Codinto 2 6:8 - El Nuevo Testamento en matsés

⁸ Utsin utsinquien ubitedi bëdambuen isquin bëdambuen chuinubi utsibon ubi icsambuen chuishunaqui bëdambo iquebi. Bëdambuen chiaqui: Muaquid nec, quenubi abimbo chuiquidquio nebi.

Codinto 2 6:8 Iomraidhean Croise

Mateo 10:25

Tantiamiac tantiabenash abi tantiamequidbimbuec icac bëdambo ictsiash. Adecbidi iua aton icbobimbuecbidi icac bëdambo icuatsiash. Aden umbi chiacpadombuen nate bunquid icsho mibitsen icsambuen chuishunquin chieshënendac. Ma podobitsi icsan icbo Bedsebu caid neyoc ¿cainquiodabi ictiosh? Adembidi mibitsen chieshënendac, quequin chuipondash Esusën ubitedi chuiquin.

Mateo 22:16

Adshumbic: Icsambuen chuimetan, quequin chuiquid tapa Edodesbëd icquidobëta padiseobobëd icquido nidmiac icsambuen chuimenuec chochoshon chuituidpondash: Bëdambuen chuiquid mibi neque. En ubi chui. Tantianu. Muesambo icquin Nuquin Papan chiacpadec bëdambuec tabadte mimbi abimbo chuipoc. Matses dacuëdënenquio icquin Nuquin Papan Chiaidquio mimbi chuipoc.

Mateo 27:63

Esus muaquidquio yec nadpadennec: Uënësash daëdec ushash uincuenendabi, quec muapadenneque.

Madcos 12:14

Aden nidmiac Esus yacno choshon abentsëcshun Esus naden chuipanëdash: Bëdambuen chuiquid mibi nec. Adembidi muesambo icquin Nuquin Papan chiacpadec bëdambuec tabadte mimbi abimbo chuibampoc. Matses dacuëdënenquio icquin Nuquin Papan Chiaidquio mimbi chuipoc. Adquid icquin ubi chui. Tantianu. Piucquid shocosh tsasicquid bec cho, quequin bedshunquid isadaidpembon chuiquid tapambo Sesad cuëmëdquid nec. ¿Ada aid meniac bëdambo icpec? ¿Adambi aid menepe? quepanëdash Esus caic.

Uanën dada uaid 7:12

Aden cun matses isadaidbon chuiquidon nibënsho isash dacuëdec cun matses shoshoshquetsëcquiec nadec onquecuededpanëdash: Esus bëdamboshëcquid nec, quenubi utsi utsiec: Ma icsambo icquid neyoc. Nuquin Papan Chomiaid nebi, quequin cun matses muaquin chuiquid nec, quecuededpanëdash.

Hechos 10:22

Adoaquien: Codnedio cuëmëdquidën chomiaid nebi. Aidi sondado dadpenshun chuiquid yec bëdambocquidquio nec. Adquid icquin Nuquin Papan chiacpaden nabansho issun isadaidbon bëdambuen isaidquio nec. Aidi Nuquin Papabëd icquidën naden chuipaccosh: Simon Petedo bedtan, cata. Bedtanac choshon chuibansho tantiata, quequin Nuquin Papabëd icquidën chuiposhi, quequin Codnedion ubitedi chuiuaposhi, quepanëdash Codnedion chomiaido Petedo chiec.

Hechos 16:39

Adec dacuëdcuededec nidequi quënën tsadunte shubu yacno choash: Doma yacnoquido nec, quequin tantienquio icquin mibi quënën tsadunmiombi, queshun puduenmequin: Nëmbo iquenquio yec nidta, capanëdash Pabadobëta Sidas chuiquin.

Hechos 22:12

Ambobi dada Ananias cuëmëdquid icpanëdash. Aidi: Nuquin Papan: Naden nata, quequin Moises chuiquin dada uamiampid tantiaquin naquidquio icsho ambocquido isadaidbon bëdambuen isaidquio icpanëdash.

Hechos 24:5

Nëid dada mimbi bëmebued icsambocquid nec. Adquid iquec Nasaded yacno iccondaid tantiaquidon chuiquid nec. Aidëmbi nidaid utsi utsiec yacno nidshun ambi tantiaid chuibanquin isadaidbo cumapenen chushcananmequin cuëdcuededmiac cuëshëdcuededpac caosh.

Hechos 28:22

Padnueni mimbi tantiaid mimbi chuisho tantiate bunec. Utsiboen nidaid utsi utsiec yacno tabadquido: Quidistubo icsambocquid nec, quepec, quepondash Doma yacnocquid isadaidbon chuiquido Pabado caic.

Hechos 4:21

Adoaquien: Umbi chiacpaden nainquiocsho issun mibi daëdi mëyanmetsiambique. Baded nidec nid, capanëdash chuiquidon. Ambi dada caputiapimbo icbuedi bëdanmiaidën seta 40ted icpanëdash. Aid bëdanmiacsho isash utsibo: Nuquin Papa bëdamboshë iquec, quec cuëdëncuededpanëdash. Adsho tantiash Petedobëta Uan cuesmete bunquimbi adometiapimbo yec tabadpanëdash chuiquido.

Hechos 5:13

Adombuen Esus chuibennequidon nabansho isash Esus tantiesabo dacuëdcuededec aidbëd ictiapimbo iquequi: Esus tantiaquido bëdamboshë iquec, quecuededpanëdash.

Hechos 6:3

Niante chedo nashunquid icta, canuen dada 7ted nadquidquio istuidta. Nuquin Papan Mayan Bëdan tantiamiac bëdambuec tabadsho mimbi bëdambuen isaidquio istuidshun: Niante chedo nashunquin menequid icta, cata.

Doma 3:8

Aden icsambuen chiec nuqui nadtsiac. Nuquin Papa tantiamequid iquequi icsaquionona, nuqui quetsiac. ¿Adendambi chuibandio? Padenquio. Pabado: Nuquin Papa tantiamequid iquequi icsaquionona, quiosh, quequin mibi mua uaosh, quequin chuituidoshi. Ubi aden mua uaquin chuishunquido Nuquin Papan cuidtequidombo nendac.

Codinto 2 1:18

Abitedimbo tantiaquidquio icquin Nuquin Papan ubitedi onquiaid tantiec, queshun muainquiocquin abimbo chuiquidquio nebi.

Codinto 2 11:21

Umbien dacuëdquin aden mibi icsa uaquin natiametiapimbo ictsiac. Mibi iuanuequidon dacuëdenquio icquin ambembi ambi nabanaid chuibanac, quesho tantiashun adombuembidi dacuëdenquio icquin tantiesan chiacbimbuen umbi nabanaid chuibanuaimbi.

Codinto 2 12:16

Ubëd tabadec: Bec cho, quenquio iccondash, quequin mimbi ubi tantiec. Adnubi utsibo: ¿Piucquid bedenquio icpecta Pabado tabadash? Muaquin chuiquin dadpen bedpash icnui, quepec utsibo mibëd icquido.

Codinto 2 4:2

Icsambuen nash dacuëdec ompodquidën nacbimbuen nainquio iquembi. Bëdambocquid danmianenquio icquin Nuquin Papan Chiaid utsi uaquin chuibanquin matses mua uainquiocquin abimbo chuibanembi. Aden umbi abimbo chiac tantiaquido yec: Pabado icsambuen naquid nec, quetiapimbo icnubi adembi bëdambuen chuibanembi. Nuquin Papan nuquitedi isec, quequin adembi abimbo chuibanembi.

Tesadonica 1 2:3

Adembidi abimbo chuiquin Esusën naid chuibanondambi. Bëdambuen namenuen bëdambuen chuibanondambi. ¿Min piucquid bednuen mua uaquindambi mibitedi chuibandionda? Padenquio.

Timoteo 1 3:7

Adembidi chuibanquid icmenuen Esus tantiesabon: Bëdambocquid nec, casho tantiata. Icsambocquid nec, caid chuibanquid icmenda. Adquid icmiac icsambuen nasho Esus tantiesabon mamënshuntsiash. Adquid Mayan Icsa Satanasën badedi icsametsiashe. Icsambo icquid nec, caid: Esus chuibanquid icta, cainda.

Timoteo 1 4:10

Adec: Abi yacno abëdi tabadendabi, quequin tantiec ënëdenquio yec chonoadquin Nuquin Papan Chiaidquio chieshtoenquio icquin chuibannuna. Esus tantiaquid uënësacsho cuidenquio icquin Nuquin Papa uënëstiapimbo icquidën abëdi nuqui tabadmendac, quiash chieshtoenquio yec bëdambuec tabadnuna.

Ebedeo 13:13

Adoaid yec Esusbëd icquid nebi, quiash umanuc buansho isash aidbëd nidacbimbuecquid icnuna. Adquid icsho issun Esuquidistu tantiesabon: Mibi icsamboshë iquec, quequin Esus chieshënnëdacpadombuembidi nuquitsen chieshënendac.

Petedo 1 4:14

Esuquidistu tantiaquid nec, queshun chieshënquin icsambuen chuishunshobi Nuquin Papan mibi bëdambo icmendac. Adoshon Nuquin Papan aton Mayan Bëdamboshëcquid mibëd cuëshëdmenquio icquin tabadmendac.

Uan 3 1:12

Demetedio caidien bëdambuen nabanquid nec, quequin utsibon abimbo chiec. Aidi Nuquin Papan chiacpadombuen nabanec tabadquidquio nec, quequin muainquiocquin utsibon bëdambuen chuinubi adembidi ubëd icquidobëtan Demetedio chiaid tantiash: Muequi nec, quenquio mibi iquec.

Esusën Uan ismiaid 3:9

Tantia. Mibi yacnoshon Mayan Icsa Satanasën tantiamiac: Isadaidbo nebi, quequin mibi mua uaquido yec Mayan Icsa Satanasën iuabo nendac. Umbimbo namiac mibi yacno chochosho mimbi chuibanendac. Adoac dannëshën tinquebudshun mibi chuiquin: Esusën tantiaidombo mibi nec, caindac.