Codinto 2 2:12 - El Nuevo Testamento en matsés

¹² Chiaid Bëda Esusën naid chuibannuec shubu dadpen icquid Todoade yacno ubi choacsho isash: Tantianu, quec chochoquid dadpen icpondash.

Codinto 2 2:12 Iomraidhean Croise

Hechos 14:27

Ambo choash tabadquin ambo icquid Esus tantiaquidobëd iccuededquin Nuquin Papan tantiamiacpaden abi capucuenniacnoshon ambi nabanaidtedi Pabadobëtan Bednaben chuibampanëdash. Isadaidpembo dadpen Esus tantiaquid yamposh, quequin chuibampanëdash.

Hechos 16:11

Adanec Todoade yacnouësh puduanec cano dapa antabëdtoanec cuebi nidec acte nënantanquio nidaid nacnëdquid Samotadasia caid yacno choash Pabadobëd icquidobëd tabadtuidpondabi. Badiadash auëshquio puduanec cano dapa antabëdtoanec nidquimbi acte cuëman shubu dadpen icquid Niapodis yacno chopondabi.

Hechos 16:8

Adoac nidaid Misia matambidanec shubu dadpen icquid Todoade yacno chopanëdash.

Hechos 20:8

Aid onquiaid shubu abentsëquëmbi tëshquën uain sanaid icpondash. Ambobi dectatoash quënën tabadacno tabote dadpen taboaid chënquepondash.

Doma 1:1

Esuquidistun iuambo Pabado nebi. Aidën: Ubi chuibenneta, quequin tantiamiaidquio nebi. Adembidi Nuquin Papantsen: Umbi Chiaid Bëda tantiamequin chuibenneta, caidquio nebi. Adquid icquin mibitedi tantiembi.

Codinto 1 16:9

Ambo Nuquin Papan Chiaid tantianu, quequid dadpen iquec. Adsho badedbadedquien: Ma tantianu, queshun Esuquidistu chuibansho tantiaquid icnubi utsibo ubi chieshënquido nëmbo dadpen iquec.

Codinto 1 9:12

Chuibanquid utsibo petebëta actequid menebanquimbi ubia mibi chuibanondaidquio icsho menetiadquidi menianenquio mibitedi icpondac. Aden petebëta actequid menenquio yaqui: Bec cho quetiadquidi: Umbi: Esuquidistu abided cuidadec uënëspanëdash, quequin Chiaid Bëda chuibansho tantiatiapimbo icnushe, quiash: Bec cho, quequin chienquio iccondambi.

Codinto 1 9:14

Adombuembidi abi tantiamequin Esuquidistu chuibanquido icsho: Ma ambi chuibanaidon nashunnu, quequin Nuquin Icbon tantiec.

Codinto 1 9:16

Ubiuidtsëqui bëdambocquid nebi, quenquio icquin Esuquidistu chuibennequid nebi. Esuquidistun: Ubi chuibenneta, cac aidquio chuibennec nebi. Aden aid chuibennenquio yanash Nuquin Papan cuidtequid ictsiabi.

Codinto 2 10:14

Esus chuibanquid utsi mibi yacno nidambo icnuc: Ambo tabadquin Esuquidistu chuiban, quequin Nuquin Papan tantiamiac mibëd tabadquin umbia mibitedi Esusën naid Chiaid Bëda chuibanondambi.

Codinto 2 11:4

Adec ubi tsadnubi Codinto yacno choshon utsibon Esuquidistu umbi chuibued utsi uain icsambuen chuibansho badedquio mibitedishun tantiashunec. Adembidi Nuquin Papan Mayampenquio caic: Mayan utsi iquec, quesho tantiash: Ubi mene, mibi quepec. Adembidi, Mibi bëdambo icmequid Esusbimbuecquid utsi iqueque. Aid tantiata, quequin umbi chiaid utsi uain chuisho tantiashun: Abimbo caic, quequin mibitedishun tantiec. Aden utsibon umbi chiondaid utsi uain chuisho tantiec, quesho tantiash Esuquidistu tantienquio yantsiash, quec tsadebi.

Codinto 2 11:7

Ma Esuquidistun naid Nuquin Papan Chiaid Bëda tantiapanu, queshun mibitedi chuibanequi: Bec cho ¿quenquio icquindambi icsambuen naponda?

Codinto 2 4:3

Esuquidistu chuibansho utsin utsinquien pamunacbimbuen tantiatiapimbo iquec. Adquido Nuquin Papabëd tabadtiapimbo iquendac.

Codinto 2 4:4

Ad icnuc: Nuquin Papapadquidquiobidi bëdamboshëcquid Esuquidistu nec, quequin chuibansho tantiaquido icnushe, queshun icsambuen namianquid icquin Mayan Icsa Satanasën pamunacbimbuen utsi utsien tantiamenquio iquec.

Codinto 2 8:18

Adec Tito: Nidnu, quesho tantiashun nuquin utsibimbuecquid utsi: Titobëd nidta, caombi. Aidi Esuquidistu bëdambuen chuibanquid nec, Esus tantiaquid utsibon caidquio nec.

Codinto 2 9:13

Aden nashunaid issun mibitedi tantiec: Chiaid Bëda Esusën naid chiac: Esuquidistu tantiaquid nebi, quequin abimbo chuiquidquio aido nec, quequin mimbi dadpen meniaid bedshun: Nuquin Papa bëdamboshë iquec, quequin aidon chiendac.

Codosas 4:3

Adembidi ubitedi tantiaquin Nuquin Papa chianneta. Ënden mimbi matses tantiamenquiocnëdaidi Esuquidistu chuibanquin ma utsibo tantiamequin bëdambuen chuibennenu, quequin Nuquin Papa chianneta. Aden chuibennesho bedshun quënën tsadunaid nebi.