Codosas 4:12 - El Nuevo Testamento en matsés

¹² Epapadas mibi yacnoshon Esus tantiec mibëd iccuededondaid Esuquidistun namiaid icquin aid chuibanquidquio nec. Aidëmbidi: Aido cun utsibimbuecquido icsho tantiec tsadebique. Chui, quesho tantiashun dada uaimbi. Aidëmbidi ënenquio icquin mibitedi tantiaquin Nuquin Papa naden chiannec: Icsambuen namenuequid icnuc mibi bunacpaden tantiamequin mimbi Codosas yacnocquido chieshtomenquio icquin Esuquidistu tantiec tabadme, Papa, quequin Epapadasën Nuquin Papa chiannec.

Codosas 4:12 Iomraidhean Croise

Mateo 5:48

Abuc tabadquid Nuquin Papabimbuec bëdambocquid icta. Bëdambo icquidobëta icsambo icquidobi Nuquin Papan bëdambuen isquin tantiacpadombuembidi utsibotsen tantiata, quepanëdash Esus.

Ducas 1:1

Matses dadpenshun: Nëmbo nasho ubitedishun isondaid dada uaquin tannu, quequin dada uapanëdash.

Ducas 22:44

Aden chieshtomenquio icaqui natiaquiec uëshquec Nuquin Papa chuiquiequi ichacbëd intac daëdash nidaidën pasquebudnepanëdash.

Uanën dada uaid 12:26

Ubi nashunte bunquidën umbi chiacpadombuen natsiash. Adquid ubi tantiaquid icsho Cun Pan utsibo dadpen chuiquin: Nëid bëdambocquid nec, caindac, quepondash Esus.

Doma 15:14

Tantia. Chuinu, cun utsibo. Mibitedi bëdambuec isnanec utsibobëd bëdambuec tabadquido nec, quequin tantiembi. Adembidi: Bëdambuen tantiaquidquio yanash chuinanquidombo nec, quequin tantiembi.

Doma 15:30

Tantia, cun utsibo, Nuquin Icbo Esuquidistun aton Mayambëtan tantiamiacpadec utsibobëd tantiananec bëdambuec tabadquido nuqui neque. Icsamianquidën dëniacnushe, queshun ubi tantiaquin ënenquio icquin Nuquin Papa chianneta.

Codinto 1 14:20

Cun utsibo, mibitedi bacuëbon tantiacpaden tantiec tabadenda. Bacuëbo tantiabenabictsëcquidën icsambuen naid tantienquio yacbimbuec tabadta. Adec tabadquin caniaidën tantiacpaden bëdambuen naic tabadquin ismeta.

Codinto 1 2:6

Padnuembi Esus tantiaquidquio icsho: Ma udictsëc tantiabennu, quequin bëdambuen tantiaquioquin chuibanendac. Esus tantiesabon: Umbi tantiaid dadpen tantiamenu, quequin chuibanacpadombuen chienquio iquembi. Adembidi chuiquid tapabon chiacpadombuen chienquio iquembi. Aidon chiaid nibëdanendac.

Codinto 2 13:11

Nëbi ënquimbi dada uaimbique. Tantia, cun utsibo. Bëdambuec cuishonquec tabadquid icnu, quec Nuquin Papan chiacpadec tabadta. Utsibobëd tantiananec bëdambuec tabadtedneta. Bëdambuec tabadnuna, cananta. Adec tabadsho isash mibitedi bëdambuec tabadmequid yec mibi tantiaquidquio Nuquin Papa mibëd iquendac.

Cadasia 1:10

¿Mabi matsesën: Mibi bëdambo iquec, canu, quequindambi aden chuibampadi? Padenquio. Nuquin Papambien: Mibi bëdambo iquec, ubi caindac. Matsesën tantiaiduidi chuibanec Esuquidistun iuapenquio ictsiabi.

Cadasia 4:19

Cun bacuëbobimbuecquido icsho mibitedi tantiac uënësquio iquec. Anin paëmbo icnuc natiaquimbi aton bacuë tishacbimbuen natiaquin mibitedi tantiaquiembi. Esuquidistubimbuec icpashun, quequin tantiembi.

Codosas 1:22

Adquid iccondaidi: Nëbi ubi yacno iuednu, quiash abided cuidadec uënëssun Esuquidistun abi tantiaquidotedi ambi icsambuen naid tantienquio yec bëshunquin icsaisabimbuecnuc isquin ambi icsambuen naid nibëdacbimbuecnuc aido Nuquin Papa bëdambuen ismec.

Codosas 1:28

Aden ubi padquidobëtan Esuquidistu chuibenniac aid tantiaquid yansho issun: Esuquidistu tantiec bëdambuec tabadtedneta, quequin Nuquin Papan tantiamiacpadombuen chuibennec nebi. Abi yacno chosho Esuspadquid icmequin ambi bëdambuen isaido ma Nuquin Papan iuednu, queshun chuibennequid nebi.

Codosas 1:29

Adquid mibitedi icmenuen badiadquidën badiadquidënquien Esuquidistu nadatiambocquidën namiac uidënquio yec chieshtoenquio icquin chuibennec nebi.

Codosas 1:7

Aden mibëd icquin Epapadasën chieshtoenquio icquin Esuquidistu chuibanac aid tantiaquido mibitedi yampondac. Aidi umbi Esus chuibanacpadombuen chuibanquid icsho umbi tantiaidquio nec.

Codosas 1:9

Aden Epapadasën chuiboc mibitedi tantiaquin ubitedishun ënenquio icquin naden Nuquin Papa chiannembi: Mimbi tantiacpadombuen min Mayanën bëdambuen tantiamiac: Nuquin Papan chiacpadombuen nate bunebi, quequin ma bëdambuen tantianu. Tantiamequiota, Papa, quequin chiannembi.

Codosas 4:9

Tiquicobëd Onesimo mibi yacno nidec. Aidi nuqui tantiaidquio yec nuqui cun utsi caidbidi nec. Onesimo mibi yacnoshon Esus tantiec mibëd iccuededquid nec. Aidi chieshenquio icquin ubi nashunquid nec. Aid daëdshun ubëd icquidon umbi nabanaidtedi mibitedi chuibanendac.

Tesadonica 1 5:23

Mibitedi tantiaquin Nuquin Papa naden chiannembi. Bëdambuec tabadmianquid icquin mimbi chiacpadombuen naic bëdambuec tabadquid icme. Adembidi aton tantiate yec aton mayan yec aton dada yec quenuc bëdambo icmequin bëdambuen dayun ua, Papa. Adoacsho Cun Icbo Esuquidistu choshon aido bëdambouidquio icsho istuidendac, quequin chiannembi.

Pidemon 1:23

Epapadas ubëd iquec. Aidbidi Esuquidistu chuibansho bedshun quënën ubëta tsadunondash. Aidëmbi: Mibëd icquidotedi tantiec tsadebi, quequin chuita, cac dada uaimbi.

Ebedeo 5:14

Padnuen caniaidën petembo piacbimbuen bëdambuen tantiendac. Adquidën: Naden nac bëdambo ictsiash. Naden nac icsambo ictsiash, quequin tantiaquidquio nendac.

Ebedeo 5:7

Esuquidistu matsesash nidaidën tabadec: Ubi uënës uamequin mëyanquiendac, quequin tantiec shubiquioquin naden chuidonepanëdash: Nadatiambocquid icquin ubi uënës uamenda, Papa, quequin chuidoniaqui: Ai, quenquio icsho Aton Madon naden chiec: Papa, mimbi chiacpadombuen naindambi, quequin abi chuisho tantiashun aton Papan adombuen namepanëdash.

Santiaco 1:1

Santiaco nebi. Nuquin Papan namiaidquio yec Nuquin Icbo Esuquidistun namiaidquiobidi nebi. Adquid icquin nuquin tsusedpa Acobon mado docetedshun tsiuecquido yec uanno uannuec nidanniash tabadquin Esus tantiaquido icsho mibitedi tantiembi, quequin chiec nebique. Isec onqueta.

Santiaco 1:4

Aden natiamiaqui chieshtoenquio yec tabadsho bëdambuec tabadte bëdambuen tantiamequin ambi chiacpadombuen nabanquidquio mibitedi icmendac.

Santiaco 5:16

Adquid icnuc mimbi icsambuen naid tantiaquin mibëtan Esus tantiaquid utsibobëd chuinanta. Adoshon: Nënec aton dada daicsabudquido ma bëdanmenu, queshun Nuquin Papa chuibededta. Ambi chiacpadombuen naquidën chuisho tantiashun nadatiambocquin aid nashunendac.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Udas 1:24

Nuquin Papa abentsëcquiobi iquec. Abi tantiasho dayun uaquin nuqui icsamenquio iquendac. Adshumbic: Icsambocquid mibi nec, utsibo quetiapimbo icnuc bëdambocquid icmeshun bëdamboshë yacno abëdi nuqui tabadmendac. Adoac nuqui cuishonquequiendac. Adquid tantiaquin nadonona. Abipadquid utsi nibëdnuc Nuquin Papa abentsëcquiobi iquec. Nuquin Icbo Esuquidistuded cuidshun abi tantiaquido cuidenquio icquid Nuquin Papa nec. Abitedishun Icbombo icquin nadatiambocquin nabanquidquio Nuquin Papa nec. Abitedishun Icbombo icquin abitedimbo namequidquio nec. Aidi ëndenquimboshë yampidi nëbi nibëdantiapimbocquid yec abi iquec. Adquid icsho: Mibi bëdamboshë iquec, canuna ënenquio icquin, Amen. Aidted chuiquin dada uaombi.