Ducas 5:4 - El Nuevo Testamento en matsés

⁴ Aden chuibanquin ënshumbic: Acte ëquëducquio yacno nidshun nuëcquid bednu, quequin min nëshaid nënetan, Simon, capanëdash Esusën.

Ducas 5:4 Iomraidhean Croise

Mateo 17:27

Aden tantiaquimbi: Nëishnushe, queshun menenun chianën ansemetan. Bëyucquio mimbi nuëcquid ansemiaid ancanshun anisquin shocosh nacnenaid piucquid abentsëc mimbi istuidendac. Aid bedshun piucquid bedshumënquido menetanta. Në cun icbonabëdi cuna nec, quequin menetanta, capondash Esusën. Adoac Petedon Esusën chiacpadombuen bedtanquin piucquid menetampanëdash.

Ducas 5:5

Adoaquien Simonën: Icbo, inchëshannubi bedanquin nuëcquid bednuen ambi badiadtsëcquien nëshaid nënebennequimbi ubitedishun bedambo iccombi. Adbuedi mimbi: Nëshaid nënetan, cac nidshun nënetanembi, quepanëdash Simon.

Uanën dada uaid 21:6

Adsho tantiashun: Mimbi nëniauc nënenquio icquin cano utsiuc abiuc nëshaid nëne. Auc nënequin mimbi nuëcquid bedec, cac ambi chiauc nëshaid nënetanquin: Indono, cac nuëcquid dadpenquioshë bedadash nëshaid indoadtiapimbo yec iuëmboshë icpondash.