Codinto 2 5:16 - El Nuevo Testamento en matsés

¹⁶ Aden Esus tantiabenash tantiesabo onquiacpadec onquenquio nuqui iquec. Ënden Esus caic: Matsesi nec, quequin icsambuen chiec onquiondaidi nëbi: Nuquin Papan Madombo nec, quequin nuqui tantiec.

Codinto 2 5:16 Iomraidhean Croise

Mateo 10:37

Padnubic aton papa tantiaquinc aton tita tantiaquinc cain aidën chiacpadombuenuidtsëqui naquidën umbi chiacpadombuen natiapimbo ictsiash. Adembidi aton mado tantiaquinc aton champi tantiaquinc caquin aid bëdambo icmeteuidtsëqui bunquin umbi chiacpadombuen natiapimbo ictsiash. Adquido ubi tantiaquidpenquio nendac.

Uanën dada uaid 15:14

Umbi chuibued tantiaquin nabansho mibitedi cun utsibo caimbi.

Uanën dada uaid 2:4

Adoaquien: ¿Atotsi quequin mimbi ubi chuipe, tita? Cun Pan tantiacpadënquio naimbi, quepondash Esus.

Uanën dada uaid 6:63

¿Nami pequinc intac acquinc cashta mibi bëdambo icpatsia? Padenquio. Nuquin Papan Mayanën umbi chuibuedbëta ubi tantiamequin matses bëdambuec tabadquid icmetsiash. Adoaid yec Nuquin Papa yacno ubëdi tabadendac, quepondash Esus.

Uanën dada uaid 8:15

Matsesën tantiacpaden mibitedishun: Icsambocquid nec, quequin chuipec. Umbien: Aid icsambocquid nec, quequin chuitiapimbo iquec.

Codinto 2 11:18

Bëdambuen naombi, quequin ambi nabanaid utsibo dadpenshun chuibanec, quequin tantiaquin adombuembidi umbi nabanaid chuibanuaimbi.

Cadasia 5:6

Esuquidistunuidtsëqui shui dëbid dëtemiaidobëtambi dëtemiacmaidontsen abi tantiasho bëdambuen isec. Adoac aid tantiaquido yec utsibobëd tantiananquid nuquitedi nendac.

Pidipos 3:4

Cun tsusedpabon chiaiduidi tantiaquin nasho Nuquin Papan bëdambuen iste danquin naden chuipondambi: Cun tsusedpan chiaid utsibon daëdpactsëc nanuc umbimbo naquin dadpenquio nabanquidquio nebi, quepondabi.

Codosas 3:11

Adquid icmiac Esuquidistu tantiaquid utsibotedi Nuquin Papan bëdambuen tantiaquiec. Nëid isadaidbo nec. Nëid isadaidpembo nec. Nëid shui dëbid dëtemequid nec. Nëid shui dëbid dëtemesa nec. Nëid matses utsin dada uaid isec onquequin dadpen tantiaquido nec. Nëid matses utsin dada uaid isec onquequin daëdpactsëc tantiaquido nec. Nëid iua nec. Nëid iuapenquio nec, quenquio icquin aidtedishun Esuquidistu tantiasho Nuquin Papan bëdambuen isendac. Adecbidi abitedishun Icbombo abentsëcquiobi Esuquidistu nec. Aidi abi tantiaquidotedibëd icquidquio nec.

Santiaco 3:17

Padnuen Ambi tantiacpadombuen Nuquin Papan bëdambuen tantiamiaid yec nadquio iquec. Icsambuen nate bunesa nec. Adecbidi utsibobëd bëdambuec tabadquid nec. Adecbidi utsi nashumënquid nec. Adecbidi chushcanesa nec. Adecbidi utsi natiambo icsho uënësquiocquid nec. Adecbidi chuiquidën: Nanuna, cac badedquio: Ai, adonona, quequid nec. Adecbidi cuidmenquiocte bunquid nec. Adecbidi bëdambuen nabanquid nec. Adecbidi: Nëid bëdambuen isquimbi utsi chieshënembi, quesa nec. Adecbidi: Esus tantiaquid nebi, quec muesa nec.