Codosas 4:1 - El Nuevo Testamento en matsés

¹ Iuaquidon, mimbi iuaido ambi nabanaid tantiaquin bëdambuen menebanta. Adembidi: Abuc Cun Icbombo iquec, quequin tantiaquin mimbi iuaido bëdambuen ista.

Codosas 4:1 Iomraidhean Croise

Mateo 20:4

Adoshombic aidotsen chuiquin: Cun tied neshcaic nidta. Mibi bëdambo icmenuen piucquid menenu, cac tied neshcaic nidposh.

Ducas 19:15

Adnubien: Chuiquid icnu, quianec nidbued chuiquid tapa icmeposh. Aden icmiac aton shubuno chouash: Cun piucquid ¿tedtsi daëd uapashba? abibi queshun ambi menebuedo aton iuabo 10ted icquid chochomeposh.

Santiaco 2:13

Utsibo uënësquiocquin tantiesa matses icsho Nuquin Papan: Aido tantiac uënësquio iquec, quenquio icquin cuidendac. Aden cuidshumbic utsibo uënësquio icquin tantiaquido icsho Nuquin Papan ambi abitedi cuidte uëshën aido cuidenquio iquendac.

Santiaco 5:4

Adembidi min tiedën caniquid bedquin chonoadquido icsho mimbi dayun uaid piucquid menenquio icac aido shubiec tabadquin: Piucquid menianenquio iquec mibi icsambo iquec, quec cuëdcuededquin chuisho Nuquin Icbo Nadatiambocquidën abitedimbo tantiec.

Esusën Uan ismiaid 17:14

Adoac Obecabimbuecquidbëd icquido nibëdquiocnoc cuessun secanu, quiash aidobëd cuesnancuededposh. Adec cuesnanquin Obecabimbuecquidën dëniacposh. Aido abi chieshënquidon: Chieshtomenu, caqui chieshtoenquiocquin Obecabimbuecquid tantiaquid icsho Nuquin Papan namiaido neposh. Obecabimbuecquid abitedishun Icbombo yec abitedishun chuiquid tapambo nendac, quetanquin dëniaquendac, queposh Nuquin Papabëd icquid.

Esusën Uan ismiaid 19:16

Aton dashcute bëntsecquidbëtambi aton bëusudquidën naden dada uapaccosh: Abitedishun chuiquid tapambo yec abitedishun Icbombo nec, quequin chuiquin dada uapaccosh.