Codinto 2 12:6 - El Nuevo Testamento en matsés

⁶ Nuquin Papa yacno nidshun umbi isondaid chuibanquin dada uaid issun: Bëdambocquidquio nec, quequin tantianushe, queshun dada uainquio iquembi. Ubi bëdambuec tabadsho isash: Pabado bëdambuec tabadec, quesho tantiash bëdambo ictsiabi. Umbi chuibansho tantiash: Abimbo chuibanquidquio nec, quesho tantiash adecbidi bëdambo ictsiabi. Aden utsin isacmaid umbimbo isondaid chuinu, quequin ambembi chienquio icquin abimbo chuitsiambi. Bëdamboshëcquidquio nec, quequin matsesën tantianushe, queshun aden chienquio iquembi. Umbi chiaid tantiata. Cun dada issun tantiata. Mimbi tantiabued yec mimbi isbued yec quequidini nec. Matses nebi.

Codinto 2 12:6 Iomraidhean Croise

Doma 9:1

Cun matses isadaidbo tantiaquid Nuquin Papa nec. Aden abi tantiaquid cun matsesën bëdambuen tantienquio iquec, quiash uënësquio yec shubitiadquio iquebi. Muainquio iquebi. Esuquidistu tantiaquid icsho Nuquin Papan Mayan Bëdan tantiamiaid icquin abimbo chiec nebi.

Codinto 1 3:5

¿Mitsipadquidibi Apodobëd nepe? Nuquin Papa nashunquid icquin Esuquidistu chuibennequid ubi daëdi nebi. Adquid icquin umbi chuibannac Esuquidistu tantiaquid mibitedi yanondac. Nuquin Icbon: Naden chuibanta, cacpadombuen ubi daëdshun chuibanoc.

Codinto 2 1:18

Abitedimbo tantiaquidquio icquin Nuquin Papan ubitedi onquiaid tantiec, queshun muainquiocquin abimbo chuiquidquio nebi.

Codinto 2 11:16

Padpidembuen chuinu. Tantia. ¿Mamënmenuec tantiesa onquiacbimbuendambi umbi naid chuibandio? Utsin aden chuibansho tantianu ¿quepecta mibi ictsia? Adquid tantienquioctsiambi, quebuedi umbi chieshtoenquio icquin nabanaid chuisho tantiata.

Codinto 2 11:31

Nuquin Papa Nuquin Icbo Esuquidistun Papan nabanaid ënenquio icquin chuitequidquio nec. Aidëmbi: Muesambo Pabado nec, quequin tantiec.

Codinto 2 12:11

Ubipadquid utsi nibëdec, quequin chienquioctiadquidi tantiesa onquiacbimbuen chiombi. Ubi caic mibitedishun: Bëdambuen chuibanquid nec, cac aden chienquio ictsenombi. Utsin utsinquien: Icsambuen chuichitequien Pabado niosh, canubi mibitedi muaquin chiec: Esuquidistun: Ubi chuibenneta, caid nebi, quec muaquidon ubi dëniactiapimbo iquec. Padnuebi bëdambocqudpenquio nec.

Codinto 2 12:7

Nuquin Papan abi yacno indoshon dadpenquio ismiondac bëdamboshëcquid nebi, quequin chuinushe, queshun Mayan Icsa Satanasën chomiaidën natiamedednepondashi. Aden natiamiac pinchuquën siadaid nami ëquëduc nidash chiquidtiapimbo yacbimbuec cun dada paëmbo yannec. Bëdanenquio iquec.

Codinto 2 5:13

Aido: Pabado tantiadenash onquec, quenubi Nuquin Papan chiacpadombuen nabanembi. Nuquin Papa bëdambo iquec, ma mibitedi quenu, queshun bëdambuen tantiaquid icquin mibitedi chiec nebi.

Codinto 2 7:14

Mibi nidmenu, quequin naden Tito chiondambi. Ubi iuedquin nashunondacpadombuen Codinto yacnocquidon mibi iuedquin nashuntsiash, quequin chiondambi. Aden chiac mibi yacno Tito nidacsho umbi chuibocpadombuen mibitedishun nashunac caoc. Aden nashunaid tantiash: Abimbo chiombi, quepobi. Umbi mibi mua uainquiocquin chiondacpadequi mibitedi tabadaid tantiombi.