Codinto 2 7:4 - El Nuevo Testamento en matsés

⁴ Mibitedi caic: Mimbi chiacpaden nainquio icbuedëmbi nabanosh, quequin choquidën chioshi. Aden chuisho tantiashun: Nuquin Papan chiacpaden nabanquidquio aido nec, quequin utsibo chuibanembi. Adash uënësquio icbuedi mimbi naid tantiash bëdamboshë iquebi. Utsibon natiamiaid icshobi mibitedishun dayacquio icmequin ubi bëdambo icmioc.

Codinto 2 7:4 Iomraidhean Croise

Hechos 5:41

Puduenmiac: Nuquin Papan namiacpaden Esus chuibansho mëyanac bëdambo iquebi, quec cuishonquecuededpanëdash.

Doma 5:3

Nadectsen nuquitedi cuishonquec: Abi tantiaquido icsho utsibon chieshënquin natiamiaqui bëdiactsëc tantiactsëcbuedi chieshtoenquio yec tantiaquidquio yanebi, quectsen nuquitedi cuishonquendac.

Codinto 1 1:4

Mibitedi tantiaquin ënenquio icquin Nuquin Papa naden chiannembi: Mibi bëdambocquid nec. Adquid icquin mimbi tantiamiac Esuquidistu tantiasho bëdambuen isquin bëdambo icmeta, Papa, quequin mibitedi tantiaquin chiannembi.

Codinto 2 1:14

Aden umbi dada uaid isquin bëdambuen abitedi tantiabi icbuedëmbi Nuquin Icbo Esuquidistu padpidec chouanuc mibitedishun bëdambuen tantiendac. Pabado bëdambuec tabadquidquio nec, quequin mibitedishun chiendac. Umbitsen adembidi: Codinto yacnocquid Esus tantiaquido bëdambuec tabadquido nec, quequin chiendambi.

Codinto 2 1:4

Nuquitedi natiamiaid icsho issun Nuquin Papan uënësquio icquin bëdambo icmendac. Umbi icmiacpadombuembidi utsibo natiamiaid icsho issun umbi bëdambo icmiaidontsen: Ma aido bëdambo icmenu, queshun Nuquin Papan nuquitedi bëdambo icmendac.

Codinto 2 10:8

Abi tantiaquid yansho Esuquidistun: Ubi chuibenneta, cashumbic ubi tantiaquido chieshtomenquio icquin ma ubi tantiaquidombo icmenu, quequin chuibanquidbidi icmiondashi. Adoaid icquin cuëshëdmenquiocquin mibitedi chiec nebi.

Codinto 2 11:21

Umbien dacuëdquin aden mibi icsa uaquin natiametiapimbo ictsiac. Mibi iuanuequidon dacuëdenquio icquin ambembi ambi nabanaid chuibanac, quesho tantiashun adombuembidi dacuëdenquio icquin tantiesan chiacbimbuen umbi nabanaid chuibanuaimbi.

Codinto 2 2:14

Bëdamboshëcquid mibi nec, Papa. Adquid icquin mimbi ënenquio icquin ubitedi tantiaquin Mimbi Chiaidquio chuimiac Esuquidistu tantiaquido yansho isash cuishonquebi. Esuquidistu chuibenneta, caid ubitedi nebi. Esuquidistubëd icsamboshëcquid dëniacquido nebi. Umbi chuibanaid nuadte bëdabimbuecquid nec. Nuadte bëda pushudec bëdambo nuadsho uanno uannoec tabadquidon shëdec. Adoacbimbuen ubipadquidon chuibennesho uanno uannoec tabadquidon tantiec.

Codinto 2 3:12

Aden tantiaquin: Esuquidistu nuqui tantiaid icsambuen naisa yec nibëdantiapimbocquid nec, quequin dacuëdenquio icquin chuibennequid nebi.

Codinto 2 7:14

Mibi nidmenu, quequin naden Tito chiondambi. Ubi iuedquin nashunondacpadombuen Codinto yacnocquidon mibi iuedquin nashuntsiash, quequin chiondambi. Aden chiac mibi yacno Tito nidacsho umbi chuibocpadombuen mibitedishun nashunac caoc. Aden nashunaid tantiash: Abimbo chiombi, quepobi. Umbi mibi mua uainquiocquin chiondacpadequi mibitedi tabadaid tantiombi.

Codinto 2 8:24

Aido chosho issun bëdambuen isquin tantiata. Ma umbi chuibenniacno Esus tantiaquidon mimbi naid chuisho tantiashun naden chuinu: Pabadon chiacpadombuen Codinto yacnocquid Esus tantiaquido bëdambuen naquido nec, ma quenu.

Pidipos 1:14

Aden ubi quënën tsadunaid icnuc: Aidën naondacpadombuen dacuëdenquio icquin Esusën naid chuibennenu, queshun Esus tantiaquido dadpenshun dacuëdbuedombi Esuquidistu tantiec dacuëdenquio icquin Nuquin Papan Chiaidquio chuibanac caosh.

Pidipos 1:20

Aid tantiec dacuëdenquio yanshun abi tantiasho Nuquin Papan icsambuen namenquio icquin bëdambuen isec. Umbi naondacpadombuen dacuëdenquio icquin Esusën naid chuibante bunec chieshtotiapimbo iquebi. Ma utsibon: Esuquidistu bëdambo iquec, canu, quiash uënësabi yec chieshtotiapimbo iquebi.

Pidipos 1:26

Ubi padpidec mibi yacno nidacsho isash: Bëdamboshë iquec, quec Esuquidistu tantiec mibitedi cuishonquetsiandac.

Pidipos 2:17

Bëdambo mibi iquec, Nuquin Papan mabi canu, queshun Esus tantiaquin bëdambuen nabanta. Utsibo nashunquin chieshtoenquio icquin chuibanta. Aden bëdambo nuadtequid Nuquin Papa shëdmiacbimbuen mimbi chuibanaid chuisho tantiec tsadsho ubi caic: Cuessunnenu, cac bëdambo ictsiabi. Aido bëdambo iquec, quiash mibitedi tantiec ubi cuishonquenubi adecbidi cuishonqueta.

Codosas 1:24

Nëbi mibitedi tantiaquin Esus chuibansho natiamequin mëyanondashi, quec cuishonquec bëdambo iquebi. Ambia chuibansho matsesën Esuquidistu mëyampanëdash. Nëbi Esus tantiaquido mëyantebidi iquendac, quequin Nuquin Papan tantiacpadombuen Esus natiamequin mëyannëdacbimbuen mëyanondashi, quec bëdambo iquebi.

Tesadonica 1 2:19

Nuquin Icbo Esuquidistu choan aidbëd tabadquin ¿tsutsimbi ispatsia? ¿Tsutsi isashini cuishonquepatsia? ¿Tsutsi issumbimbi: Is. Umbi chuibanac Esus tantiabenondaido neque, capatsia? Mibi issumbimbi adoendac.

Tesadonica 1 2:2

Nadembidi mimbi tantiec. Shubu dadpen icquid Pidipos yacnoshon ubi icsambuen chuishunquin mëyanaqui mibi yacno nidshun Chiaid Bëda Esusën naid mibitedi dacuëdenquiocquin chuibanondambi. Utsibo dadpenshun chieshënnubi Nuquin Papan namiacpadombuen dacuëdenquio icquin mibitedi Esus chuibanondambi.

Tesadonica 2 1:4

Mibi adec bëdambuec tabadaid tantiaquin Esus tantiaquido utsibo chuibenniombi. Dadpenshun chieshënaqui chieshtoenquio icquin aidon abi Esus tantiec, quequin utsi utsiec yacno mibi Esus tantiec tabadaid chuibenniombi.

Pidemon 1:7

Aden umbi chianniacpadombuen mimbi bëdambuen nabanec. Aden Nuquin Papa tantiaquido chieshtomenquio icquin bëdambo icmec, quequin tantiec cuishonquec bëdambo iquebi.

Santiaco 1:2

Tantia, cun utsibo. Mibitedi chuinu. Natiamiantequid utsi utsiec icnubi chieshtoenquio yec cuishonquec tabadta.