Doma 1:3 - El Nuevo Testamento en matsés

³ Aden Nuquin Papan chiampicpadequi chidon tishaid yec isadaidbon chuiquid tapa Dabid yampidën tsiuecquid Esus nepanëdash.

Doma 1:3 Iomraidhean Croise

Mateo 1:1

Esuquidistu chuiquin dada uanu. Aidën tsusedpa Abadauan nepampic. Aidën tsusedpabidi Abadauanën tsiuecquid Dabid nepampic. Abadauanën tsiuecquidobëta Dabidën tsiuecquido chuiquin Esusën tsusedpabotedi chuinu. Tantia.

Mateo 1:16

Acobon madobic Ose cuëmëdpanëdash. Aidquio Madian bënë nepanëdash. Madian Esus usundoshon tishpanëdash. Esus Nuquin Papan Chomiaid yec isadaidbon cainaidquio Quidistu caid yec Mesias quequin cuënaid nepanëdash.

Mateo 1:6

Adshumbic Esen aton mado Dabid isadaidbon chuiquid tapa ictequid tishmepampic. Adoac canishun Dabidën dada utsi Udias caid cuessunnemetanquin aton chido Betseba bedshun aton mado Sadomon tishmepampic.

Mateo 12:23

Adsho isashien Esus datsidadquido tantiadempambo yec tabadec: ¿Nuquin tsusedpa Dabidën Mado choendac, canëdaidta nepec? quecuededpondash.

Mateo 15:22

Adnubien ambocquid chido cananebo icquid yec Esus yacno choquin cuëntuidpondash: Icbo, Dabidën Mado caid icquin ubi bëdambuen tantiaquin nashunta. Cun champi podobitsi icsa dapuduedshun natiamequin mëyadmequioshe. Cun champi bëdanmeta, capondash.

Mateo 26:63

Adoac ëcbedenquio yec otacquio icpanëdash. Adshobien nëish iua cuessunneshun pichicaquidon chuiquid tapan: Nuquin Papa uënëstiapimbocquidën cuidnushe, queshun abimbo chuita. ¿Nuquin Papan Chomiaidquio Quidistu caid yec aidën Madombobida mibi nepe? caquien

Mateo 27:43

Nuquin Papa tantiaquid yec aton Madombo nebi, quequid icsho: Ai, cun madombo nec, quequin Nuquin Papan budmiac uënësenquio icsho isnu, quecuededpanëdash.

Mateo 3:17

Adnubien abucuëshquio Nuquin Papa onquepanëdash: Nëid umbi tantiaidquio Cun Madombo nec. Umbi chiacpadombuen nasho isash bëdambo iquebi, quepanëdash Esus caic.

Mateo 9:27

Auëshquio puduanec nidshobien bëshuaid daëdshun tsibambanquin cumapenec cuëdquin Esus naden chuipondash: Dabidën Mado icquin ubi daëdi bëdambuen tantiaquin ubi bëdanme, quequin cuëmpondash.

Ducas 1:35

Adsho tantiashumbien: Nuquin Papan Mayan Bëda budshun mibi usundomiac mimbi bacuë tishendac. Aden Nadatiambocquidën naidënquio usundomiaid icquin mimbi tishendac. Aden tishaid icsho: Nuquin Papa Nadatiambocquidën Madombo yec bëdamboshëcquidquio nec, utsibon cabededendac.

Ducas 1:69

Aden Nuquin Papan abi yacno puduedmianquid nadatiambocquin nabanquid chomendac. Aidi Nuquin Papan namiaid tsusedpa Dabidën tsiuecquid nendac.

Uanën dada uaid 1:14

Aden abimbo chuiquin Nuquin Papa tantiamianquidquio Esus matsespanëdash. Nuquin Papan Mado abentsëcquiobi yec bëdamboshëcquid nepondash. Aidëmbi ubitedibëd tabadquin nadatiambocquin nabanquin matses tantiaquin nashunquid yec bëchamauanquiecsho ispondambi. Aden Esusën Nuquin Papambo tantiamepondashi.

Uanën dada uaid 1:34

Aden ismeboc tantiaquin: Nuquin Papan Madombo nec, quequin mibi chiec nebi, quepondash Uan acten mentoanquid.

Uanën dada uaid 1:49

Adsho tantiashumbien: Icbo, Nuquin Papan Madombo mibi nec. Nuquin matses isadaidbon chuiquid tapambo ictequid mibi nec, capondash Natanaedën.

Uanën dada uaid 10:30

Cun Pabëd abentsëc yacbimbuecquid yec aid padquidquiobidi nebi, quepondash Esus.

Uanën dada uaid 10:36

Nuquin Papan tantiacpadec abi yacnouësh chondaid nebi. Adquid yec: Nuquin Papan Madombo nebi, ubi quesho tantiashun ¿atotsi quequin mibitedishun ubi chushcai? ¿Nuquin Papadambi icsambuen chuiquin muauadio?

Uanën dada uaid 20:28

mishenquio yec badedi: Ai, Nuquin Papapadquidquiobidi yec Cun Icbombo ma mibi neyoc, quepondash Tomas.

Uanën dada uaid 20:31

Naden tantiaquin dada uaombi: Nuquin Papan Chomiaid yec Quidistu Nuquin Papan Madombo Esus nec, quequin aiduidtsëqui tantiash ma Nuquin Papa yacno ënëdenquio yec abëd tabadtequido icpanu, quequin aidtedi dada uaombi.

Uanën dada uaid 5:25

Adashic padpiden chuiuaic: Tantia. Mibi chuinu. Uënësacbimbuen ubi tantienquio icbuedombi Nuquin Papan Mado icsho ubi tantiaquid yec uënësacsho uincuenmeshun ubëdi tabadmendambi.

Uanën dada uaid 7:42

Nuquin Papan chuiquin dada uamiampid nad iquec: Nuquin Papan Chomiaid Mesias Quidistu caid nuquin tsusedpa Dabidën tsiuecquid nendac. Dabid tishampid shubu daëdpactsëcquid Beden caid yacnoshon aidi tishendac, quequin chuipampic. Aden chiampid icnuc Esus Quidistu ictiapimbo iquec, quepanëdash.

Hechos 2:30

Dabidën Nuquin Papan oncamiaidquio icquin dada uaquin: Naden Nuquin Papan chiondashi. Mibi uënësan min tsiuecquid chuiquid tapabidi iquendac, quequin Nuquin Papan Chiaid abimbo iquec, quequin tantiaquiopampic Dabidën.

Hechos 3:13

Aidi Abadauan yec Isac yec Acobo yec nuquin tsusedpabo yec quequidon Papa campidën naid nec. Aidëmbi ambi nidaidën chomiaid icsho Esus nëbi abitedishun Icbombo icmiac Nuquin Papan dayun tabaduaic. Aidi Aton Papa yacno nidabicsho bedmeshun Pidato meniaquien: Nëid dada icsambuen naisa neque. Nidmenu, quequin tantiaquin Pidaton chiaqui: Icsambocquid neque. Uënës uamequimbien ictiad, quequin mibitedishun chuipondac.

Hechos 8:36

Aden chuibanec podquiedën nidquimbi Etiopia yacnouësh choquid Esus tantiaquid yanshun acte istuidshun: Acte cueneque. Is. ¿Ada ubi acten mentotsia? capanëdash.

Hechos 9:20

Adec Damasco yacno tabadquin Nuquin Papan Chiaid chuibante shubun shubunquiec puduedcuennequin isadaidbo chiec: Esus Nuquin Papan Madombo nec, quequin chuibennequin Saudon tauapanëdash.

Doma 1:9

Aden abi tantiaquidquio icquin umbi Ambi Chiaid Bëda aton Madon naid chuibennequin mibitedi ënenquio icquin tantiasho isash Nuquin Papa: Abimbo caic, quendac.

Doma 4:1

¿Atotsi nuquin tsusedpa Abadauanën napampic?

Doma 9:3

Cun matses isadaidbo tantiec uënësquio yec tsadebi. Nuquin Papan: Min matses abitedi cuidmenquio icnuen mibiuidtsëqui Esuquidistubëd tabadmenquio icquin mëyadtequid yacno nidmequin cuidnu, capatecnëdani. Adoac: Ai, cun matses isadaidbo cuidenquio icnuen ubided cuid, quetsenondabi.

Doma 9:5

Tsusedpabon tsiuecquido yec Nuquin Papan chiampicpadquiequi isadaidbon chidon tishac Esus matsesac caondash. Aidi Mesias Nuquin Papan Chomiaid abipadquidquiobidi yec abitedishun Icbombo matsesac caondash. Adquid icsho: Mibi bëdamboshë iquec, canuna ënenquio icquin. Amen.

Codinto 1 1:9

Ambi chiampicpadombuen naquidquio Nuquin Papa nec. Aidëmbi aton mado Esuquidistu Nuquin Icbo tantiamequin aidbëd abentsëc yacbimbuecnuc tabadmec.

Codinto 1 10:18

Aden pebedednubien isadaidbon Nuquin Papa cuidmenquiocnoen nëish iua cuessunneshun pichicatequid tëshë bedshun pichicaquidobëtambi nëish iua icbon pebededpec.

Cadasia 4:4

Adnubien ambi ëndenquimboshë tantiampicpadembi Nuquin Papan Aton Mado chomepanëdash. Aidi isadaidbo chidon tishaid icquin Nuquin Papan: Naden nata, quequin Moises chuiquin dada uamiampicpadombuen naquidquio nepanëdash.

Tesadonica 1 1:10

Adshumbic: Nuquin Papa yacnouësh aton mado Esus nidaidën padpidec chosho istiadquio iquebi. Ubi cuidmenquio icnuec abided cuidadec uënësacsho Nuquin Papan uincuenmiaid Esus choec, queshun aidquio tantiabenac caosh, quequin mibitedishun naid chioshi.

Timoteo 1 2:5

Aden Nuquin Papan Chiaidquio tantiashun nuqui naden tantiec. Nuquin Papa matses uaquid abentsëcquiobi iquec. Matsessun Nuquin Papa matses bëdambuen ismequid aton Mado Esuquidistu abentsëcquiobi iquec.

Timoteo 1 3:16

Ëndenquimbo abi bëdambuen ismequid ambi matses tantiamenquio icpampidi nëbi Nuquin Papan ismiac abi tantiamequid Esuquidistu bëdamboshë iquec. Aidi Nuquin Papan matsesmepanëdash. Nuquin Papan Mayanën: Nuquin Papapadquidquio yec icsaisambo Esus nec, quequin tantiamec. Matsesën uënës uaqui uincuennëdaid yec Nuquin Papabëd icquidonquio isaidquio Esus nec. Abi chuibennequidon nidaid utsi utsiec yacno nidshun chuibenniac matses utsin utsinquien Esus tantiabempanëdash. Aidquiobi Nuquin Papan abuc indoshon abëdi tabadmeuapanëdash.

Timoteo 2 2:8

Esuquidistu tantiata. Aidi matsesash isadaidbo tsusedpa Dabidën tsiuecquid nepanëdash. Aidi uënës uacsho Nuquin Papan uincuenmepanëdash, quequin Chiaid Bëda Esusën naid umbi chuibambuedquio abi iqueque. Aidquio tantiaquiota.

Uan 1 1:3

Aidi ubëd icquidobëtan isquin chuibansho tantiondashun chuibanec nebi. Ma mibitedi ubëd icquidobëd abentsëc yacbimbuec ma tabadnu, quequin chuibanec nebi. Adecbidi abentsëc yacbimbuec Nuquin Papabëd yec aton mado Esuquidistubëd yec quec ubitedi tabadacpadecbidi ma mibitedi tabadnu, quequin chuibanec nebi.

Uan 1 3:23

Nadembidi Nuquin Papan Chiaid nuqui tantiondac: Cun mado Esuquidistu tantiata. Aden tantiabenash aidën chiacpadec utsibobëd tantiananta, quequin chiaid nuqui tantiec.

Uan 1 3:8

Padnuen ënenquiocquin icsambuen nabanquido Mayan Icsa Satanasën namiaido nec. Ënden Nuquin Papan abitedi uabi icnubi Mayan Icsa Satanasën tauaquin icsambuen nampid yequi abi icsambuen namequid nec. Aidën namiaido matses icsho isash Nuquin Papan iuabo icmequin Mayan Icsa Satanas bedshunnuec Nuquin Papan Madombo Esus chopanëdash.

Uan 1 4:15

Esuquidistu Nuquin Papan Madombo nec, quequin tantiaquidbëd abentsëc yacbimbuec Nuquin Papa iquec. Adecbidi aidbëd abentsëc yacbimbuec abi tantiaquid iquec.

Uan 1 5:1

Nuquin Papan nidaidën chomiaid Mesias caid Esuquidistu nec, quequin tantiaquid Nuquin Papan: Cun bacuëbo nec, caido nendac. Matses caic: Amë tantiaquin aton bacuëbotsen tantiaquid nec.

Uan 1 5:20

Nadembidi nuqui tantiec. Nuquin Papan Madombo choshon chuibanec: Nuquin Papambo nadquio iquec, quequin tantiamepondash. Adash: Esuquidistu Nuquin Papan mado Nuquin Papapadquidbëd abentsëc yacbimbuec nuquitedi iquec. Aidi Aton Papapadquid icquin abi tantiaquido icsho Nuquin Papa yacno ënëdenquiocnoc tabadmendac, quequimbidi nuqui tantiec.

Uan 1 5:5

Esuquidistu Nuquin Papan Madombo nec, quequin tantiaquidënquio Esus tantiesabon: Icsambuen namenu, caqui icsambuen nainquiocquin dëniactednendac.

Uan 2 1:7

Muaquin chuibanquido dadpen choac. Aidon: Esuquidistu Nuquin Papan Chomiaid yec matsespenquio nepanëdash, quequin muaquin chuibanendac. Aido Esuquidistu chieshënquidombo nec.

Esusën Uan ismiaid 2:18

Naden padpiden Nuquin Papabëd icquidën chuiuaposhi: Tiatida yacnoshon ubi chuibanquidën iste chuinu. Dada uata. Nuquin Papan Madombo yec cute nëdënquequidbimbuec aton ëshë isquid isquidquio iquequi aton taë shocosh piumbocquidbimbuec nacnacquio icbuedën naden chioshibique. Tantia, Tiatida yacnocquido. Mibitedi chuinu.