Codinto 2 5:13 - El Nuevo Testamento en matsés

¹³ Aido: Pabado tantiadenash onquec, quenubi Nuquin Papan chiacpadombuen nabanembi. Nuquin Papa bëdambo iquec, ma mibitedi quenu, queshun bëdambuen tantiaquid icquin mibitedi chiec nebi.

Codinto 2 5:13 Iomraidhean Croise

Madcos 3:21

Aden penquio iccosh, quequin chuituidac aton utsibobëd aton tita Esus bednuec chopanëdash. Icsabudec tantiadenashien nechitash, quiosh matses, quesho tantianec puduanec chopanëdash.

Doma 12:3

Nuquin Papa bëdambocquid icquin: Esus chuibennequid icta, caid nebi. Adquid icquin mibi chuinu. Tantia. Tantiaquidquio nebi, quequin mibitedishun tantienda. Adenquio icquin Esus tantiaquid icsho Nuquin Papan tantiamequin namiaid nebi, quequin tantiata.

Codinto 2 11:1

Nëbi umbi dada uaid isash: Tantiesa onquiacbimbuen mamënmenu, quequin Pabadon chiec, quequin mibitedishun tantienquio icpashun, caimbi. Adenquio icquin: Mimbi bëdambuen naic, quequin ubi bëdambuen ista.

Codinto 2 12:11

Ubipadquid utsi nibëdec, quequin chienquioctiadquidi tantiesa onquiacbimbuen chiombi. Ubi caic mibitedishun: Bëdambuen chuibanquid nec, cac aden chienquio ictsenombi. Utsin utsinquien: Icsambuen chuichitequien Pabado niosh, canubi mibitedi muaquin chiec: Esuquidistun: Ubi chuibenneta, caid nebi, quec muaquidon ubi dëniactiapimbo iquec. Padnuebi bëdambocqudpenquio nec.

Codinto 2 12:6

Nuquin Papa yacno nidshun umbi isondaid chuibanquin dada uaid issun: Bëdambocquidquio nec, quequin tantianushe, queshun dada uainquio iquembi. Ubi bëdambuec tabadsho isash: Pabado bëdambuec tabadec, quesho tantiash bëdambo ictsiabi. Umbi chuibansho tantiash: Abimbo chuibanquidquio nec, quesho tantiash adecbidi bëdambo ictsiabi. Aden utsin isacmaid umbimbo isondaid chuinu, quequin ambembi chienquio icquin abimbo chuitsiambi. Bëdamboshëcquidquio nec, quequin matsesën tantianushe, queshun aden chienquio iquembi. Umbi chiaid tantiata. Cun dada issun tantiata. Mimbi tantiabued yec mimbi isbued yec quequidini nec. Matses nebi.

Codinto 2 7:12

Mibitedi ënden chuiquin ambi bedtemaidi bedquin icsambuen naquid tantiaquin dada uambo iccondambi. Ambi icsambuen naquin bedshunaidtsen chuiquin dada uambo iccondambi. Umbi chuibanquin dada uaid issun ma Nuquin Papa ismequin umbi chiacpadombuen ma iccuededquidon nanu, quequin mibitedi tantiaquin dada uaquin naondambi.

Codosas 1:24

Nëbi mibitedi tantiaquin Esus chuibansho natiamequin mëyanondashi, quec cuishonquec bëdambo iquebi. Ambia chuibansho matsesën Esuquidistu mëyampanëdash. Nëbi Esus tantiaquido mëyantebidi iquendac, quequin Nuquin Papan tantiacpadombuen Esus natiamequin mëyannëdacbimbuen mëyanondashi, quec bëdambo iquebi.

Tesadonica 1 1:5

Chiaid Bëda Esusën naidquio mibitedi chuibanondambi. Chuiquinuidtsëqui chuibanenquio icquin Nuquin Papan Mayan Bëdan nadatiambocquin namiac umbi nabansho issun: Abimbo caic, queshun mimbi Esus tantiabenondac. Aden Esus tantiamenuec mibitedibëd ubitedi bëdambuec tabadsho issun: Aido abimbo chuibanquido nec, queshun umbi chuisho mimbi tantiondac.

Timoteo 2 2:10

Aden chuibannubi Nuquin Papan ambi tantiamiaidtedi Esuquidistu tantiamendac. Aid tantiaquido uënësacsho cuidenquio icquin abëdi tabadmendac, quequin tantiec quënën tsadunondaid yequi chieshtoenquio iquebi.