Ducas 4:1 - El Nuevo Testamento en matsés

¹ Aden Uanën acten mentoac Nuquin Papan Mayan Bëdabëd iquec acte Odan caid yacnouësh pudundoshobi Nuquin Papan Mayanën shubu nibëdacnombo Esus buampanëdash.

Ducas 4:1 Iomraidhean Croise

Mateo 3:16

Aden mentoboc Esus pudundonobien abu canchedec shëcuë yampanëdash. Adnubien auëshquiobi oshpodcobimbuecquid budec Nuquin Papan Mayan Esusbëd icnuec budsho ispanëdash.

Ducas 2:27

Adembidi Nuquin Papan Mayan Bëdan nidmiac Nuquin Papa tabadte shubu dapa yacno nidequi tsicatequin daquënë uaidën Simeon puduedpanëdash. Ambo puduedash capunubi Nuquin Papan: Naden nata, quequin Moises chiampid tantiaquin nanuen aton bënëbëtambi Madian aton bacuë bëpanëdash.

Ducas 3:3

Adoac acte Odan caid cuëman capuquimbi naden chuibampanëdash: Mimbi icsambuen naid ënshun Nuquin Papa tantiabenquin acten mentometa. Adosho isash mimbi icsambuen naid tantienquio yec Nuquin Papa bëshunendac, quequin chochoquido Uanën chuibampanëdash.

Ducas 3:38

Aidën papabic Enos. Aidën papabic Sed. Aidën papabic Adan. Aidën papambo Nuquin Papa nec. Aidtedi Esusën tsusedpabo nepanëdash.

Ducas 4:14

Adashic Nuquin Papan Mayanën nadatiambocquin tantiamiaidquio yec nidaid Cadidea yacno Esus chopanëdash. Adec chouacsho issun: Nuquin Papan Mayan Bëdan tantiamiaidquio nec, quequin abi isquidon chiac dadpenshun tantiapanëdash.

Ducas 4:18

Nuquin Icbon Mayanën namiaidquio nebi. Aidëmbi: Nuquin Papana nec, caidquio nebi. Aidën: Atona nibëdquido Chiaid Bëda chuibanta, caidquio nebi. Quënën tsadunaido ambi icsambuen naid ënmenuen chuibanta, caidquio nebi. Bëshuaid bëdanmeta, caidquiobidi nebi. Aidëmbidi: Mayan Icsa Satanasën iuaid icsho Nuquin Papan iua icmenu, quequin chuibanta, caidquio nebi.

Uanën dada uaid 1:32

Adashic abi onquec: Nuquin Papan ismiac aton Mayan Bëdamboshëcquid oshpodcobimbuecquid abucuësh budec Esusbëd icnuec tsadtosho ispombi.

Uanën dada uaid 3:34

Nuquin Papan Chomiaidquio icquin Aidën Chiaidquio chuibanec. Nuquin Papan aton Mayan abëd tabadmiaid icquin nadatiambocquin nabanquin abimbo chuibanec.

Hechos 1:2

Aden Esus abuc indoaid yacno cuëscaquin chuiquin dada uaondambi. Abuc nidnun Esusën: Ubi chuibenneta, quequin abëd icquido chuiquin Nuquin Papan Mayan Bëdan tantiamiacpadombuen dadpen chuibampanëdash.

Hechos 10:38

Ma abëd tabadnu, queshun Nuquin Papan aton Mayan Bëda meniac nadatiambocquin Esusën nabampondash. Shubu daëdpactsëcquid Nasaded yacnouësh caniquid yec capuquin bëdambuen nabanquin Mayan Icsa Satanasën mëyanaido icsho Esusën bëdanmebampondash. Aden Nuquin Papabëd icquin aidën nabanaid chuisho mimbi tantiapanëdac.

Hechos 8:39

Adashic acte nantanuësh abidaëdi pudundosho Nuquin Icbon Mayanën Uedipe buampanëdash. Adoacsho padpiden aid isenquio iquequi: Esus tantiec bëdambo iquebi, quec cuishonquec aton nidaid Etiopia yacno nidpanëdash.