Codosas 2:9 - El Nuevo Testamento en matsés

⁹ Matsesaid yec Nuquin Papapadquidquiobidi Esuquidistu nec.

Codosas 2:9 Iomraidhean Croise

Mateo 1:23

Dadan inacmaidëmbi bacuë usundoshon dada bacuë tishendac. Aidi Emanued cuënendac. Nuquin Papapadquidquiobidi matsesbëd tabadnuec choaid nec, quequin Emanued cuënendac, quequin Esus tishte chuiquin Nuquin Papan dada uamepampic.

Ducas 14:22

Adshun chuitanec aidobëdi chochoshon: Mimbi chuibuedtedi bëombi. Aido icnubi abi tsadte iquec, caposh iuan.

Ducas 3:22

oshpodcobimbuecquid budec Nuquin Papan Mayan Bëda Esusbëd icnuec budsho ispanëdash. Adnubien abucuësh nadec onquiampanëdash: Mibiuidtsëqui cun Madombo icsho umbi bëdambuen isquin tantiaidquio mibi nec, quepanëdash Esus caic.

Uanën dada uaid 1:14

Aden abimbo chuiquin Nuquin Papa tantiamianquidquio Esus matsespanëdash. Nuquin Papan Mado abentsëcquiobi yec bëdamboshëcquid nepondash. Aidëmbi ubitedibëd tabadquin nadatiambocquin nabanquin matses tantiaquin nashunquid yec bëchamauanquiecsho ispondambi. Aden Esusën Nuquin Papambo tantiamepondashi.

Uanën dada uaid 1:16

Uanën chiacpadquid icquin abi tantiaquido Nuquin Papan bëdambuen isaido icmeshun adenuidi Nuquin Papa nuqui bëdambuen ismec.

Uanën dada uaid 10:30

Cun Pabëd abentsëc yacbimbuecquid yec aid padquidquiobidi nebi, quepondash Esus.

Uanën dada uaid 10:38

Umbi chiaiduidtsëqui tantiatiapimbo icquin Cun Pan namiacpadombuen nasho issun: Ai ambi chuibocpadquidquio nec, quequin ubi tantiata. Adshun: Aton Pabëd abentsëc yacbimbuecquid yec aid padquidquiobidi nebi, quequin abimbo chiec, quequin tantiata, quepondash Esus.

Uanën dada uaid 14:20

Ubi uincuenaid uëshëmbi mimbi naden tantiendac: Aton Papabëd abentsëc yacbimbuec tabadec, quequin ubi mimbi tantiendac. Adembidi: Esusbëd abentsëc yacbimbuec tabadebi, quequin mibitedishun tantiendac.

Uanën dada uaid 17:21

Mibëd ubi tëshnanenquio yacpadecbidi nuquibëd tëshnanenquio icquid aido icmeta, Papa. Adoac tantiananec abentsëc yacbimbuec tabadsho issun nuqui tantiesabon: Abimbuen cachitec. Nuquin Papan Chomiaidquien Esus nepanëdash, quequin tantiendac, Papa.

Uanën dada uaid 2:21

Abibi cadquimbi Esusën: Nëid Nuquin Papa tabadte shubu dapa, quequin chuipondash.

Hechos 17:29

Nuquin Papan uaido yec ambi matses uampidën tsiuecquido yec tiboquequid icquin shocosh bëshpiu bëshpiucquid odo yec shocosh ushu yec cuënote yec quequin ambibi tantiaquin matsesën nacnenaid tiboquesa icsho papa cuënenquio ictiadquidi matses nec.

Codinto 2 5:19

Naden chiec nebi. Matsesën icsambuen naid bedshunash abided cuidadec Esuquidistu uënëspanëdash, quequin tantiaquin: Ma aidquio utsibon tantiapanu, queshun ambi Nuquin Papa bëdambuen ismete chiaid chuibanquido nebi.

Codosas 1:19

Adoac Nuquin Papapadquidquiobidi yec nadatiamboshëcquid nec.

Timoteo 1 3:16

Ëndenquimbo abi bëdambuen ismequid ambi matses tantiamenquio icpampidi nëbi Nuquin Papan ismiac abi tantiamequid Esuquidistu bëdamboshë iquec. Aidi Nuquin Papan matsesmepanëdash. Nuquin Papan Mayanën: Nuquin Papapadquidquio yec icsaisambo Esus nec, quequin tantiamec. Matsesën uënës uaqui uincuennëdaid yec Nuquin Papabëd icquidonquio isaidquio Esus nec. Abi chuibennequidon nidaid utsi utsiec yacno nidshun chuibenniac matses utsin utsinquien Esus tantiabempanëdash. Aidquiobi Nuquin Papan abuc indoshon abëdi tabadmeuapanëdash.

Tito 2:13

Cun Icbo Esuquidistu ubi Nuquin Papa cuidmenquiocquid bëdamboshëcquid chote uëshë chonoc cuishonquendabi, quequin caimbudec bëdambuec tabadta, quequin chuiquin tantiameuata.

Uan 1 5:20

Nadembidi nuqui tantiec. Nuquin Papan Madombo choshon chuibanec: Nuquin Papambo nadquio iquec, quequin tantiamepondash. Adash: Esuquidistu Nuquin Papan mado Nuquin Papapadquidbëd abentsëc yacbimbuec nuquitedi iquec. Aidi Aton Papapadquid icquin abi tantiaquido icsho Nuquin Papa yacno ënëdenquiocnoc tabadmendac, quequimbidi nuqui tantiec.

Uan 1 5:7

Aid abimbo tantiamete 3ted iquec.