Codosas 3:16 - El Nuevo Testamento en matsés

¹⁶ Esuquidistun naid chuibanaid bëdamboshëcquid tantiaquido mibitedi neque. Aid bëshunenquio icquin tantiec bëdambuec tabadta. Adembidi bëdambuen tantiaquin Esus tantiaquid utsibobëd tantiananec Esuquidistun chiaid chuinanec: Bëdambuec tabadnuna, quec chuinanta. Aden naic chuiquid tapa Dabidën dada uampid cuëdëntebëta cuëdënte utsi Nuquin Papan mibi bëdambo icmiaidbëtabi ambi naid utsi chiec cuëdëndedneta.

Codosas 3:16 Iomraidhean Croise

Mateo 26:30

Adashic Nuquin Papan naid chiec cuëdënte cuëdënanec macuësh Odibos caid yacno Esusbëd nidannepondabi.

Ducas 2:51

Adshun: Nidnu nid, mado, cac cacuidenquio yec Nasaded yacno chouapanëdash. Ambo icquin aton titabëtan Osen chiacpaden Esusën nadednepanëdash. Aden nasho issun aton titan ambi isbuedbëta ambi tantiabued bëshunenquio icquin tantiadednepanëdash.

Uanën dada uaid 15:7

Adshumbic Esusën padpiden chuipondash: Ubi tantiec ubëd tëshnanenquio yec tabadquin umbi chiacpadombuen nabanquidën: Ubi nashunta, Papa, cac mimbi chiacpadombuen Nuquin Papan mibi nashunendac.

Doma 10:17

Aden Esuquidistun naid chuibansho tantiashun: Abimbo caic, quequin Esuquidistu tantiabenec.

Doma 15:14

Tantia. Chuinu, cun utsibo. Mibitedi bëdambuec isnanec utsibobëd bëdambuec tabadquido nec, quequin tantiembi. Adembidi: Bëdambuen tantiaquidquio yanash chuinanquidombo nec, quequin tantiembi.

Codinto 1 14:15

Tantienquiocquid icquin ¿mitsipadembimbi nape? Naden naimbi. Cun mayanën chuimiacpaden Nuquin Papa chiannembi. Cun mayanëmbidi cuëdënmiacpadec cuëdënebi. Adembidi umbimbotsen tantiacpaden Nuquin Papa chuitanec Nuquin Papa tantiec cuëdënebi.

Codinto 1 14:26

Tantia, cun utsibo. Naden mibi chuinu. Mibitedi Esus tantiec iccuedednuc utsi utsiec cuëdënte cuëdënec. Utsimbic Nuquin Papan Chiaid tantiamequin chuibanec. Utsimbic: Nuquin Papan naden ushquin isacbimbuen ismioshi, quequin Nuquin Papan ismiaid chuibanec. Utsimbic abi onquiacmaid onquete utsin onquequin chuibanec. Utsimbic abi onquiacmaidën onquete utsin onquequin chuibansho tantienquiocsho issun aid onquete tantiaquidën: Ma utsibon tantianu, queshun chuibanec. Aden chuibanquin: Ma Esus tantiaquidtedi bëdambuen tantiec chieshtoenquio yec tabadnu, queshun aidtedi nabanec tabadta.

Epeso 1:17

Nuquin Papa Nuquin Icbo Esuquidistun Papa bëdamboshëcquid icsho naden chiannembi. Mimbi aido Min Mayan meniaidën ma bëdambuen tantiamepanuna. Aden tantiamiaido icquin: Nadquio Nuquin Papa iquec, quequin ma abimbo tantiapanu, quequin mibitedi tantiaquin Nuquin Papa chiannembi.

Epeso 5:17

Mimbi icsambuen tantiacpaden nabanenda. Aden nainquiocquin: ¿Mitsipadec Nuquin Papa bunacpadec tabadte icpec? quequin tantiec tabadta.

Epeso 5:19

Adec icsambuen nate bunenquio icquin Esuquidistu tantiaquid utsibobëtan Nuquin Papan Chiaid chuiquinc, chuiquid tapa Dabidën dada uampid cuëdënte utsi utsien chuiquinc, cuëdënte utsi chuiquinc cain chiec cuëdëndenneta. Adec cuëdënquin cuishonquequin Nuquin Icbon naid chuidenneta.

Epeso 5:26

Adec abided cuidadec uënëssun: Ubi tantiaquido bëdamboshëcquid icmenu, queshun ambi Chiaid tantiamequin abi tantiaquido acten mentoadmendac.

Codosas 1:28

Aden ubi padquidobëtan Esuquidistu chuibenniac aid tantiaquid yansho issun: Esuquidistu tantiec bëdambuec tabadtedneta, quequin Nuquin Papan tantiamiacpadombuen chuibennec nebi. Abi yacno chosho Esuspadquid icmequin ambi bëdambuen isaido ma Nuquin Papan iuednu, queshun chuibennequid nebi.

Codosas 1:9

Aden Epapadasën chuiboc mibitedi tantiaquin ubitedishun ënenquio icquin naden Nuquin Papa chiannembi: Mimbi tantiacpadombuen min Mayanën bëdambuen tantiamiac: Nuquin Papan chiacpadombuen nate bunebi, quequin ma bëdambuen tantianu. Tantiamequiota, Papa, quequin chiannembi.

Codosas 4:6

Aden chuibanec mibi bëdambuec onquesho tantiash: ¿Mitsicquid mimbi tantiaid icpec? quetsiash tantiesa. Adsho tantiashun Esuquidistu mimbi tantiaid bëdambuen chuiquin tantiameta, ma aidon bëdambuen tantiapanu, queshun.

Tesadonica 1 1:8

Adash mibëd icquido Esus tantiaquido mibi yacnouësh nidshun Esus chuibennepanëdash. Aden nidaid Masedonia yacno nidshun chuibanshumbic nidaid cuëshë Acaya yacnotsen nidshun chuiuashumbic nidaid utsi utsiec yacno nidshun Esus chuibennepanëdash. Aden chuibenniacnoshon tantiombi. Tesadonica yacnocquido Nuquin Papa tantiaquidombo nec, quequin chuisho tantiashun mibitedishun naid umbitsen chienquio iccondambi.

Tesadonica 1 4:18

Umbi aden chuibued tantiashun abëtan Esus tantiaquid uënësaid tantiec uënësquio yec shubiquido bëdambo icmenuen umbi chuibambued chuita.

Tesadonica 2 3:15

Aid chieshënenquio iquequi adta. Mibi padquid Esus tantiaquid min utsibimbuecquid icsho naden chui: Esus tantiaquid adec tabadesa neque. Bëdambuequien tabadtiad, quequin chuita.

Timoteo 1 6:17

Atona dadpen dayun uaquido naden chuita, mado. Cuna dadpenquioshë icnuc ubiuidtsëqui bëdambo iquebi, quenda. Nibëdantiapimbo icquid danquin mimbi dayun uaiduidtsëqui tantienda. Nuquin Papambo tantiaquiota. Aidëmbi matses bëdambo icmenuen atona dadpen bedmec, quequin chuita.

Timoteo 2 3:15

Ënden bacuëmpi icquimbi Nuquin Papan Chiaidquio min matsesën chuibansho mimbi tantianëdac. Adshun: Aton Mado Esus tantiaquid uënësacsho abëdi Nuquin Papan tabadmendac, quequin mimbi tantiabennëdac. Aden Nuquin Papan bëdambuen isquin cuidenquiocte tantiametembo Nuquin Papan Chiaid nendac.

Tito 3:6

Aden abi bëdambuen ismequid Esuquidistu uidtsëqui tantiasho Nuquin Papan cudasenquio icquin aton Mayan Bëda meniaidombo nuqui nec.

Santiaco 1:5

Bëdambuen tantienquio iquembique. Ubi dadpen bëdambuen tantiaquid icmeta, quequin Nuquin Papa chuita. Aden abi chuisho: Ma bëdambuen tantianu, queshun chushcainquio icquin mibi dadpenquio bëdambuen tantiamendac.

Santiaco 3:17

Padnuen Ambi tantiacpadombuen Nuquin Papan bëdambuen tantiamiaid yec nadquio iquec. Icsambuen nate bunesa nec. Adecbidi utsibobëd bëdambuec tabadquid nec. Adecbidi utsi nashumënquid nec. Adecbidi chushcanesa nec. Adecbidi utsi natiambo icsho uënësquiocquid nec. Adecbidi chuiquidën: Nanuna, cac badedquio: Ai, adonona, quequid nec. Adecbidi cuidmenquiocte bunquid nec. Adecbidi bëdambuen nabanquid nec. Adecbidi: Nëid bëdambuen isquimbi utsi chieshënembi, quesa nec. Adecbidi: Esus tantiaquid nebi, quec muesa nec.

Santiaco 5:13

Mibitedi utsi utsiec ¿natiamiac uënësquio icquidta icpec? Adquid icquin Nuquin Papa chianneta. Utsi: ¿Bëdambo iquebi, quiash cuishonquequidta icpec? Adquid icquin Nuquin Papan naid chiec cuëdënta.

Uan 1 2:14

Cun bacuëbobimbuecquido, Nuquin Papa tantiabenquido icsho mibitedi chuiquin dada uaombi. Papa icquin Esus tantiaquido icsho mibitedi chuiquin: Nuquin Papan abitedi uabi icnubi Esus icpampic. Aid tantiaquid mibitedi nec, quequin aid chuiquin dada uaombi. Caniabo, Esus tantiaquid icquin chieshtoenquio icquin mimbi aid tantiec. Nuquin Papan chiacpadombuen nabanquid mibi nec. Adquid icquin Mayan Icsa Satanasën: Icsambuen namenu, cac: Padi, aden nainquio iquembi, mimbi cannioc, quequin aid chuiquin dada uaombi.

Uan 1 2:24

Tauambuen Nuquin Papabëta Esus tantiamenuen chuibansho mimbi tantiondaid bëshunenda. Adec bëshunenquio icquin Esusbëta Nuquin Papa tantiec aidbëd abentsëc yacbimbuec tabadquido yec mibitedi cuëshëdenquio iquendac.

Uan 1 2:27

Adec muaquid icnuc Nuquin Icbo Esuquidistun abi tantiasho mibi meniaid mibëd icquin aton Mayanën tantiamiac Nuquin Papan Chiaid mimbi bëdambuen tantiec. Adembidi Nuquin Papan Chiaidtedi tantiamequin abimbo tantiamec. Aden aton Mayanën tantiamiac Esusbëd abentsëc yacbimbuec tabadquid icta.

Uan 2 1:2

Nuquin Papan Chiaid abimbo iquec, quequin ënenquio icquin tantiaquido icquin ubitedi tantiasho mibitedi tantiaquiembi.

Esusën Uan ismiaid 14:3

Adec Nuquin Papa aton tsadte dapan tsadacnombo chochoash tabadec cuëdënte chucan cuëdëncuededposh. Tsësiobobëtan dadanobi ëshëcquido 4ted icquidon ambobidi tabadquin tantianuc cuëdëncuededposh. Aido nidaidën tabadsho abi icsaid bedshunquin bëdambuen isaido icquin 144midted icquidonuidtsëqui aid cuëdënte chuca tantianuc utsibon tantiatiapimbo icposh.

Esusën Uan ismiaid 15:3

Moises Nuquin Papan namiaid yec cuëdënampicpadec cuëdënquin Obecabimbuecquid tantiaquin naden chiec cuëdëncuededposh: Mibi nadatiambocquin nabanquidquio nec. Abitedimbo uaquidquio yec abitedishun Icbombo mibi nec. Matsesën naid abitedi tantiaquin abimbo chuiquin bëdambuec tabadmetiadquio mibi nec. Nidaid utsi utsiec yacno tabadquidon Chuiquid Tapambo mibi nec.

Esusën Uan ismiaid 19:10

Adsho tantiatanequini: Cun Icbombimbuec onquec, queshun ismenuec dannëshën tinquebudpoc. Adshobini: Aden ubi ismenda. Nuquin Papauidtsëqui aden ismeta. Mibi padquid Nuquin Papan iuabidi nebique. Aidëmbidi namiaid yec mibipadquidbidi Esusën iua nebique. Ubi aden ismenda. Nuquin Papa tantiata, queposh Nuquin Papabëd icquid. Adembidi Esus chuiquin Nuquin Papan Mayan Bëdan tantiamiac ambi oncamiaidon chuipampic.

Esusën Uan ismiaid 5:9

Adashic nadec cuëdënte chucan cuëdëncuededposh: Mimbiuidtsëqui Nuquin Papan sananaid dada uaid bedshun bitaccaid chicquin isbanquin Nuquin Papan chiacpadombuen namendac. Nuquin Papan chiacpadec matses cuidmenquio icnuec mibided cuidadec intac chididiquenuc uënës uaondaid mibi nec. Nëbi icsambo icbuedombi abi icsaid bedshunquid tantiasho Nuquin Papan bëdambuen isendac nëidtedi: Nëidic matses utsibo dadpenquio. Nëidic onquete utsin utsinquiec onquequido. Nëidic shubu daëdpactsëcquido utsi utsiec yacnocquido. Nëidic nidaid utsi utsiec yacno tabadquido. Aidtedishun abi tantiasho Nuquin Papan bëdambuen isendac.