Ducas 2:2 - El Nuevo Testamento en matsés

² Adquid icnuc tauambuen naquid nidaid Sidia caid yacnocquidon chuiquid tapa cobednadod Quidinio cuëmëdquid icpanëdash.

Ducas 2:2 Iomraidhean Croise

Mateo 4:24

Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Ducas 2:1

Adnubien shubu dadpen icquid Doma yacnocquidon chuiquid tapa empedadod Aucusto cuëmëdquid icpanëdash. Aidëmbi: ¿Tedtsimbo umbi namiaido matses iqueque? Isquin tantianun dada uabanta, quequin ambi namiaido chuipanëdash.

Ducas 2:3

Aden chuiquid tapan: Min tsusedpa tishampicnoshon mibi cuëmëdquid dada uamec nidtan, cac isadaidbotedi nidannepanëdash.

Ducas 3:1

Adashic seta 15ted matanmec Tibedio Sesad cuëmëdquid Doma yacnocquidon chuiquid tapa empedadod caid icpanëdash. Ponsio Pidato cuëmëdquid nidaid cuëshë Udea yacnocquidon chuiquid cobednadod icpanëdash. Edodes Antipas cuëmëdquid nidaid cuëshë Cadidea yacnocquidon chuiquid tapa icpanëdash. Edodesën utsi Uedipo cuëmëdquid nidaid Itudeya caid yacnocquidobëtan nidaid Tadaconitide yacnocquidon chuiquid cobednadod icpanëdash. Disanias cuëmëdquid nidaid Abidene yacnocquidon chuiquid icpanëdash.

Hechos 13:7

Aidi Papos yacnocquidon chuiquid tapa cobednadod Sedquio Paudo cuëmëdquidën shubun tabadpanëdash. Aid cobednadod dadpen tantiaquidquio icquin: Esus chuibanquido chosh, quesho tantiash: Aidon Nuquin Papan Chiaid chuibansho tantiate bunebique. Bednabebëta Saudo bedtan, capanëdash.

Hechos 18:12

Adnubien aid nidaid cuëshë Acaya caid yacno Cadion cuëmëdquid chuiquid cobednadod icnubi Acaya yacnocquido isadaidbo dadpenshun: Pabado icsambo iquec, queshun bedshun cuidte chuiquid yacno Pabado buampanëdash.

Hechos 23:26

Cadaudio Disias nebi. Chuiquid tapa cobednadod caid Uedis bëdambocquid mibi icsho chuinu. Nëid dada Pabado umbi bedmebued mibi yacno buanmembi, quequin chuiquin dada uaimbique. Isec onqueta.

Hechos 26:30

Aden Pabadon chuibanaquien chuiquid Aquidipa nidtopanëdash. Adsho isash Uestobëd Bedenise nidtonoc iccuededquid utsibotsen nidtocuededpanëdash.

Hechos 5:37

Adnubien iuecshun matses tambante caid uëshën tambannuc utsi Udas cuëmëdquid nidaid Cadidea yacnocquid yec ambo icquidobëd capuec aidon chuiquid nepanëdash. Adec capushobi Udastsen cuessunian aidbëd icquidtedi padpidec chochoenquio yec abi maisi niquepanëdash.