Codinto 2 4:1 - El Nuevo Testamento en matsés

¹ Nuquin Papa bëdamboshëcquidën ubitedi bëdambuen isquin: Esuquidistu chuibenneta, caid icquin chieshtoenquio icquin aidi chuibanquido ubitedi nec.

Codinto 2 4:1 Iomraidhean Croise

Ducas 18:1

Adshumbic Esusën: Ma ubëd icquidon chieshtoenquio icquin Nuquin Papa chiannenu, quequin tantiaquin utsi chiacbimbuen naden chuipanëdash:

Codinto 1 3:5

¿Mitsipadquidibi Apodobëd nepe? Nuquin Papa nashunquid icquin Esuquidistu chuibennequid ubi daëdi nebi. Adquid icquin umbi chuibannac Esuquidistu tantiaquid mibitedi yanondac. Nuquin Icbon: Naden chuibanta, cacpadombuen ubi daëdshun chuibanoc.

Codinto 1 7:25

Chidobotedi dadan bedabicquidobëta dada chido bedabi icquido tantiaquin naden chuita. Nuquin Icbon: Adquido aden chuita, quequin chiabi iccoshi. Adquid icshobi Nuquin Papan ubi bëdambuen isquin bëdambuen tantiamiaid icquin umbi tantiacpaden chuisho tantiashun: Abimbo chiec nec, quequin tantiata.

Codinto 2 3:12

Aden tantiaquin: Esuquidistu nuqui tantiaid icsambuen naisa yec nibëdantiapimbocquid nec, quequin dacuëdenquio icquin chuibennequid nebi.

Codinto 2 3:6

Umbi tantiaid chienquio icquin Nuquin Papan abimbo chuiquin ambi bëdambuen ismete chuca chiaid chiec nebi. Nuquin Papa matses bëdambuen ismequid Esuquidistu umbibi chuibennetiapimbo icsho Nuquin Papan Mayan Bëdan tantiamiac Esuquidistu chuibennequidquio nebi. Ambi: Naden nata, quequin chuiquin dada uamiampicpadombuen chuibanta, caidpenquio nebi. Ambi: Naden nata, quequin dada uampidtedi nabanenquio yec Nuquin Papa yacno matses tabadtiapimbo iquec. Padnuen Esus tantiasho aton Mayan meniaido yec Nuquin Papabëd tabadtequido nendac.

Codinto 2 4:16

Adquid icnuc chieshtoenquio icquin cun dada shënibudec tsësiobudquimbi badiadquidën badiadquidënquien Nuquin Papan namiac Esuquidistu tantiaquid icbuedi Esus tantiaquidquio yanebi.

Codinto 2 5:18

Nuquin Papan ambi tantiacpaden namiaido nec. Esuquidistunuidtsëqui Nuquin Papa matses bëdambuen ismec. Adquid icquin ubi bëdambuen ismequin umbi Nuquin Papa bëdambuen ismete chuibenneta, caid nebi.

Cadasia 6:9

Umbi aden chuisho tantiashun chieshtoenquiocquin bëdambuen naic tabadta. Adec tabadsho issun ambi tantiacpadën Nuquin Papan nuqui bëdambo icmequin menendac.

Epeso 3:13

Mibi tantiaquin chuibanquid icsho ubi chieshënquin natiamiaid icnuc chieshtoenquio icquin tantiata, mibitedi caimbi. Aden natiamiac ubi mëyadaid umbi chuisho tantiash: Ubi tantiaquin chiec nec, quec mibitedi bëdambo iquendac.

Pidipos 4:13

¿Ubenquiodabi adquidtedi icnuc uidënquio icti? Padenquio. Esuquidistun namiaquini adquidtedi icnuc chieshtoenquio yec uidënquio iquec.

Tesadonica 2 3:13

Cun utsibo, Nuquin Papan chiacpadombuen naquin chieshtoenquio icquin bëdambuenuidi nata.

Timoteo 1 1:13

Ënden Nuquin Papan Madopenquio danquin tantiesa icquin Esus icsambuen chuishunondambi. Abi tantiaquido chieshënquin cuessun secate bunquiondabi. Aton Mado Esus tantiasho Nuquin Papan ubi bëdambuen istsiash, quenquio icquin adopondambi. Adshobini: Pabadon abimbo tantiabi iquec, queshun Nuquin Icbon umbi icsambuen naid bëshunquin cuidenquio icpondashi.

Ebedeo 12:3

Naden tantiaquin Esusquio tantiata. Nuquin Papan Chiaid niacquin icsambuen naquidon natiamequin mëyanaqui chieshtoenquiocquid Esuquidistu icpanëdash, quequin aid tantiec ma mibitedi uidënquio yec chieshtoenquio icpanuna.

Petedo 1 2:10

Ënden mibitedi Nuquin Papan: Cun matses nec, cainquio icpondash. Adquid iccondaidi nëbi Nuquin Papan: Cun matses caido mibitedi nec. Ënden Nuquin Papan mibi bëdambuen istiapimbo icpanëdash. Adobuedëmbi nëbi mibitedi tantiaquin Nuquin Papan mibi bëdambuen isec.

Esusën Uan ismiaid 2:3

Adembidi utsibon chieshënquin natiamiaqui chieshtoenquio icquin Umbi Chiaidbëta Umbi naid mimbi chuibanoc.