Ducas 1:4 - El Nuevo Testamento en matsés

⁴ Utsibon mibi Esus chuiquin tantiamenëdaid abimbo chiaid nec, quequin ma mimbi tantianu, queshun mibi chuiquin dada uaimbi.

Ducas 1:4 Iomraidhean Croise

Uanën dada uaid 20:31

Naden tantiaquin dada uaombi: Nuquin Papan Chomiaid yec Quidistu Nuquin Papan Madombo Esus nec, quequin aiduidtsëqui tantiash ma Nuquin Papa yacno ënëdenquio yec abëd tabadtequido icpanu, quequin aidtedi dada uaombi.

Hechos 18:25

Adquid yec Nuquin Icbo tantiaquid icquin Uan acten mentoanquidën Esus chote chiec onquiaid tantiaquin matses bëdambuen chuibanquidquio Apodo icpanëdash.

Doma 2:18

Nuquin Papan chiacpadombuen tantiembi, mibi quepec. Adembidi Nuquin Papan: Naden nata, quequin Moises dada uamiampid chuibanac mimbi bëdambuen nabante tantiec.

Codinto 1 14:19

Aden chuiquid icquimbi Esus tantiaquido iccuededacno puduedshun aton onqueten onquequin 5tedpactsëc cuembo chuibantsiambi. Ma aidon tantianu, queshun 10mid abi onquiacmaid onquete utsin onquequin chuibante bunenquio iquebi.

Cadasia 6:6

Esus tantiaquido icsho: Nadec tabadquid, quequin chuibanaido icquin Nuquin Papan Chiaid abi chuibanquid nashunquid nendac.