Doma 2:3 - El Nuevo Testamento en matsés

³ Utsibo isec: Icsambuen naquid nec, quebuedëmbi mimbitsen aidon nacpadombuembidi icsambuen nauaic. Adash: Nuquin Papan ubi cuidenquio iquec ¿quecta ique? Mibitsen Nuquin Papan cuidendac.

Doma 2:3 Iomraidhean Croise

Mateo 23:33

Adashic abi padiseobo chiec: Nisibimbuecquido yec icsa uanquido mibitedi nec. Adquido icsho Nuquin Papan chian annëdënquiacno nësecaquin mibitedi cuentiapimbo icnuc cuidendac.

Mateo 26:53

¿Tantienquioda ique? Umbi chiac cun Pan abëd icquido sondadobimbuecquido dadpenquioshë 72mid ubi cudasmenuen chometsiash.

Ducas 12:14

Adoaquien Esusën: ¿Buchibëta mibi namequidtabi nepe? quepanëdash abi: Chuita, caquid caic.

Ducas 22:58

Adshumbic iuecpactsëcshun Petedo isec dadatsen: Ma mibi bëbuedbëd icquid nepayoc, caquien: Aidbëd icquidpenquio nebi, quepanëdash Petedo.

Ducas 22:60

Adoaquien: Tantiadenquionoc mimbi chiec, quepanëdash Petedo. Aden chiec onquenubien cachina cuëdtopanëdash.

Doma 1:32

Aidotedi ambi icsambuen naid ëntiapimbo icquido uënësacsho ënenquio icquin cuidacno nësecaindac, quequin Nuquin Papan Chiampid tantiequi ënëdenquio yec icsaded icsadedquiec. Utsibontsen icsambuen nasho isash cuishonquec: Bëdambo iquec, quepec.

Doma 2:1

Aden utsin icsambuen nabanaid chuisho tantiash: Adquid icsamboshë iquec ¿quequinda tantie? Adec: Utsibo icsambocquid nec, quebuedi mimbitsen aidon nacpadombuen icsambuen naic.

Doma 2:2

Nuquin Papambien matsesën naidtedi tantiaquidquio icquin: Icsambuen naquido icsho mëyadtequid yacno nësecaquin abimbo chuiquin cuidendac, quequin nuquitedi tantiec.

Doma 9:20

¿Matses icquinda mimbi Nuquin Papa chushcapatsia? ¿Ada abi nacnenquid matsun: ¿Atotsi queshun ubi aden nacneno? quequin chushcapec?

Tesadonica 1 5:3

Esus tantienquio yequi matses dadpen: Cuesnanenquio yec nuqui bëdambuec tabadec, queshobien: Nëbi ubi cuidec choec, ambi cacmaidënquio padpidec choshon cuidquiendac. ¿Mitsipadquio chido bacuë usunquid icpec? Aid uëshënquio tishembi, quequin tantiatiapimbo icnubi badedquio nëncuenec. Adacbimbuec ambi: Nëbi choec, cacmaidquio Esus badedquio chosho abi tantiesabon cuenëntiapimbo iquendac.

Ebedeo 12:25

Aden umbi chuisho tantiashun naden tantiata. Nuquin Papan chiacpadombuen nainquio icmane, queshun aidën chuisho tantiata. Ënden Nuquin Papan: Umbi chuisho tantiata, cac matsesën abi chieshënquin ambi chiacpadombuen nainquiocsho cuentiapimbocnoc Nuquin Papan cuidpampic. Adembidi nëbi abi yacno abucshun chuimesho tantiashumbi ambi chiacpadombuen nainquiocsho Nuquin Papan cumapenen cuiduaindac.

Ebedeo 2:3

¿Nëbi icquido nuquitsen Nuquin Papa matses cuidmenquio icquin bëdambuen ismete chiaid chuisho tantiate bunenquiocsho cuidenquioda icpatsiash? Nuquin Papa yacno tabadmianquid nebi, quequin aton Madonquio Esusëmba chiac adombuembidi aidën chuibansho tantianëdaidontsen: Abimbo iquec, queshun ubitedi chuiuapondashi.