Codosas 3:2 - El Nuevo Testamento en matsés

² Aden abuc tabadte tantiaquid icquin nëid nidaidën icquiduidi tantiec tabadenda.

Codosas 3:2 Iomraidhean Croise

Mateo 16:23

Aden chiac bidiadquin Esusën: Mayan Icsa Satanasën oncamiac Petedo nec, queshun Petedo isquin naden chushcapondash: Cuenta, Satanas. Nuquin Papan tantiacpadpenquiocnoc Ambi Chiaid ubi niacmenu, quequin icsambuen chuiquid iquec. Mayan Icsa Satanasën tantiamiac matsesën tantiacpaden tantiaquid mibi nec, capondash Esusën Petedo chuiquin.

Mateo 6:19

Adshumbic padpiden Esusën naden chuibampanëdash: Mimbi nidaidënshun bedaid dayun uateuidi tantienda. Dayun uatequid nadquid nec. Chodquetequid yec macun pequin icsa uatequid yec shënibudtequid yec utsibon ampeshuntequid yec quec nibëdantequid neque. Adquiduidi tantienda.

Ducas 12:15

Aden aid chuishumbic: Cuna dadpenquio bednu, quesa icta. Mimbi dadpen bedaidënquio mibi bëdambuec tabadtiapimbo iquendac.

Ducas 16:11

Adembidi nidaidënshun bedquin mibitedishun icsambuen naquin ampiacsho issun ¿tsuntsin: Bëdambocquid mibitedi neque. Cun piucquid dayunuaquin ista, capec?

Pidipos 1:23

Umbi aden tantiaid daëd icnuc ubi adtequid tantienquio icquimbi: Nëbimbobi uënësmepashuni, quequin tantiabuedi: Esuquidistubëd tabadec nidnu, quequin tantiembi. Adash bëdamboshë ictsiabi.

Codosas 3:1

Esus tantiaquid icquin naden tantiata. Nuquin Papan Esuquidistubëta uincuenmiacbimbuen chuca uaid nebi. Adquid yanshun abuc Esuquidistu Nuquin Papan dayunquio abiuc tsadquin ambi namiacno ubitsen tabadtequid nebi, quequin aidquio tantiec bëdambuec tabadta.

Codosas 3:5

Adec Esuquidistubëd tabadec bëdamboshëcquid iquendabi, quequin tantiaquin mimbi icsambuen nabanaidtedi cuessun secacbimbuen mibitedishun ëmbanta. Adshun: Umbi chudtemaid chudnu, quenquio icquin ënta dadan. Umbi chudmetemaid chudmenu, quenquio icquin ënta chidon. Aden natemaid bunmec dasiuidenda. Adembidi mimbi icsambuen nate bunaidtedi ënta. Adembidi mitsana dadpen bedteuidi bunaid ënta. Mimbi: Bednu, quequinuidi tantiaid matsesën ambibi nacnenshun: Papa, quequin tantiacbimbuecquid mibi bedte bunaid nendac.