Doma 4:3 - El Nuevo Testamento en matsés

³ Naden chuiquin Nuquin Papan dada uamiampid iquec: Nuquin Papa ambi chiacpadombuen naquidquio nec, quequin abi tantiaquidquio icsho Abadauan Nuquin Papan bëdambuen ispampic, quequin dada uamepampic.

Doma 4:3 Iomraidhean Croise

Mateo 20:9

Uëshë budec 5 icnuc chonoadec chobuedoba menequin badiadnuc bedanec chonoadacbimbuecnuc tied icbon: Aidtedquio menenu, cac aidted piucquid menebamposh.

Madcos 12:10

Aden chuishumbic Esusën: ¿Nuquin Papan dada uamiampid isbanamboda ictio? Naden chiaid iqueque. Tantia. Buintad bëdambocquid istuidash: Nëidquio shubu uaquin nitsinnun tenu, quetiadquidi isuidposh. Aden buintad isuidaidi utsin teshun shubu uaquin aidba nitsinaid iquendac.

Doma 10:11

Nuquin Papan chuiquin dada uamiampid nad iquec: Abi tantiaquid icsho mua uainquiocquin Nuquin Papan ambi chiampicpadombuen naindac, quequin chuipampic.

Doma 11:2

Ëndenquimboshë Nuquin Papan: Cun matses isadaidbo nec, queshun tantiaquiopampic. Nëbi aido chieshënenquio iquec. ¿Nuquin Papan oncamiampid Ediasën chiampid tantienquioda mibitedishun ique? Aton matses isadaidbo nëishënshun Nuquin Papa naden chuipampic:

Doma 4:11

Adoshon Abadauanën: Abi tantiasho Nuquin Papan ubi bëdambuen isec icsambuen naisabimbuecnuc, quequin tantiaquin Nuquin Papan chiacpadombuen naquin shui dëbid dëtemepampic. Adoaid yec Abadauan Nuquin Papa tantiaquidtedishun papabimbuecquid nepanëdash. Shui dëbid dëtemiacmaidombi abi tantiasho Nuquin Papan adembidi bëdambuen isec icsambuen naisabimbuecnuc.

Doma 4:5

Nuquin Papambien icsambuen nabuedëmbi Esus tantiasho aid matses bëdambuen isendac icsambuen naisabimbuecnuc. Aid matsesën abi bëdambuen ismete nainquio icshobi Nuquin Papan bëdambuen isec.

Doma 4:9

¿Shui dëbid dëtemequid isadaidbouidtsëquida Nuquin Papan bëdambuen ispec? Padenquio. Matses utsibotsen bëdambuen isendac. Adquid icnuc abi tantiaquid icsho Nuquin Papan Abadauan Ambi Chiaid niaquesabimbuecnuc bëdambuen ispampic, quequin chiombi.

Doma 9:17

Ëndenquimbo Nuquin Papan Equipito yacnocquidon chuiquid tapa padaon caid naden chuipampic: Nadatiambo icquidquio nec, ma ubi canu, queshun mibi chuiquid tapa icmiondambi. Adquid icsho ma matses abitedishunquio ubi tantianu, quequin Nuquin Papan padaon chiaid Moisesën dada uapampic.

Santiaco 2:23

Nuquin Papan naden chuiquin dada uamiampicpadombuen napampic: Umbi chiacpadombuen naquidquio icquin ubi tantiaquidquio Abadauan nec, queshun bëdambuen ispampic icsambuen naisabimbuecnuc, quequin chuipampic. Adoaid icsho matsesën: Abadauan Nuquin Papabëd icquidquio nec, quequin chuipampic.

Santiaco 4:5

Adquid chuiquin naden dada uamiampid iquec. Nuquin Papan nuquitedi tantiaquin aton Mayan meniash nuqui cudasendac, quequin chuipampic.