tantiacpadombuen ambi uaid abitedimbo abi icmec nibëdantiapimbocnoc. Aidi matsesën icsambuen naid bedshunquin Nuquin Papa matses bëdambuen ismenuec abided cuidadec uënësashic abuc nidash Nuquin Papan dayun abiucquio tsadtuidpanëdash.

Ebedeo 10:14

Adec abided cuidadec abentsequi uënësquin abi tantiaquido Nuquin Papa bëdambuen ismequin icsaisabimbuecnuc icmequin uënëstiapimbo ictequido icmepanëdash.

Ebedeo 10:33

Aden Esus tantiasho mibitedi utsi utsien icsambuen chuishunquin mamënshunquin abitedi ismequin cuesquin mëyanquin natiamepanëdash. Aden natiamiacsho isash Esus tantiaquid utsibo aidobëd shubitiadquio yec natiec tabadpanëdash.

Ebedeo 11:36

Adembidi utsi utsien shocosh bucun mëtaneshun quënën tsadunmiacsho issun icsambuen chuishunquin mamënshunquimbi utsi utsien cueshcanten cacuespampic.

Ebedeo 12:3

Naden tantiaquin Esusquio tantiata. Nuquin Papan Chiaid niacquin icsambuen naquidon natiamequin mëyanaqui chieshtoenquiocquid Esuquidistu icpanëdash, quequin aid tantiec ma mibitedi uidënquio yec chieshtoenquio icpanuna.

Ebedeo 13:13

Adoaid yec Esusbëd icquid nebi, quiash umanuc buansho isash aidbëd nidacbimbuecquid icnuna. Adquid icsho issun Esuquidistu tantiesabon: Mibi icsamboshë iquec, quequin Esus chieshënnëdacpadombuembidi nuquitsen chieshënendac.

Ebedeo 5:9

Aden tantiabenash matsesën icsambuen naid bedshunash abided cuidadquid icquin matses Nuquin Papan chiacpadombuen naquido Nuquin Papa yacno ënëdenquio icnuc tabadmequid yanquiopanëdash.

Ebedeo 8:1

Tantia. Mibi naden chiombique. Adec Esuquidistu abi tantiaquido abi bëdambuen ismequid tapa yanash Nuquin Papa aton tsadte dapan tsadacnombo pudueduash abitedishun Icbombo yec Aidën dayun abiucquio tsadec.

Ebedeo 9:28

Adecbidi matsesën icsambuen naidtedi bedshunash abided cuidadec Esus abentsequi uënëspanëdash. Adashic aidquiobidi padpidembuec nidaidën chouaindac. Matsesën icsambuen naidtedi bedshunash padpidec uënësnu, quenquio yec abi cainquidotedi abi yacno tabadmenuen bedec chouaindac.

Santiaco 2:1

Cun utsibo, mibitedi Nuquin Icbo Esuquidistu bëdamboshëcquid tantiaquido mibi nec. Adquido yec: Nëid umbi bëdambuen isaid nec. Nëid umbi icsambuen isaid nec, quec chieshëmënec icsambuec tabadenda.

Petedo 1 1:11

Esuquidistu choabi icnuc Aidën Mayanën tantiamiac aidon naden chuipampic: Nidaidën choacsho matsesën chieshënquin natiamequin uënës uaindac. Aden uënës uacsho uincuenmiac bëdamboshëcquid yec abitedishun Icbombo icuaindac, quequin Esusën nate chuipampic. Aden chuiquin: ¿Tedtsi yash chopec? ¿Mitsiuëshquio chopec? quequin tantiate bunquiopampic.

Petedo 1 3:18

Chieshënquin natiamiaqui Esuquidistu mëyadquiec nuqui icsaid bedshunec abided cuidadec abentsequi uënëspondash. Aidi icsaisambo iquequi icsambuen naquido tantiec mëyadbudec uënëspondash: Ma Nuquin Papa yacno tabadtequido icpanu, quiash. Adec aton dada icsabudec uënësambi aton mayan uënësesambo icnuc aton dada uincuempanëdash.

Petedo 1 3:22

Aidi uincuenash abuc nidash Nuquin Papan dayun abiucquio tsadtuidpanëdash. Adash abitedishun Icbombo yampanëdash. Nuquin Papabëd icquidon chuiquid tapabëtan Mayan Icsa Satanasbëtan aton iua podobitsi icsabon chuiquid tapa icquin ambi chiacpadombuen abitedi namendac. Adquido icbuedombi abitedishun Icbombo icsho aidën chiacpadombuen naindac.

Udas 1:21

Ënenquio icquin Nuquin Papan ubi tantiec, quequin tantiaquiota. Abi chote uëshën Nuquin Icbo Esuquidistu chosho isnuen aid cainec tabadnuna. Aidëmbi nuquitedi cuidte bunenquio icquin abi tantiameshun ënëdenquio icnuc abëdi tabadmendac.

Esusën Uan ismiaid 1:11

Naden chuiposhi: Umbi ismiac mimbi isaidbëta Umbi Chiaidtedi dada uabanta. Adoshombic nidaid Asia caidën icquid shubu dadpen icquid 7ted icquid uanno uannombuec tabadquin Esus tantiaquidtedishun iste nëidtedi yacno dada uashun buanmeta. Nëidic Epeso yacno. Nëidic Esmidna yacno. Nëidic Pedcamo yacno. Nëidic Tiatida yacno. Nëidic Saddes yacno. Nëidic Pidadedpia yacno. Nëidic Daudisea yacno. Aidted yacnocquidon iste dada uashun buanmeta, quec cumapenec onquequin chuiposhi.

Esusën Uan ismiaid 1:17

Adec dacuëdampambuecsho istanequini aton tayumbi uënësacbimbuec uebudpaccoc. Adshobini aton mëdante abiucshun camishquin naden chuiposhi: Dacuëdenda. Ëndenquimboshë nidaid uabi yec icpampidi nebi. Adquid iquec nibëdantiapimbo icquidquio nebi.

Esusën Uan ismiaid 1:8

Adshumbic Nuquin Papa nadatiambocquidën naden chuiposhi: Ëndenquimboshë icpampid iquequi nibëdantiapimbocquid nebi. Nidaid uabi yec icpampid yequi nëbi abi icquid iquequi choendabi, queposh Nuquin Papa nadatiambocquidquio.

Esusën Uan ismiaid 2:8

Naden padpiden chuiuaposhi: Esmidna yacnoshon ma ubi chuibanquidën iste chuinu. Dada uata. Ëndenquimboshë nidaid uabi yec ictednedi nebi. Nëbi adquid iquequi nibëdantiapimbo icquidquio nebi. Adquid yec abitedishun Icbombo icshobi chieshëmënquidon uënës uacsho chococaqui uincuenondaid nebique. Tantia, Esmidna yacnocquido. Mibitedi chuinu.