Codinto 2 8:3 - El Nuevo Testamento en matsés

³ Umbi: Meneta, cainquiocnobi ambi tantiactedi aton piucquid naintsentsëcquien menenu, quequin sambededposh.

Codinto 2 8:3 Iomraidhean Croise

Madcos 14:8

Nëid chidon ubi uënësacsho chococate tantiaquin machiuinoshibique. Chushcainda.

Hechos 11:29

Adnuc: Udea yacnocquidon pete nibëdec, quesho tantiashun Antioquia yacnocquid Esus tantiaquidon: Aido nashunnuna, queshun aton piucquid menemenuen ambi tantiactedi Edusaden yacno buanmenu, quequin sambededpanëdash.

Doma 10:2

Esus tantiabi icquin umbi chuidennecpadombuen chiec: Nuquin Papan chiacpadombuenuidi naquin bëdambuen ismembi, quebuedombi aidon bëdambuen ismete tantienquio iquec.

Codinto 1 16:2

Dominco uëshën uëshënquien mimbi bedbanaidtedi tantiaquin abentsëcshun abentsëcshunquien sambededta. Chonoadquin daëdpactsëc bedquidën daëdpactsëc dayun uanubi piucquid dadpen bedquidën dadpen sandoshon dayun uata. Adoshon dayun uaid sambededshun bedbanash ubi chosho isash: Piucquid sambedednuna, quenquio mibitedi iquendac.

Codinto 1 9:17

Adquid icnuc umbibi tantiacpaden Esuquidistu chuibanquid yec ubi piucquid menetequid iquec, quequin caintsiambi. Padnuen Nuquin Papan: Umbi chiaidquio chuibanta, caid icquin aidën chiaidquio chuibennec nebi. Ubi menetsiash, quenquio icquin aden chuibennec nebi.

Cadasia 4:15

¿Atotsi quiash cumapenec cuishonquiondaidi ënëdo? Min ëshë chicshun ubi mene, cac mimbi ubi menetsenondac. Aden mimbi ubi tantiaquiondac.

Pidipos 2:13

Nuquin Papan: Ma bëdambuec tabadnu, quequin ambi tantiacpaden bëdambuec tabadte bunmequin mibitedi bëdambuen namendac.

Codosas 4:13

Aidëmbi mibitedi tantiabudquiosho isembi. Adembidi Daudisea yacnocquidobëta Iedapodis yacnocquido tantiaquiec.

Tesadonica 1 2:8

Mibitedi tantiaquioquin Nuquin Papan Chiaid Bëda chuibanec iuec mibëd tabadondabi. Aden umbi chuibanaido icsho utsibon mibi chieshënquin: Cuessunnenu: casho tantiash: Ubiquien na, quetsenondabi.

Pidemon 1:14

Mimbi: Adonona, quequin chiabi icnuc umbi tantiacpaden nate bunenquio iquebi. Ma ubëd tabadnu. Bëdambuen chuita, mibi catiapimbo iquebi. Mimbi tantiacpadombuen aidi chiac bëdambo ictsiash.

Petedo 1 4:11

¿Ada Nuquin Papan ambi Chiaid chuibanquid mibi icmiac? Adquid icmiaid icquin Nuquin Papan Chiaidquio chuibanta. ¿Ada Nuquin Papan mibëtan Esus tantiaquid utsibo nashunquid mibi icmiac? Adquid icmiaid icquin: Nuquin Papan tantiamiacpadombuen utsi nashunquiembi, queshun nashunta. Mimbi adosho isash ma utsibo: Abi namequid Nuquin Papa bëdamboshë iquec. Ambi tantiaid Esuquidistu bëdamboshëcquidbidi yec abitedishun Icbombo nec. Adquid yec nadatiambocquidquio nec, ma quenu, queshun ënenquio icquin tantiata. Amen.

Petedo 1 5:2

Icbon aton nëish iua obeca dayun uacbimbuen mibëtan Esus tantiaquido dayun uata. Nuquin Papan Chiaid niaquenquio yec bëdambuec tabad, quequin chuibanta. Nuquin Papan: Ubi tantiaquido chuibanquid icta, caid icquin mibi bunacpadombuen chuibanenda. Aden chuibanquid icquin piucquid dadpen bednun nanu, quenquio icquin Nuquin Papa bunacpadombuen Esus tantiaquido chuibanquid icta.