Codinto 2 3:12 - El Nuevo Testamento en matsés

¹² Aden tantiaquin: Esuquidistu nuqui tantiaid icsambuen naisa yec nibëdantiapimbocquid nec, quequin dacuëdenquio icquin chuibennequid nebi.

Codinto 2 3:12 Iomraidhean Croise

Uanën dada uaid 10:24

Ambo Esus capusho isash datsidadshumbien cun matses isadaidbon chuiquidon: En cuembo chui. Tantienquio yec tabadtiapimbo iquebique. ¿Nuquin Papan Chomiaid Quidistu caidta ne? Aidquio nebi, quequin nëbimbobi ubi chui, capondash.

Uanën dada uaid 16:25

Adshumbic padpiden chuiuaic: Utsi chiacbimbuen chuiquin mibitedi dadpen tantiamiombi. Nëbi aden chienquio icquin iuecpactsëcshun: Cun Pa nadquio iquec, quequin mibitedi cuembo chiendambi, quepondash Esus.

Uanën dada uaid 16:29

Adsho tantiashini ubitedi: Nëbi utsi chiacbimbuen chienquio icquin mimbi cuembo chioc.

Hechos 14:3

Aido nëishmiambi Iconio yacno iuec tabadquin Pabadobëtan Bednaben: Nuquin Icbon nuqui bëdambuen nametsiash, quiash dacuëdenquio icquin Esus bëdambuen tantiamequin: Nuquin Papan matses tantiaquiec, quequin chuibampanëdash. Aden chuibansho issun Nuquin Papan nadatiambocquin nabanquido Pabadobëta Bednabe icmepanëdash.

Hechos 4:13

Adec Uambëd Petedo dacuëdenquio yec cumapenec onquesho tantiash tantiadempambo yec tabadec: Aid daëdi chuiquidpenquio iquequi adecbidi Nuquin Papan Chiampid ismiabicquid iquequi Esusbëd ictennedo aid daëdien nechitec, quequin tantiec chuiquido tabadpanëdash.

Hechos 9:27

Adnubien Bednaben Esus chuibennequido iccuededacno buanquin Saudo iuedpanëdash. Aden iuedshun: Saudon Damasco yacno nidquin Nuquin Icbo ispaccosh. Aden ismec Nuquin Icbo Saudobëd onquepaccosh. Adanec shubu dadpen icquid Damasco yacno choshon dacuëdenquio icquin Esus chuibampaccosh, quequin Saudon naid Bednaben chuibampanëdash.

Hechos 9:29

Ambo capuquin isadaidbo quidiecon onqueten onquequido istuidshun Saudon adembidi Esus chuibansho tantiash aidotsen Saudo cuessunnete bumpanëdash.

Codinto 1 14:19

Aden chuiquid icquimbi Esus tantiaquido iccuededacno puduedshun aton onqueten onquequin 5tedpactsëc cuembo chuibantsiambi. Ma aidon tantianu, queshun 10mid abi onquiacmaid onquete utsin onquequin chuibante bunenquio iquebi.

Codinto 2 10:1

Pabado nebi. Tantia. Mibitedi chuinu. Cumapenec chushquenquio icquin matses bëdambuec tabadmenu, quequin chuibanquid Esuquidistu icpanëdash. Mibi yacno nidshun Esuquidistupadquid icnu, quequin ubi chieshënquidi bëdambuen tabadmenu, quequin chuibanondambi. Adoaqui ubi chieshënquido nadec onquec: Nuquibëd tabadquin dacuëdacbimbuen cumapenen Pabadon chushcainquio iccondash. Utsibo yacno nidash tabadquin dada uaquimbi cumapenen chushcaic, quequin icsambuen chuishunoshi.

Codinto 2 3:11

Aden: Naden nata, quequin chiaid Moisesën bedshun bëdambuen chuibanaid ënëdtequid icnubi bëdambo icmiantequid Nuquin Papan Chomiaid yec bëdamboshëcquid nec, quequin umbi chuibanaidquio nibëdantiapimbo icquid nec.

Codinto 2 4:13

Nuquin Papan Chiampid nad iquec: Ambi chiacpadombuen Nuquin Papan naindac, quequin tantiabenshun chuibanombi, quepampic. Adombuembidi aid tantiaquin Esuquidistu nuqui chuibennec.

Codinto 2 7:4

Mibitedi caic: Mimbi chiacpaden nainquio icbuedëmbi nabanosh, quequin choquidën chioshi. Aden chuisho tantiashun: Nuquin Papan chiacpaden nabanquidquio aido nec, quequin utsibo chuibanembi. Adash uënësquio icbuedi mimbi naid tantiash bëdamboshë iquebi. Utsibon natiamiaid icshobi mibitedishun dayacquio icmequin ubi bëdambo icmioc.

Pidipos 1:14

Aden ubi quënën tsadunaid icnuc: Aidën naondacpadombuen dacuëdenquio icquin Esusën naid chuibennenu, queshun Esus tantiaquido dadpenshun dacuëdbuedombi Esuquidistu tantiec dacuëdenquio icquin Nuquin Papan Chiaidquio chuibanac caosh.

Pidipos 1:20

Aid tantiec dacuëdenquio yanshun abi tantiasho Nuquin Papan icsambuen namenquio icquin bëdambuen isec. Umbi naondacpadombuen dacuëdenquio icquin Esusën naid chuibante bunec chieshtotiapimbo iquebi. Ma utsibon: Esuquidistu bëdambo iquec, canu, quiash uënësabi yec chieshtotiapimbo iquebi.

Codosas 4:4

Matses utsibo bëdambuen tantiamequin chuibanme, Papa, ma aidontsen Esus bëdambuen tantiapanu, quequin ubi tantiaquin Nuquin Papa chianneta.

Tesadonica 1 2:2

Nadembidi mimbi tantiec. Shubu dadpen icquid Pidipos yacnoshon ubi icsambuen chuishunquin mëyanaqui mibi yacno nidshun Chiaid Bëda Esusën naid mibitedi dacuëdenquiocquin chuibanondambi. Utsibo dadpenshun chieshënnubi Nuquin Papan namiacpadombuen dacuëdenquio icquin mibitedi Esus chuibanondambi.

Timoteo 1 3:13

Adquid icta, caidën Esus tantiaquido bëdambuen nashumbansho issun utsibon bëdambuen isendac. Adquidbidi Esuquidistu tantiaquidquio yanendac. Esus tantiaquido nashunquido yec adec bëdambuec tabadquid nendac, quequin ënquin chiombi.

Pidemon 1:8

Esuquidistun: Ubi chuibenneta, cashun Esus tantiaquido namequidtsen icta, caid nebi. Adoaid icquin aidën chiacpadombuen utsi tantiaquin nashunta, quequin mibi chuite bunquimbi aden chiambo iccombi.