Ducas 3:1 - El Nuevo Testamento en matsés

¹ Adashic seta 15ted matanmec Tibedio Sesad cuëmëdquid Doma yacnocquidon chuiquid tapa empedadod caid icpanëdash. Ponsio Pidato cuëmëdquid nidaid cuëshë Udea yacnocquidon chuiquid cobednadod icpanëdash. Edodes Antipas cuëmëdquid nidaid cuëshë Cadidea yacnocquidon chuiquid tapa icpanëdash. Edodesën utsi Uedipo cuëmëdquid nidaid Itudeya caid yacnocquidobëtan nidaid Tadaconitide yacnocquidon chuiquid cobednadod icpanëdash. Disanias cuëmëdquid nidaid Abidene yacnocquidon chuiquid icpanëdash.

Ducas 3:1 Iomraidhean Croise

Mateo 14:1

Adnubien Edodes Antipas cuëmëdquid nidaid cuëshë Cadidea yacnocquidon chuiquid tapa icpanëdash. Aidëmbi Esusën nadatiambocquin nabanaid chuisho tantiapanëdash.

Mateo 14:3

Naden Edodes Antipasën Uan cuessunnemepanëdash. Uanën: Mimbi bedaid Edodias min chidopenquio nec. Min utsi Uedipon chidobi bedquin Nuquin Papan Chiaid niacquin mimbi icsambuen nac, quequin chiac chieshënquin Edodesën Uan bedmeshun quënën tsadunmepanëdash.

Mateo 14:6

Adshumbic Edodesën: Ubi tishaid uëshë nëbi iquec, queshun matses dadpen chochomeshun aton shubun puduedmeshun pemepanëdash. Adnubien ambi inaid Edodiasën champin Edodesën chochomiaido shëcshëcquec bidiadtannequin ismepanëdash. Adsho issumbic Edodesën: Bëdambuen mimbi naoc, champi,

Mateo 22:17

Adquid icquin ¿atotsi mimbi chuipe? Tantianu. Chui. Nuquin matses iuaquid chuiquid tapa Sesad caidën: Piucquid shocosh tsasi icquid dadpen bec cho, quesho ¿ada aid meniac bëdambo icpatsiash? capondash.

Mateo 27:2

podo cataneshun Doma yacnocquid chuiquid cobednadod Pidato cuëmëdquid yacno Esus buampanëdash.

Madcos 6:17

Ënden aidëmbi Uan bedmeshun shocosh bucu nacnenaidën tanemeshun quënën tsadunmepanëdash. Aidëmbi aton utsi Uedipon chido Edodias bedacsho issun Uanën:

Madcos 6:21

Adec aton chido Uan cuessunnemete bunnubien aton bënën abi tishaid uëshë tantiaquin pemenuen nëidtedi chuiquido chochomepanëdash. Nëidic abëtan chuiquid. Nëidic sondadon chuiquid tapatedi. Nëidic nidaid Cadidea yacnocquidon chuiquid tapatedi quequin chochomepanëdash Edodesën.

Ducas 13:31

Aden Esusën chuibannubien padiseobo utsi utsiec chochoshon: Chuiquid tapa Edodes Antipas mibi cuessunnemete buneque. Nëuëshquiobi nidec nid, capanëdash Esus chuiquin.

Ducas 2:1

Adnubien shubu dadpen icquid Doma yacnocquidon chuiquid tapa empedadod Aucusto cuëmëdquid icpanëdash. Aidëmbi: ¿Tedtsimbo umbi namiaido matses iqueque? Isquin tantianun dada uabanta, quequin ambi namiaido chuipanëdash.

Ducas 23:24

Adshun iccuededquidon chiacpaden namenuen

Ducas 3:19

Adshumbic Uanën chuiquid tapa Edodes Antipas ambi icsambuen naid naden chuishumpanëdash: Min utsi Uedipon chidobi Edodias bedquin mimbi icsambuen naidbëta mimbi icsambuen naid utsitedi ënta, capanëdash.

Ducas 9:7

Adnubien chuiquid tapa Edodes Antipasën Esusën nabansho isquidon chuisho tantiapanëdash. Aden tantiashun: ¿Tsutsi nepash? Edodesën caquien: Acten mentoandenned Uan uincuempash icnui, utsi utsiec quenubi

Hechos 23:26

Cadaudio Disias nebi. Chuiquid tapa cobednadod caid Uedis bëdambocquid mibi icsho chuinu. Nëid dada Pabado umbi bedmebued mibi yacno buanmembi, quequin chuiquin dada uaimbique. Isec onqueta.

Hechos 24:27

Adashic seta daëd matanmiash Podsio Uesto cuëmëdquid cobednadod yampanëdash. Aid cobednadod yannuc nidnu, quequin: Nidta, cainquiocquin Uedisën abi Pabado quënën tsadnubi naden tantiaquin niampanëdash: Pabado quënën tsadunaid ma adequi icnu, quequin umbi nianacsho isash: Bëdambocquid nec, quequin isadaidbon ubi chuibededtsiash, quequin tantiaquin Uedisën Pabado niampanëdash.

Hechos 26:30

Aden Pabadon chuibanaquien chuiquid Aquidipa nidtopanëdash. Adsho isash Uestobëd Bedenise nidtonoc iccuededquid utsibotsen nidtocuededpanëdash.

Hechos 4:27

Aden chiaid mimbi Dabid dada uamiampicpadembi nëbi Edusaden yacno isadaidpembon chuiquid daëd Edodesbëd Ponsio Pidato aton matsesbëd icnubi isadaidbo chedo iccuededquin Mimbi Chomiaid icsaisambo Esus mimbi Mesias icmiaid chieshënquin uënës uamenuec onqueuapanëdash.