Codosas 1:5 - El Nuevo Testamento en matsés

⁵ Esuquidistu Nuquin Papa yacno iuedanquid nec, quequin Nuquin Papan Chiaid Bëda chuibanac aid tantiaquido mibitedi yanac. Adquid yanshun: Abi yacno abuc Nuquin Papabëd tabadtequid nebi, quequin chieshtoenquio icquin cainquidombo mibitedi nec.

Codosas 1:5 Iomraidhean Croise

Ducas 12:33

Ambo nidabi icquin mitsana menebanquin min piucquid bedshun atona nibëdquido menebanta. Aden utsi tantiaquin mimbi nabannuc Nuquin Papan abi yacnoshon menetequid mitsana chodquetiapimbocquid yec ampen bedshuntiapimbocquid yec macumpin udquin icsa uatiapimbocquid yec quec iquendac.

Hechos 10:36

Isadaidbon tsiuecquidoba tantiamenuen Nuquin Papan Esus chomepanëdash. Esuquidistunuidtsëqui Abitedishun Icbombo icquin Nuquin Papa matses bëdambuen ismec, quequin tantiembi.

Hechos 13:26

Tantia. Cun matses isadaidbo Abadauanën tsiuecquidobëta Nuquin Papa tantiaquido matses utsibo icsho mibitedi chuinu. Nuquitedi icsambuen naid bedshunash abided cuidadec Esuquidistu uënëspanëdash. Aid tantiaquid icsho abi yacno nuquitedi tabadmendac.

Hechos 23:6

Aden chuishumbic: Iccuededquid utsi utsiec saduseobobëd icquido icnubi utsi utsiec padiseobobëd icquido iquec, quequin tantiec: Tantia. Chuinu, cun matses. Padiseobon tishmiaid yec padiseobo nebi. Adquid icquin: Uënësash uincuentequid iquec, quequin tantiaquid icsho: Icsambocquid nec, quequin mimbi ubi chiec, quec cumapenec onquequin Pabadon iccuededquido chuipanëdash.

Hechos 24:15

Adembidi matses uënësacsho Nuquin Papan bëdambocquidobëta icsambuen naquido uincuenmendac, quequin Nuquin Papan oncamiaidon chiampicpadembidi tantiembi.

Doma 10:8

¿Mitsipaden chuiquin dada uaid Nuquin Papan Chiaid icpe? Naden chuiquin dada uamiampid iquec: Ambi Chiaid mibi yacnobi iquec. Min tantiate yacno ambi chiaid iquec. Aidquiobi Nuquin Papa bëdambuen tantiamete nec, quequin tantiaquin chuibanec nebi.

Codinto 1 13:13

Nëidtedi ënëdtemaid iquec: Abimbo caic, quequin Nuquin Papa tantiaid ënëdtemaidquio nendac. Adecbidi Nuquin Papa yacnouësh abipadquid bëdambocquidquio iquendabi, quequin cainquin tantiaid ënëdtemaidquio nendac. Adecbidi utsibobëd tantiananaid ënëdtemaidquio neuaindac. Adec aidtedi ënëdtemaid icnubi utsibobëd tantiananec tabadtembuen natequidquio nendac.

Codinto 1 15:19

Nuquitedi Esus tantiec uënësabi yec tabadquin: Esuquidistun nidaidën tabadshouidi ubi nashunec, quequin tantiaquin cainquido iquequi icsactsëcquio icsho niaidbimbuec nuquitedi ictsiandac.

Codinto 2 5:19

Naden chiec nebi. Matsesën icsambuen naid bedshunash abided cuidadec Esuquidistu uënëspanëdash, quequin tantiaquin: Ma aidquio utsibon tantiapanu, queshun ambi Nuquin Papa bëdambuen ismete chiaid chuibanquido nebi.

Codinto 2 6:7

Nuquin Papa nadatiambocquidën namiac Ambi Chiaid abimbo chuibanec bëdambo iquebi. Natiamiantequid icnubi: Ma utsibon ambi icsambuen naid ëmpanu, queshun ënenquio icquin abimbo chuibanec nebi. Utsibon: Icsambuen naquid Pabado nec, caqui adembidi Nuquin Papan chiacpadombuen nabanembi.

Cadasia 2:14

Aden icsambuen naquin Esusën chiacpadombuen nainquio icshobimbi Esus tantiaquidtedishun tantianuc Petedo naden chuipondac: Isadaidbo icquimbi mimbi nuquin matsesën chiaid niacquin isadaidpembon codocaid pec aidbëdi mibi bëdambuec tabadoc. Adec tabadbuedi nëbi aidbëd mibi cuëshëdoc. Adsho isash mimbi nianaido: Petedon matses isadaidbo tabadacbimbuec tabadshoen Nuquin Papan nuqui bëdambuen istsiash, quequin icsambuen chuitsiash, queshun Petedo chushcapondambi.

Cadasia 2:5

Aden tantiash aido: Nuquin tsusedpan chiampicpadombuenuidien nametiad, quesho: Padi. Mimbi icsambuen chiec, quequin aidën chiacpadombuen nainquio iccondambi. Ma umbi chiaido mibitedishun: Esusën naid Chiaid Bëda abimbo iquec, quequin ënenquio icquin tantianu, queshun nainquio iccondambi.

Cadasia 5:5

Padnuen nuquitedi Nuquin Papan Mayanën tantiamiac naden nuqui tantiec: Esuquidistu uidtsëqui tantiasho Nuquin Papan icsaisabimbuecnuc nuqui bëdambuen isec, quequin nuqui tantiec.

Epeso 1:13

Nuqui icsambuen naid bedshunash Esuquidistuded uënëspanëdash, quequin abimbo chiaid chuibansho tantiashun Esus tantiabenondaido mibitedi nec. Adquido icsho: Umbi bëdambuen isaido ubëd tabadtequido nec, queshun ambi chuinëdacpadombuen: Cunatedi nec, quequin Nuquin Papan aton Mayan Bëda meniac mibëd iquec.

Epeso 4:21

Esuquidistun naid chuibansho mimbi tantiapanëdac. Aid tantiaquid nebi, quesho tantiashun Esuquidistu chuibanquidon abimbo tantiamequin chuibampanëdash. Aidën chiacpadec ma bëdambuec tabadnu, quequin mibi Esus chuipanëdash.

Codosas 1:23

Chieshtoenquio icquin cainquin Esuquidistu tantiaquid icsho abi yacno mibi iuedendac, quequin chuibansho mimbi tantiondac. Adenuidi Chiaid Bëda ënenquio icquin tantiata. Adombuembidi shubu dadpen icquid Doma yacno chuiquid tapan namiacnoshon chuibennesho nidaid utsi utsiec yacno tabadquidon tantiapanëdash. Umbitsen adembidi aid chuibennepondambi.

Codosas 1:27

Aden Nuquin Papan ambi matses tantiamenquio icpampidi bëdamboshëcquid Esuquidistu Isadaidpembo tantiamebempanëdash. Adoac Esuquidistu tantiaquido yansho issun Nuquin Papan cun matses caido yec bëdamboshëcquid yacno aidbëd tabadtequid nebi, quequin tantiaquin cainec tabadendac.

Codosas 3:16

Esuquidistun naid chuibanaid bëdamboshëcquid tantiaquido mibitedi neque. Aid bëshunenquio icquin tantiec bëdambuec tabadta. Adembidi bëdambuen tantiaquin Esus tantiaquid utsibobëd tantiananec Esuquidistun chiaid chuinanec: Bëdambuec tabadnuna, quec chuinanta. Aden naic chuiquid tapa Dabidën dada uampid cuëdëntebëta cuëdënte utsi Nuquin Papan mibi bëdambo icmiaidbëtabi ambi naid utsi chiec cuëdëndedneta.

Tesadonica 1 2:13

Aden Nuquin Papan Chiaidquio umbi chuibanac: Ambembi chiaidpenquio chuibanosh. Ma Nuquin Papan Chiaidquio Pabadon chuibamboc, mibitedi quianondac. Ai, aden Nuquin Papan Chiaidquio tantiash Esus tantiaquido yanash aidquiobidi chuisho tantiash mibi bëdambo yanec. Adec mibitedi bëdambuec tabadaid tantiaquin Nuquin Papa naden chiannembi: Tesadonica yacnocquido bëdambuec tabadmequid yec mibi bëdamboshë iquec, Papa, quequin Nuquin Papa chiannembi.

Tesadonica 2 2:16

Nuquin Icbo Esuquidistubëtan Nuquin Papan nuqui tantiaquin bëdambuen isec. Adembidi: Nuquin Papa yacno Esusbëd iquendabi, quequin tantiamequin nuquitedi bëdambo icmec.

Timoteo 1 1:15

Tantia, mado. Naden chiaid abimbo iquec. Icsambuen nabuedombi abi tantiasho matses cuidmenquio icnuec Esuquidistu chopanëdash, quequin abitedishumbi tantiac bëdambo ictsiash. Utsibon Nuquin Papan Chiaid bëdiactsëc niac niacnubi umbimbo icsambuenshë naquin cumapenen niac niaccondambi.

Timoteo 2 4:8

Adec tabadec uënësacshobini matsesën naid abitedimbo tantiaquin cuidnun chuiquid icquin Nuquin Icbobëtan Nuquin Papan: Umbi chiacpadec mibi bëdambuec tabadoque. Ubi yacno ubëdi tabadmequin chuiquidën mauete bëdamboshëcquid meniacbimbuen mibi bëdamboshë icmendambi, caindac. Abi chote uëshën choshon aden Nuquin Icbon ubi chiendac. Adembidi abi chosho iste bunquioquin abi cainquidotedi Nuquin Icbon bëdamboshë icmequin abëdi tabadmendac.

Tito 1:2

Nuquin Papa muesambo nec. Adquid yec ëndenquimboshë nidaid uabi yequi onquec: Umbi chiacpadombuen Esuquidistu tantiaquido icsho ënenquiocquin ubëdi tabadmendambi, quequin ambi chiampicpadombuen ma nëidon tantianu, queshun Esuquidistu chuibennequidquio icmiondashi.

Petedo 1 2:2

Adenquio yec tishac chucactsëc bacuëmpi shuma chishte bunquiacbimbuec Nuquin Papan Chiaid iste bunquiota. Bëdiactsëc tantiabuedi canidoacbimbuen aid isban isbanquin aidën chiacpadombuen natiadquio yanec Esus tantiaquidquio yanec aidbëd tabadtequid ictsiabi, queshun Nuquin Papan Chiaid isbanquiota.

Petedo 1 3:15

Dacuëdenquio icquin: Cun Icbo Esuquidistu nec, quequin tantiaquin aidën chiacpadombuen nata. Aden mimbi tantiasho isash utsibo: ¿Mitsipaden tantiaquin Esus tantiaquin nai? quesho tantiashun: Ambi chuinëdacpadombuen abi tantiec uënësacsho abi yacno ubi tabadmendac, queshun Esus tantiembi, quequin utsibo chuibanta.

Petedo 2 1:12

Umbi aden chuibuedtedi mibitedishun tantiondac. Aden tantiash chieshtoenquio yec Esus tantiec bëdambuec mibitedi tabadanondac. Aden abimbo chiaid tantiondaid icsho mibi adembi chuiquin tantiamedednendambi.

Uan 1 3:3

Adquid yantequid nebi, quequin caimbudec Esuquidistu icsambuen nainquio yec tabadondacpadquiec nuqui icsambuen nainquio yec tabadendac.