Codinto 2 5:18 - El Nuevo Testamento en matsés

¹⁸ Nuquin Papan ambi tantiacpaden namiaido nec. Esuquidistunuidtsëqui Nuquin Papa matses bëdambuen ismec. Adquid icquin ubi bëdambuen ismequin umbi Nuquin Papa bëdambuen ismete chuibenneta, caid nebi.

Codinto 2 5:18 Iomraidhean Croise

Ducas 10:5

Shubun puduedshun naden shubu icbo tantiaquin chuita: Nëid shubun icquido ma Nuquin Papan bëdambuec tabadmepanuna, quequin chuita.

Ducas 24:47

Nadembidi chiampid iquec: Nuquin Papa tantiabenquin mimbi icsambuen naid ënsho isash: Icsambocquid nec, quequin tantienquio yec mimbi icsambuen naid Nuquin Papa bëshunendac, quequin Edusaden yacnoshomba ubi tantiaquidon ubi chuibanendac. Aden chuibanshumbic nidaid utsi utsiec yacno nidshun adombuembidi chuibanuaindac.

Uanën dada uaid 3:16

Adashic Esus: Matses abitedimbo tantiaquidquio icquin Nuquin Papan aton Mado abentsëqui abided cuidmequin uënës uasho ubi tantiaquid cuidenquiocquin abi yacno ubëd ënëdenquiocnoc tabadmendac.

Uanën dada uaid 3:27

caquien Uanën: Nuquin Papan namiabicquidën aden natiapimbo iquec.

Hechos 10:36

Isadaidbon tsiuecquidoba tantiamenuen Nuquin Papan Esus chomepanëdash. Esuquidistunuidtsëqui Abitedishun Icbombo icquin Nuquin Papa matses bëdambuen ismec, quequin tantiembi.

Doma 11:36

Nuquin Papan abitedi uapampic. Aidtedi atona nec. Ambi uaid abitedi iquec. Ambi uaidtedi ambi dayun uaidquio nec. Adquid icsho: Nuquin Papa bëdamboshë iquec, canuna ënenquio icquin. Amen.

Doma 5:1

Nuquin Icbo Esuquidistu uidtsëqui tantiasho Nuquin Papan nuqui bëdambuen isquin cuidenquio iquendac isaisabimbuecnuc. Adoaid yec nuqui bëdambuec tabadendac.

Codinto 1 1:30

Adquid icnuc Nuquin Papanuidtsëqui tantiamiac mibitedi Esuquidistubëd abentsëc yacbimbuec tabadquido nec. Adembidi aidëmbi nuquitedi bëdambuenshë tantiaquid icmequin abimbo chuiquid icmec. Adoshon icsambuen naisabimbuecnuc Esusën Nuquin Papa nuqui bëdambuen ismec. Adoaid yec Esuquidistubëd bëdambocquid icsho cuidenquio ictequid Nuquin Papa yacno tabadtequido nuqui nendac. Esus abided cuidadaid icnuc Nuquin Papan nuqui cuidenquio iquendac,

Codinto 1 11:12

Aid abimbo caic. Dadan shictodo chicshun chido uapampic. Adoaid icquin chidon tishaid dada nec. Ambi tantiampicpaden abitedimbo Nuquin Papan uaid nec.

Codinto 1 12:6

Nuquin Papan Mayanën namiaid icquin nadatiambocquin nabanquin ismebante utsi utsiec iquec. Aden nabanquid dadpen icnubi abi nadatiambocquin nabanmequid Nuquin Papa abentsëcquiobi iquec.

Codinto 1 3:5

¿Mitsipadquidibi Apodobëd nepe? Nuquin Papa nashunquid icquin Esuquidistu chuibennequid ubi daëdi nebi. Adquid icquin umbi chuibannac Esuquidistu tantiaquid mibitedi yanondac. Nuquin Icbon: Naden chuibanta, cacpadombuen ubi daëdshun chuibanoc.

Codinto 1 8:6

Adquid icnubi nuquitedi: Papa, quequin tantiaid Nuquin Papa abentsëcquiobi iquec. Aidi abitedimbo uaquidquio nec. Aidën tantiacpadequi nuquitedi abi tabadec. Adecbidi nuqui Cun Icbo caid Esuquidistu abentsëcquiobi iquec. Aidënuidtsëqui abitedimbo uashun adembidi nuquitedi uapampic.

Codosas 1:22

Adquid iccondaidi: Nëbi ubi yacno iuednu, quiash abided cuidadec uënëssun Esuquidistun abi tantiaquidotedi ambi icsambuen naid tantienquio yec bëshunquin icsaisabimbuecnuc isquin ambi icsambuen naid nibëdacbimbuecnuc aido Nuquin Papa bëdambuen ismec.

Ebedeo 2:17

Matsespadquid yanash matses cuidmenquio icte bunquid yec Nuquin Papan chiacpaden naquid yec matses nashunquid nec. Adquid iquec Nuquin Papa matses bëdambuen ismenuen nëish iua cuessunneshun pichicaquidon chuiquid tapabimbuecquid yec bëdamboshëcquid nec. Adquid icquin matsesën icsambuen naidtedi bëshunmequin Nuquin Papa bëdambuen ismenuec Esus abided cuidadec uënëspanëdash.

Santiaco 1:17

Nuquin Papa icsa nibëdquid yec bëdamboshëcquidquio icquin nuquitedi bëdambocquid menendac. Aidëmbi badiadën uëshëbëta inchëshën uëshë uatanquin uispatedi uapampic. Nuquin Papa utsi ictiapimbo icquid yec iuecash adquiouidi iquendac. Inchëshnuc abuc icquid chënquebuedi chënquenquio yanacbimbuecpenquio utsi ictiapimbo iquendac.

Uan 1 2:2

Matsesën icsambuen naid tantienquio yec bëshunquin ma Nuquin Papan cuidenquio icnu, quiash matses abitedishun icsambuen naid bedshunec abided cuidadec Esuquidistu uënëspondash.

Uan 1 4:10

Matses tantianquidquio nadquid nec. Nuquin Papa tantiaquid nebi, quequidpenquio nec. Nuquin Papambien nuqui tantiaquioquin: Matsesën icsambuen naidtedi tantienquio yec bëshunquin cuidenquio icnu, quequin aton Mado chomiac matsesën icsambuen naidtedi bedshunash abided cuidadec Esus uënëspondash.