Ducas 3:2 - El Nuevo Testamento en matsés

² Chuiquid aidtedi icnubien Anasbëd Caipas nëish iua cuessunneshun pichicaquidon chuiquid tapabo icpanëdash. Aid daëdi icnubien Uan Sacadiasën mado shubu nibëdacno capucuenneshobi Nuquin Papan: Umbi chiaid chuibenneta, capanëdash.

Ducas 3:2 Iomraidhean Croise

Mateo 11:7

Aido nidannebon abi datsidadquido tantiamequin Uan tantiaquin chiec Esus nadpondash: Shubu nibëdacno ¿atotsi isnuec mibitedi nidonda? ¿Piabiecquid cunquequidën ishcunaid isnuecta nidtionda?

Mateo 26:3

Adnubien isadaidbon chuiquidobëd Nuquin Papa ismequin nëish iua cuessunneshun pichicaquidon chuiquido aton chuiquid tapambo Caipas cuëmëdquidën shubu dapan iccuededec pudued puduedpanëdash.

Madcos 1:2

Ëndenquimboshë Nuquin Papan ambi oncamiaid Isayas dada uamiampid nad iquec: Mibi chote chuiquidba chomendambi, Mado. Aidëmbi: Bëdambo icquid choeque. Icsambuen nabanenquio icquin ënta, quequin chuibanendac, Mado.

Ducas 1:80

Adashic Sacadiasën mado Uan canicuensho Nuquin Papan tantiamiaidquio iquec shubu nibëdacno capucuennepanëdash ambi isadaidbo chuibennete uëshë choabicnuc.

Uanën dada uaid 1:23

Nuquin Papan oncamiampid Isayasën naden chiampid nebi. Shubu nibëdacno capucuennequin cumapenen cuënac matses chochosho: Chuiquid tapambo choeque. Podquied nacnenshunta, cacbimbuen Nuquin Icbombo choeque. Mimbi icsambuen naid ënash bëdambuec tabadta, quequin chiendac, campid nebi, quepondash Uan.

Uanën dada uaid 18:24

Adsho tantiashun Anasën abi podo cataniacchobi Esus nëish iua cuessunneshun pichicaquidon chuiquid tapa Caipas caidën shubuno buanmepondash.

Hechos 4:6

Auëshquiobidi onquec iccuedednuec nëidtedi chochopanëdash. Nëidic nëish iua cuessunneshun pichicaquidon chuiquid tapambo daëd Anasbëd Caipas. Nëidic aton shubun icquido abipadquid Uan utsibëd Adejando. Aidtedi chochoash onquec iccuededpanëdash.