Codinto 2 4:11 - El Nuevo Testamento en matsés

¹¹ Adembi Esuquidistu chuibansho chieshënquin uënës uatsiashi, quequin tantiaquimbi abi chuibennec nebi. Esusën ubëd icquin chieshtomenquio icquin dayacquio icmiac chuibansho utsibon adembidi tantiabededec.

Codinto 2 4:11 Iomraidhean Croise

Doma 8:11

Nuquin Papan Esus uincuenmepanëdash. Aidëmbi aton Mayambëd tabadquid yec uënësacsho uincuenmequin mibitedi dada chuca uaindac.

Doma 8:36

Nuquin Papan naden chuiquin dada uamepampic: Mibi tantiasho chieshëmënquidon: Cuessunnenu, ubitedi cadedcadedec. Ubitedi nëish iua obeca buanshun cuessunniacbimbuen cuessunnenu, cadedcadedec, quequin chuipampic.

Codinto 1 15:31

Cun utsibo, badiadquidën badiadquidënquien ubi cuessunnete utsibo bunec, quequin abimbo chiec nebi. Adembidi abimbo chuiquin: Nuquin Icbo Esuquidistu tantiaquid yanondash, quequin mibitedi tantiec: Bëdambo iquebi, quec cuishonquec tsadebi.

Codinto 1 15:49

Nidaid putu bedshun matses uaid isadacbimbuec isadquido nuquitedi nec. Adecbidi Nuquin Papan abucshun chomiaid isadacbimbuec nuquitedi isadendac.

Codinto 2 4:10

Ubi nidacnoshombi Esus mëyanquin uënës uanëdacpaden mëyanquin uënës uatsen uënës uatsenshobi Esusën bëdambo icmedennioshi. Adoacsho issun: Uënësash uincuennëdaid Esusën bëdambo icmequin dayacquio icmedenniaid nec, quequin utsibon isbededebi.

Codinto 2 4:12

Aden chieshënquin mëyanac uënëstsenshumbi abi Esus chuibanquid nebi. Aden chuibanac Esus tantiabenec chuca uaid yanash aidbëd ënëdtiapimbo yec tabadtequid mibitedi nendac.

Codinto 2 5:4

Nuquin dada chodquequid icnuc uinmabudash uëshquec nuqui tabadec. Cun dada chuca uaquin chodquesa icmepashuni. Uënësesa icnu, quec nuqui tabadec.

Codinto 2 6:9

Ubi isquidombi ambi isacmaidbimbuecnuc isaqui bëdambo iquebi. Ubi uënës uate bunquin mëyanaqui abi capucuennebi. Ubi cuidquin mëyanmequimbi cuessunnenquio iquec.