Doma 1:1 - El Nuevo Testamento en matsés

¹ Esuquidistun iuambo Pabado nebi. Aidën: Ubi chuibenneta, quequin tantiamiaidquio nebi. Adembidi Nuquin Papantsen: Umbi Chiaid Bëda tantiamequin chuibenneta, caidquio nebi. Adquid icquin mibitedi tantiembi.

Doma 1:1 Iomraidhean Croise

Madcos 1:14

Adnubien isadaidpembon chuiquid tapan acten mentoquid Uan bedmeshun quënën tsadunmepanëdash. Aden Uan quënën tsadunmiambien Esus nidaid Cadidea caid yacno nidpanëdash. Adshumbic tauaquin Nuquin Papan Chiaid Bëda chiec: Nuquin Papan namiacno tabadte nëbi iquec, quequin Esusën chuibampanëdash.

Uanën dada uaid 12:26

Ubi nashunte bunquidën umbi chiacpadombuen natsiash. Adquid ubi tantiaquid icsho Cun Pan utsibo dadpen chuiquin: Nëid bëdambocquid nec, caindac, quepondash Esus.

Uanën dada uaid 15:15

Iuan aton icbon nabantequid tantienquio iquec. Adquid icnuc Cun Pan: Ma abi tantiaquido chuinu, caidtedi chuiquin mibitedi tantiamiombi. Adshun iua cainquio icquin mibitedi cun utsibo caimbi.

Uanën dada uaid 15:20

Iuan aton icbo dëniactiapimbo icquid, quequin umbi chuibued tantiata. Aden umbi Chiaid icnuc ubi chieshëmbocpadombuembidi mibitsen chieshënuaindac. Adembidi umbi chiacpadombuen naquidën mimbi chiacpadombuentsen naindac.

Hechos 13:9

Saudo quequin isadaidbon cuënnubi Pabado quequin isadaidpembon cuëmpanëdash. Aden Edimasën utsi uain chuisho tantiashun Nuquin Papan Mayan Bëdan tantiamiac aid bëisec Pabado nadpanëdash:

Hechos 20:24

Aden Nuquin Papan Mayan Bëdan chuisho tantiashi: Cuessunnenushe, quenquio yec niduaibi. Esuquidistun: Ubi chuibenneta, cacpaden naimbudquin utsi utsiec yacno nidshun: Esus tantiasho Ambi tantiaid yec Nuquin Papabëd tabadte iquec, quequin Chiaid Bëda chuibanembi.

Hechos 21:40

Adoaquien: Ai chuita, capanëdash sondadon chuiquidën. Adoac abuc dectatoten dectatoshon nidtomiac chiec: Otacquio tabad, quequin ismequin Pabadon aton mëdante uic uiccapanëdash. Aden nasho isash isadaidbo otacquio tabadsho isash: Cun matsesën onqueten ebedeon mibi chuinu. Tantia, quec nadec Pabado onquedopanëdash:

Hechos 22:21

Adshobini Nuquin Icbon: Nidec nid. Isadaidpembo yacno ënapen mibi nidmembique. Nidta, capondashi, quepanëdash Pabado ambi nabanaid iccuededquido chiec.

Hechos 22:7

Adoac nidaidën uebudpondabi. Adec uebudshun nadec onquesho tantiapondambi: Saudo, Saudo ¿atotsi queshun ubi mëyane? capondashi.

Hechos 26:1

Aden Ueston chiaquien: Mibibi onquequin mimbi naid chui. Tantianu, quepanëdash Aquidipa Pabado caic. Adoaquien aton mëdante cadoec Pabado nadpanëdash:

Hechos 26:14

Aidën dëcatiac ubitedi nidaidën uebudcuededpondabi. Adec uequimbi cun matses ebedeon onquetenquio abucuësh nadec onquesho tantiapondambi: Saudo, Saudo ¿atotsieshun ubi mëyane? Mibibi cuesadec mëyamëdacbimbuec mibi iquec, quec onquequin chuipondashi.

Hechos 27:23

Nuquin Papan iuambo yec aid nashunquidquio nebi. Adquid icsho inchëshën abëd icquid ambi budmiaid isadcuenshun naden chuiposhi:

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Doma 1:16

Esusën naid Chiaid Bëda nadatiambocquin Nuquin Papan tantiametequid nec, quequin chuibanac: Abimbo caic, quequin tantiaquido Nuquin Papa yacno tabadendac. Adquid icnuc Esusën naid dacuëdenquio icquin chuibennec nebi. Aden abia chuibanac: Abimbo caic, quequin tantiaquido isadaidbo icnuc adembidi tantiaquido matses utsibo icsho Nuquin Papan abëd tabadmendac.

Doma 1:5

Aidëmbi ubi tantiaquioquin: Ma nëidën nidaid utsi utsiec yacno nidshun chuibenniac matses utsibontsen ma ubi tantiaquin umbi chiacpadombuen nanu, quequin ambi naidbëta ambi chiaid chuibennequid Esuquidistun icmepondashi.

Doma 1:9

Aden abi tantiaquidquio icquin umbi Ambi Chiaid Bëda aton Madon naid chuibennequin mibitedi ënenquio icquin tantiasho isash Nuquin Papa: Abimbo caic, quendac.

Doma 11:13

Tantia, matses utsibo. Mibitedi chuinu. Nuquin Papan mibi yacno nidmiac Esusën naid chuibennec bëdambo iquebi. Nëid umbi chuibanaid bëdamboshëcquid nec.

Doma 15:16

Nuquin Papan adquid icmiac Esuquidistun naid chuibennequidquio icquin matses utsibo nashunquin aidën bëdambuen iste chuibenniombi. Adoac Nuquin Papa ismequin nuadte bëda pichicacbimbuecquido icsho Nuquin Papan Mayan Bëdan aido bëdambuen tabadmendac.

Doma 15:29

Adec nidshun mibëdi tabadquin umbi Esus tantiamequin chuisho Esuquidistun nuquitedi bëdamboshë icmendac, quequin tantiembi.

Doma 16:18

Nuquin Icbo Esuquidistun chiacpadombuen nainquio icquin aidon: Umbi chiaid tantiata, quequin abi bunaidquio namequin muaquin Esus tantiabentsëcquid icsambuen namec.

Doma 16:25

Nuquin Papa Bëdamboshë iquec, canuna. Umbi Esuquidistu chuibanac tantiabensho Nuquin Papan mibitedi chieshtoenquio icmiac umbi chuibambued Esus tantiec tabadta. Nuquin Papa ëndenquimboshë abitedi uabi yec: Iuecshun naindambi, quequin ambi matses tantiamenquio icpampidi mibi Esus tantiamiac.

Codinto 1 1:1

Pabado nebi. Nuquin Papa bunacpadombuen Esuquidistun: Ubi chuibennequid icta, quequin tantiamiaidquio nebi. Esus tantiaquid icsho nuqui cun utsi caid Sostenes ubëd iquec.

Codinto 1 9:1

Nuquin Icbo Esus isondambi. Aidën: Ubi chuibenneta, caidquio nebi. Adquid iquec utsibon namiaidpenquio nebi. Umbi Esuquidistu chuibansho tantiash aid tantiaquid mibitedi yampondac.

Codinto 2 1:1

Pabado nebi. Nuquin Papa bunacpadombuen Esuquidistun: Ubi chuibennequid icta, caid nebi. Esus tantiaquidbidi Timoteo nuqui cun utsi caid ubëd iquec. Aidbëtambi mibi tantiembi, quequin shubu dadpen icquid Codinto yacnoshon Esus tantiaquin Nuquin Papa tantiaquido icsho mibitedi chuiquin dada uaimbi. Adembidi Esus tantiaquid utsibo nidaid cuëshë Acaya yacno tabadquidtedi icsho tantiembi, quequin chiec nebi.

Codinto 2 11:5

Esuquidistun: Ubi chuibenneta, cac Nuquin Papan tantiamiacpaden chuibennec nebi. Aden chuibennenubi utsibo tsiuec choshon chuibansho tantiash: Bëdambuen chuibanquidquio nec. Aden Pabadon chuibanenquio iccosh, quesho tantiash: Icsambuen chuibanombi, quetiapimbo iquebi.

Codinto 2 11:7

Ma Esuquidistun naid Nuquin Papan Chiaid Bëda tantiapanu, queshun mibitedi chuibanequi: Bec cho ¿quenquio icquindambi icsambuen naponda?

Codinto 2 12:11

Ubipadquid utsi nibëdec, quequin chienquioctiadquidi tantiesa onquiacbimbuen chiombi. Ubi caic mibitedishun: Bëdambuen chuibanquid nec, cac aden chienquio ictsenombi. Utsin utsinquien: Icsambuen chuichitequien Pabado niosh, canubi mibitedi muaquin chiec: Esuquidistun: Ubi chuibenneta, caid nebi, quec muaquidon ubi dëniactiapimbo iquec. Padnuebi bëdambocqudpenquio nec.

Codinto 2 2:12

Chiaid Bëda Esusën naid chuibannuec shubu dadpen icquid Todoade yacno ubi choacsho isash: Tantianu, quec chochoquid dadpen icpondash.

Codinto 2 4:5

Umbi naid tantiamenuen chuibanesa nebi. Esuquidistu Nuquin Icbo nec, quequin chuibanquidquio nebi. Aid tantiaquid icquin mibitedi tantiamenuen chuiquin mibi nashunquid ubitedi nec.

Cadasia 1:1

Pabado nebi. Esuquidistun: Ubi chuibenneta, caid nebi. Matsesën: ¿Adquid icta, caidtabi nedi? Padenquio. Esuquidistun: Ubi chuibennequidquio icta, caid nebi. Adembidi Aid uincuenmenëdaid icquin Nuquin Papantsen: Esus chuibenneta, caid nebi.

Epeso 1:1

Pabado nebi. Nuquin Papa bunacpadombuen Esuquidistun: Ubi chuibenneta, caidquio nebi. Adquid icquin Nuquin Papa tantiaquido icsho: Mibitedi tantiembi, quequin chuiquin dada uaic nebi. Epeso yacnocquido Esus tantiaquido yec mibitedi Esuquidistubëd abentsëc yacbimbuec tabadquido nec.

Epeso 1:13

Nuqui icsambuen naid bedshunash Esuquidistuded uënëspanëdash, quequin abimbo chiaid chuibansho tantiashun Esus tantiabenondaido mibitedi nec. Adquido icsho: Umbi bëdambuen isaido ubëd tabadtequido nec, queshun ambi chuinëdacpadombuen: Cunatedi nec, quequin Nuquin Papan aton Mayan Bëda meniac mibëd iquec.

Epeso 4:11

Adoac aidënquiobi abi tantiaquido utsi utsien nadquidtedi icmebanec. Nëidic Esuquidistu chuibennequido. Utsibic: Nuquin Papan oncamiaido. Utsibic Chiaid Bëda Esusën naid chuibennequido. Utsibic Esus tantiec iccuededquido chuibanta, caido. Utsibic abëd iccuededquido tantiamequin chuibanquido.

Pidipos 1:1

Esuquidistun iuambo Pabado nebi. Aidën iuabidi Timoteo ubëd iquec. Aidbëtan shubu dadpen icquid Pidipos yacnoshon Esus tantiaquido icsho mibitedi tantiembi, quequin dada uaimbi. Nuquin Papa tantiaquido yec Esuquidistubëd daëdash abentsëc yacbimbuecquido mibitedi nec. Adembidi chuiquid tapabobëta mibi nashunquido tantiembi.

Pidipos 2:11

Ma abitedishunquio: Esuquidistu Nuquin Icbombo nec, quequin tantiaquin: Nuquin Papatsen bëdamboshë iquec, ma canu, quequin adopanëdash.

Codosas 1:1

Pabado nebi. Nuquin Papa bunacpadombuen Esuquidistun: Ubi chuibenneta, caidquio nebi. Esuquidistu tantiaquid icsho nuqui cun utsi caid Timoteo ubëd iquec.

Codosas 1:25

Mibitedi bëdambo icmenuen Esus tantiaquidotedi nashunquid icmequin Nuquin Papan: Nidaid utsi utsiec yacno nidshun Esuquidistun naid Chiaid Bëda chuibenneta, caidquio nebi.

Tesadonica 1 2:2

Nadembidi mimbi tantiec. Shubu dadpen icquid Pidipos yacnoshon ubi icsambuen chuishunquin mëyanaqui mibi yacno nidshun Chiaid Bëda Esusën naid mibitedi dacuëdenquiocquin chuibanondambi. Utsibo dadpenshun chieshënnubi Nuquin Papan namiacpadombuen dacuëdenquio icquin mibitedi Esus chuibanondambi.

Tesadonica 1 2:8

Mibitedi tantiaquioquin Nuquin Papan Chiaid Bëda chuibanec iuec mibëd tabadondabi. Aden umbi chuibanaido icsho utsibon mibi chieshënquin: Cuessunnenu: casho tantiash: Ubiquien na, quetsenondabi.

Tesadonica 1 2:9

Cun utsibo. Aden Esusën naid chuibanquimbi nëish iua bitsi tuscaquimbi shubumpi nacnendedniondambi. Badiadën naquimbi inchëshëntsen adembidi nadedniondambi. Mibitedi caic: Ubi menianniac aton piucquid naimëdnushe, quiash cun piucquid bednuec chonoadtedniondabi. Mimbi isnubi adondabi.

Timoteo 1 1:1

Pabado nebi. Nuquin Papa yacno iuedanquid Esuquidistu nuqui cainaidën: Ubi chuibenneta, caidquio nebi. Aton Mado tantiasho nuqui bëdambuen isquid icquin Nuquin Papan: Cun Mado Esus chuibenneta, caidquiobidi nebi.

Timoteo 1 2:7

Aden Esus chuibanmenuen Nuquin Papan Ambi Chiaid chuibanquidquio icmepondashi. Adembidi Esusën: Isadaidpembo tantiamequin ubi chuibenneta, caondaidbidi nebi. Adoaid icquin: Ma Esus tantianu, queshun Nuquin Papan Chiaidquio muainquio icquin abimbo chuibennec nebi.

Timoteo 2 1:11

Aden tantiaquid icsho Nuquin Papan: Esus chuibennequid icta, capondashi. Adoac nidaid utsi utsiec yacno nidshun Nuquin Papabëta Esus chuibennequin tantiamebennequidquio nebi.

Tito 1:1

Pabado nebi. Nuquin Papan namiaidquio nebi. Adembidi Esuquidistun: Ubi chuibenneta, caid nebi. Nuquin Papan: Nëido cun matses nendac, caido yec Esuquidistu tantiaquidombo ma icpanuna. Adquid yec ma Nuquin Papan chiacpadec bëdambuec tabadpanuna, quequin chuibanec nebi.

Ebedeo 5:4

Abibi Nuquin Papa matses bëdambuen ismenuen nëish iua cuessunneshun pichicaquidon chuiquid tapa icnu, quesa icpampic. Nuquin Papambi: Min matses Ubi bëdambuen ismenuen nëish iua cuessunneshun pichicaquidon chuiquid tapa icta, caid icpampic. Nuquin Papan Adon cuëmëdquidba aden naquid icmepampic. Aid uënësan abi tsibanquid abi tsibanquidquien Nuquin Papan nëish iua cuessunneshun pichicaquidon chuiquid tapa icmedednepampic.

Ebedeo 7:26

Aden nuqui bëdambuen ismequid chuiquid tapa uënësenquio ictequid Esus adquid yanan nuqui bëdamboshë iquec. Aidi bëdamboshëcquid icquin icsambuen naisambo nec. Matses icsambuen naquido nibëdacno Nuquin Papa yacnoshon abitedishun: Cun Icbombo yec mibi bëdamboshëcquid nec, capec.

Santiaco 1:1

Santiaco nebi. Nuquin Papan namiaidquio yec Nuquin Icbo Esuquidistun namiaidquiobidi nebi. Adquid icquin nuquin tsusedpa Acobon mado docetedshun tsiuecquido yec uanno uannuec nidanniash tabadquin Esus tantiaquido icsho mibitedi tantiembi, quequin chiec nebique. Isec onqueta.

Petedo 1 4:17

Nuquin Papan matsesën naidtedi tantiaquin cuidte uëshë nëbi yannuc Esus tantiaquid icquimbi icsambuen naquid icsho mibi natiamendac. Adsho issun chieshëmënquidën natiamiac umbi tantiacpadombuen ambi icsambuen naid ëntsiash, queshun mibitedi Nuquin Papan: Natiamenda, cainquio iquec. Aden abi tantiaquidoba natiametequid icquin ¿abi tantiesabo icquin Esusën naid Chiaid Bëda niacniacquid icsho bëdiactsëcta cuidpec? Cumapenquien Nuquin Papan cuidendac.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Udas 1:1

Esuquidistun iuambo nebi. Santiacon utsi Udas nebi. Mibitedi tantiaquioquin Nuquin Papan tantiamiaido icquin abi tantiasho: Ubi tantienquio yannushe, queshun Esuquidistun mibitedi cudasquin dayunuaic, quequin chuiquin mimbi iste dada uanu.

Esusën Uan ismiaid 1:1

Esuquidistubëd iccondaid Uan nebi. Nuquin Papan tantiamiac Esuquidistun: Nadquid iquendac, quequin abi ismebuedquio dada uaic nebi. Esus tantiaquidon ma tantianu, queshun Nuquin Papan chiac Esuquidistun: Ma ismenu, quequin abëd icquid ambi budmiaidën ismeposhi.

Esusën Uan ismiaid 22:6

Adshumbic Nuquin Papabëd icquidën naden chuiuaposhi: Muesambo icquin umbi abimbo chiaid tantiatequidquio nec. Nuquin Papan Nuquin Icbombo icquin aton Mayanën tantiamiac: Iuecash nadquid iquendac, quequin ambi oncamiaido Nuquin Papan chuimepampic. Adembidi Nuquin Papa nashunquido abimbo chuiquin dadpen ismebanombi. Nëbi nadquid iquendac. Iuecash utsi nadquid iquendac, quequin tantiamenuen mibi ismebanombi, queposh Nuquin Papabëd icquid.

Esusën Uan ismiaid 22:9

Adshobini: Padi, Aden ubi ismenda. Mibi padquid Nuquin Papan iuabidi nebique. Ëndenquimboshë Nuquin Papan oncamiampido min tsusedpabo isadaidbo aidën iuabidi nepampic. Nëbi umbi ismebued tantiaquin Nuquin Papan chiacpadombuen naquido aton iuabobidi neque. Nuquin Papauidtsëqui tantiaquin aden ismeta, caposhi Nuquin Papabëd icquidën.