Codinto 2 2:10 - El Nuevo Testamento en matsés

¹⁰ Aden umbi dada uaquin chiacpaden mimbi puduedmenquio yac ambi icsambuen naid ënsho issun ambi icsambuen naid nibëdacbimbuec bëshunshun bëdambuen isquin iuedosh, quesho tantiashun adombuembidi bëdambuen isuaimbi. Aidbëdi iccuededosh, quesho tantiash aidën icsambuen naid tantienquio yec bëshunebi Esuquidistun tantianubi.

Codinto 2 2:10 Iomraidhean Croise

Mateo 18:18

Aden nidaidënshun ubi tantiaquidon bëdambuen nate mibitedishun chiendac. Adembidi ubi tantiaquidon natemaidtsen mimbi chiendac, quepondash Esus. Aden mimbi chiacpaden Nuquin Papan chiendac.

Uanën dada uaid 20:23

Adquid icnuc mimbi: Nuquin Papa mimbi icsambuen naid tantienquio yec bëshunac, cacpadequi Nuquin Papa aidën icsambuen naid tantienquio yec bëshunendac. Utsi chuiquin mimbi: Nuquin Papa mimbi icsambuen naid tantienquio yec bëshunenquio iquec, cacpadequi Nuquin Papa aidën icsambuen naid bëshunenquio iquendac, quepondash Esus.

Codinto 1 5:4

Mibitedi Esuquidistu tantiec iccuedednuc mibëd yacbimbuec iquebi. Adembidi Nuquin Icbo Esusën mibëd icquin ambi tantiacpadombuen namendac. Aden Nuquin Icbo Esusën namiaid icquin

Codinto 2 4:6

Taëecquiobi ëndenquimboshë: Inchëshquio icbuedi uëshëmbo yanta, capampic Nuquin Papan. Adombuembidi Nuquin Papan Chiaid pamumëdacbimbuen tantienquiocbuedi Nuquin Papan tantiamiaido nebi. Esuquidistu aton Papapadquidquio bëdamboshëcquid nec, quequin tantiaquin utsibo chuibanquido nebi.

Codinto 2 5:20

Esuquidistun: Umbi naid chuibenneta, caido ubitedi nebi. Adquido icquin umbi chuibannubi Nuquin Papan: Aidon chiaid tantiata, caido icquin abi tantiaquid yanshun: Umbi icsambuen naid bedshunash Esuquidistu abided cuidadpanëdash, quequin Nuquin Papabëd tabadte bunquin mimbi icsambuen naid ënshun Esuquidistu tantiaquiota.

Codinto 2 6:6

Adquid icnubi icsambuen nainquio iquembi. Nuquin Papan Chiaid tantiaquidquio nebi. Tantiatiapimbo yec utsibo tabadshobi aido bëdambuen isquin adembidi Nuquin Papan Chiaid chuibennec nebi. Adembidi: Nashunquin chiac tantiabentsiash, queshun adquid nashunembi. Nuquin Papan Mayan Bëdan tantiamiaid yec bëdambuec tabadquin ismembi. Muainquio yec utsibobëd tantiananquiec bëdambuec tabadebi.

Epeso 4:32

Adecbidi bëdambuec tabadquin utsibo uënësquio icquin tantiaquin nashunnanta. Esuquidistunuidtsëqui nac mimbi icsambuen naid tantienquio yec Nuquin Papa bëshunacpadquiec utsin mibi icsambuen naid tantienquio yec bëshunuata.