Doma 7:3 - El Nuevo Testamento en matsés

³ Bënë uënësambo icnubi dada utsi bedsho issun: Icsambo iquec, cabededtsiash. Bënë uënësambien dada utsin bedadquid chido. Aden dada utsin bedacsho: Icsambo iquec, cainquio ictsiash.

Doma 7:3 Iomraidhean Croise

Mateo 5:32

Utsitsen mibi chuinu. Aton chidon dada utsi chudmesho istuidshun Moisesën chiacpadombuen naic icsainquio ictsiash. Aton chido dada utsi chudmesa icshobi aton bënën ambembi dada uaid menequin aton chido cuenmiac icsambo iquec. Aden cuenmequin chido icsametsiash. Chido cuenmiaid bedquidtsen dada icsaindac, quepanëdash Esus.

Doma 7:2

Aid tantiamete chuinu. Tantia. Chidon dadan bedaid icquin Nuquin Papan Moises chuiquin dada uamiampicpadombuen aton bënë uënësabi icsho nianesa nec. Bënë uënësambien chido dada utsin bedadquid.

Doma 7:4

Adecbidi mibitedi Esuquidistubëd abentsëc yacbimbuec tabadquid nec. Adquid yec Esuquidistubëd uënësacbimbuen padpiden Nuquin Papan Moises chuiquin dada uamiampidtedi nainquio iquec. Adec uënësacsho Esus uincuenmiaidbëd daëdash aid tantiec utsibobëd tantiananec tabadquin Nuquin Papa bëdambuen ismec.