Codosas 1:12 - El Nuevo Testamento en matsés

¹² Mimbi bëdambocquid icmebanac icsambocquid nibëdacno mimbi namiacno uëshëmboshë yacno mibi tantiaquid utsibobëd mibëdi tabadendabi, quequin tantiec: Nuquin Papa bëdambo iquec, quec cuishonquendac, Papa, quequin Nuquin Papa chiannembi.

Codosas 1:12 Iomraidhean Croise

Mateo 25:34

Adshumbic Abitedishun Icbombo icquin abiuc icquido ubi tantiaquido naden chiendambi: Cun Pan mibi bëdambo icmiaido neque. Ubëdi tabadec cho. Matses uabi yec ëndenquimboshë mibitedi caic: Aido ubi tantiaquido icmeshun ubëdi bëdamboshë yacno tabadmendambi, quequin Cun Pan tantiamiaido yec ambi namiacno ubëdi bëdambuec tabadec cho, caindambi, quepondash Esus.

Uanën dada uaid 14:6

Adoaquien Esusën: Nuquin Papa yacno nidte tantiamequidquio nebi. Nuquin Papan Chiaiduidtsëqui chiec muesambo nebi. Adquid icnuc ubiuidtsëqui tantiash Nuquin Papa yacno tabadendac.

Uanën dada uaid 20:17

Aden abi chuiquin dayunshobien Esusën: Ubi dayunenda. Umbi chuibocpadec Cun Pa yacno nidabi iccobique. Ubëd icbued umbi cun utsi cabuedo umbi chuibuedquio chiec nid. Mibitedishun Nuquin Papa cabued Cun Pabidi nec. Adquid icnuc aid yacno nidendabi, quiosh, quequin chuita, quepanëdash Esus.

Uanën dada uaid 4:23

Nëbien aton Mayanën tantiamiac utsin utsinquien muainquio icquin: Cun Icbo nec, quequin Nuquin Papa tantiendac. Ambi chiacpadec bëdambuec tabadsho isash: Adquid ubi tantiaquidquio nec, quendac Nuquin Papa.

Hechos 20:32

Bëdambuen chuibanombi, quequin tantiaquin mibi nianembi. Esus tantiaquid nec, quequin Ambi Chiaid Nuquin Papan mibi bëdambuen tantiamendac. Aden tantiamequin mibi tantiaquioquin ambi chiampicpadombuen mibitedi bëdambo icmendac.

Hechos 26:18

Aden chuibanac utsin utsinquien pashuacbimbuec icbuedombi tantiendac. Icsambuen naquid nebi, quequin tantienquio icbuedëmbi: Icsambuen naquid nebique. Ubi icsaid tantienquio yec bëshunta, Papa, quendac adquid. Mayan icsa Satanasën iua icbuedi Nuquin Papan bacuëbo yanendac. Adquid yansho ambi icsambuen naid ënmiac Nuquin Papan bëdambo icmiaid ubi tantiaquid utsibobëd iquendac, quequin Esusën chuipondashi.

Doma 11:17

Aden isadaidbon ambi Chomiaid tantienquio icsho issun cute cuidi utsi pobinun pateshunniacbimbuen Nuquin Papan isadaidbo dadpen bëdambuen istiapimbo iquec. Matses utsibo Esus tantiamequin cute bëdambocquid pobiacbimbuen mibitedi bëdambuen isec.

Doma 15:27

Aden ambi tantiacpaden naid bëdambo iquec, caombi. Edusaden yacnoshon isadaidbomba Esus tantiapanëdash. Adshumbic aidon chuibenniac matses utsibontsen tantiabempanëdash. Aden abi nashunquin chuibanquido caic: Piucquid nibëdec, quiac caoshe. Aido ma menenu. Nashunnuna, quesho tantiashun: Bëdambo iquec, caombi.

Doma 8:17

Cun mado nec. Cun champi nec, queshun nëbi Nuquin Papan ambi chiampicpadombuen bëdambuen isquin uënësacsho abëdi tabadmequin nuqui bëdamboshë icmendac. Adoaid yec Esuquidistubëd nuqui tabadendac. Esuquidistu mëyanquin natiamequin mëyadmequiopanëdash. Adembidi chieshënquin natiamequin nuqui mëyadmendac. Adoaid yec iuecpactsëc yash Esuquidistubëd bëdamboshë yacno tabadsho: Mibi bëdambo iquec, quequin Nuquin Papan chiendac.

Doma 9:23

Nuquin Papan matses bëdambuen iste bunquin icsaisambo yec bëdamboshëcquid icquin nuqui tantiamete bunec. Nuquin Papa nuqui tantiec uënësquiocquid icquin ambi ëndenquimbo nacnenampicno bëdamboshë yacno tabadmendac.

Codinto 1 8:6

Adquid icnubi nuquitedi: Papa, quequin tantiaid Nuquin Papa abentsëcquiobi iquec. Aidi abitedimbo uaquidquio nec. Aidën tantiacpadequi nuquitedi abi tabadec. Adecbidi nuqui Cun Icbo caid Esuquidistu abentsëcquiobi iquec. Aidënuidtsëqui abitedimbo uashun adembidi nuquitedi uapampic.

Codinto 1 9:23

Adec tabadquin umbi Esuquidistu chuibanac aid tantiaquido yanash ubëdi bëdambuec tabadendac, quequin tantiembi.

Codinto 2 11:14

¿Aidouidtsëquida muaquid nepec? Aido tantiamequid Mayan Icsa Satanas nec. Aidi Nuquin Papabëd icquidquio bëchamauanquiec isadacbimbuecquid nec.

Codinto 2 5:5

Ubipadquid icmequin uënësesa icmendambi, quequin tantiaquin Nuquin Papan aton Mayan meniaido nuqui nec.

Epeso 1:11

Nuquin Papa ambi tantiampicpadombuen naquidquio nec. Ëndenquimbo abitedi uabi yequi Nuquin Papa nadpampic: Umbi tantiaidtedishun Esuquidistu tantiaquid icsho: Ubëdi tabadmenuen: Cun matses nec, caindambi, quepampic.

Epeso 1:18

Nadembidi mibitedi tantiaquin Nuquin Papa chiannembi. Mimbi bëdambuen tantiamiac: Ma mibëd tabadte bunquin cainquidombo ma icpanuna. Adash: Nuquin Papa tantiaquido utsibobëd bëdamboshë yacno tabadendabi, quequin ma tantiapanuna, quequin chiannembi.

Epeso 2:18

Esuquidistunuidtsëqui nac: Nëid isadaidbo nec. Nëid isadaidpembo nec, quenquio icquin aton Mayambëd abentsëc yacbimbuecnuc tabadmiaido yec Nuquin Papa yacno puduedtequido nuqui nendac.

Epeso 3:6

Ambi matses tantiamenquio icpampid nad iquec: Esusën naid ambi Chiaid Bëda chuibansho Nuquin Papan matses utsi utsien Esus tantiaquido icmec. Adoac aidobëd isadaidbo dada abentsëc yacbimbuec tabadsho issun ambi chiampicpadombuen bëdambuen isquin uënësacsho abëdi tabadmendac.

Epeso 4:6

Nuquin Papa abentsëcquiobi iquec. Aidi abitedi uaquidquio yec abitedishun Icbombo nec. Aidbidi Esus tantiaquido bëdambuen namequid nec. Aidi Esus tantiaquidobëd iquec.

Epeso 5:11

Nuquin Papa tantiesabobëtan icsambuen nainda. Aden icsambuen nainquio yec tabadquin utsibo icsambuec tabadsho: Mimbi icsambuen naid ënta, quequin chuita.

Epeso 5:20

Nuquin Icbo Esuquidistun namiaid icquin ambi tantiacpadombuen icmiaidtedi bëdambo iquec, quequin Nuquin Papa ënenquio icquin chianneta.

Epeso 5:4

Adecbidi icsambuenuidi chiec onquenda. Matsesën natemaid chiec utsibëd abembi onquenda. Adecbidi utsi icsambuenuidi chuiquin oncaisambo icta. Adecbidi bëdambuec onquequidi utsi uain chuiquin mamënshunesambo icta. Adec onquec tabadaid bëdambocquidpenquio nec. Adenquio yec: Nuquin Papa bëdambo iquec, quequin chiannec tabadta.

Epeso 5:8

Ënden Esuquidistu tantiesa yec inchëshquio yacno tabadacbimbuec mibitedi tabadpadennec. Adquid ictennedi nëbi Nuquin Icbo Esuquidistubëd abentsëc yacbimbuen aid tantiabenash badiadnuc isucunacbimbuen aid tantiec bëdambuec tabadta.

Codosas 2:2

Ma ënenquio icquin Esuquidistu tantiaquidombo yampanu, queshun dayacquiocquin chiannec nebi. Abentsëc yacbimbuec tantiananquido ma yampanu, queshun adembidi chiannembi. Adquido yanshun ma bëdambuen tantiapanu. Adembidi: Ëndenquimbo Nuquin Papan matses tantiamenquio icpampidi Esuquidistu nec, quequin ma tantianu.

Codosas 3:15

Adec Esus tantiaquido yec Esuquidistubëd abentsëc yacbimbuecquid yanash ma abitedi bëdambuec tabadnu, queshun Nuquin Papan: Cun matses nec, quequin ambi tantiamiaido yec bëdambuec tabadta. Adec tabadquin: Mibi tantiaquido yec bëdamboshë iquebi, Papa, quequin Nuquin Papa chianneta.

Codosas 3:17

Aden nabanec tabadquin: Cun Icbo Esus nec, quequin tantiaquin aidën chiacpadombuen nabanta. Adec tabadquin: Mimbi tantiampicpadombuen Esuquidistun tantiamiaid yec bëdambo iquebi, Papa, quequin Nuquin Papa chianneta.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.

Ebedeo 12:23

Adec tabadnuc abi yacno choash Esus tantiaquidotedi Nuquin Papan: Cun bacuë bëyucquido nec, quequin tantiaquiacbimbuen tantiaidombo yec abi yacno iccuededquido isec anoentsëqui choacbimbuecquido mibi nec. Aido Nuquin Papa yacnoshon abi cuëmëdquid dada uac. Adembidi Nuquin Papa abitedishun naid tantiaquid icquin: Nëid bëdambuen naquid nec. Nëid icsambuen naquid nec, caquid yacno choacbimbuecquido mibi nec. Adecbidi abi tantiaquid bëdambocquido ënden uënësaido Nuquin Papan bëdambuec tabadquidouidquio icmiaido yacno choacbimbuecquido mibi nec.

Ebedeo 3:1

Cun utsibo, Nuquin Papan: Cun matses nec, queshun ambi tantiacpadombuen Esus tantiamiaido mibitedi nec. Adoaido icquin Esuquidistu tantiaquionona. Nuquin Papan: Ubi chuibenneta, caid Esus nec. Adecbidi matses Nuquin Papa bëdambuen ismenuen nëish iua cuessunneshun pichicaquidon chuiquid tapabimbuecquid Esus nec, queshun aidquio tantiaquionona.

Ebedeo 3:14

Tauambuen nuqui Esus tantiabenondacpadombuen chieshtoenquio icquin tantiec uënësabi yacpadembi ënenquio icquin tantiaquido yec Esusbëd tabadtequido nuqui nendac.

Santiaco 3:9

Nuquin anan onquequin: Nuquin Icbo Nuquin Papa bëdambo iquec, quequin chuishumbic Nuquin Papan abibimbuecnuc uaid matses icshobi icsambuen nuqui chuishunec.

Petedo 1 5:1

Tantia. Esus tantiaquidon chuiquido icsho mibitedi chuinu. Mibi padquid Esus tantiaquidon chuiquid nebi. Mëyanquioquin Esuquidistu natiamequin uënës uasho isondambi. Aidi abitedishun Icbo iquec padpidec nidaidën chouashun bëdamboshë yacno ubi tabadmendac, quiash bëdambo iquebi.

Uan 1 1:3

Aidi ubëd icquidobëtan isquin chuibansho tantiondashun chuibanec nebi. Ma mibitedi ubëd icquidobëd abentsëc yacbimbuec ma tabadnu, quequin chuibanec nebi. Adecbidi abentsëc yacbimbuec Nuquin Papabëd yec aton mado Esuquidistubëd yec quec ubitedi tabadacpadecbidi ma mibitedi tabadnu, quequin chuibanec nebi.

Esusën Uan ismiaid 21:23

Ambobidi inchështanec badiadenquio iquendac. Badiadën uëshë isadenquio iquendac. Inchëshën uëshëtsen isadenquio iquendac. Nuquin Papa uëshëmbo yec bëchamauanquiec icquidëmbi ambo uëshëmbouidquio iquendac. Adecbidi Obecabimbuecquid tabotebimbuec iquendac.

Esusën Uan ismiaid 22:14

Matsesën aton dashcute bëchishaid panacbimbuen ambi icsambuen naid ënsho Nuquin Papan bëdambo icmendac. Adoac shubu dadpen icquid bëdamboshëcquid yacno puduedash cute bacuë uënëstiapimbo icmetequid chec aid yacno tabadendac.

Esusën Uan ismiaid 22:5

Ambo inchështe nibëdendac. Nuquin Papa bëchamauanquiec icquidëmbi uëshëmbouidquio icnuc inchështe nibëdquio iquendac. Adecbidi badiadën uëshë chënquequid nibëdnuc matsesën tabote taboaid nibëdendac. Adshumbic abi tantiaquido chuiquid tapabo icmiac ënenquio icquin namebanendac, quequin ismeposhi.