Codinto 2 12:2 - El Nuevo Testamento en matsés

^2-3 Ënden seta 14ted matanmiash Nuquin Papan abucquio abi yacno indoac isondambi. Nuquin Papan dadachobi abuc indopondashi, quetiapimbo iquebi. Tantienquio iquembi. Adecbidi cun mayanuidtsëqui indondash, quetiapimbo icuaibi. Tsaun. Tantienquio iquembi. Nuquin Papambien tantiec.

Codinto 2 12:2 Iomraidhean Croise

Ducas 24:51

Aden chiec onqueshobi aido nianmequin Esus abuc indopanëdash.

Uanën dada uaid 6:56

Aden cun nami pequinc cun intac acquinc caquid yec ubëd abentsëc yacbimbuec tabadtequid nendac. Adecbidi aidbëd abentsëc yacbimbuec iquendabi.

Hechos 14:6

Adec onquesho tantiashun utsin: Aden chuibededosh, quequin chiac cuenec nidequi nidaid cuëshë Dicaonia caidën icquid shubu dadpen icquid Disteda caid yacno nidash tabadquin Pabadobëtan Bednaben Esusën naid Chiaid Bëda chuibampanëdash. Adtanec auëshquio puduanec nidec shubu dadpen icquid Dedbe caid yacnotsen nidash tabadquin adombuembidi Esus chuibampanëdash. Adtanec auëshquio puduanec nidshun nidaid Dicaonia caid yacno shubu utsi utsiec yacno nidquin ambocquidotsen Chiaid Bëda Esusën naid chuibanuapanëdash.

Hechos 22:17

Aidën chiacpaden namianec Edusaden yacnobidi niduash Nuquin Papa tabadte shubu dapa yacno nidec daquënë uaidën puduedash Nuquin Papa chiec tsadquin ushquin isacbimbuen ispondambi.

Doma 16:10

Adembidi Apedes chuiquin: Aidën mibi tantiec, cata. Aidi utsibon chieshënaqui chieshtoenquio icquin Esuquidistu tantiaquidquio nec. Adembidi Adistobudon shubun icquidotedi chuiquin: Aidën mibitedi tantiec, cata.

Doma 16:3

Aquidabëta aton chido Pisida chuiquin: Mibi tantiembi, quiosh Pabado, cata. Aido ubëtan Esuquidistun naid chuibennequid niondashe.

Doma 16:7

Adembidi cun matses isadaidbo Andedonicobëta Unias chuita. Aido ubëtan Esusën naid chuibennesho chieshëmënquidon bedshun quënën tsadunondashi. Aidombien ambia Esuquidistu tantiabempanëdash umbi padabi icnubi. Adsho aidoba Esusën: Ubi chuibenneta, cac chieshtoenquio icquin chuibennequido nec, queshun Esus chuibennequid utsibon: Bëdambo iquec, caido nec.

Doma 16:9

Ubëtan Esuquidistun naid chuibanquid utsi Udbano chuiquin: Aidën mibi tantiec, cata. Adembidi umbi tantiaidquio utsi Estaquis chuiquin: Aidën mibi tantiec, cata.

Doma 8:1

Nëbi Esuquidistubëd abentsëc yacbimbuec tabadquid icsho Nuquin Papan nuqui cuidenquio iquendac.

Codinto 1 1:30

Adquid icnuc Nuquin Papanuidtsëqui tantiamiac mibitedi Esuquidistubëd abentsëc yacbimbuec tabadquido nec. Adembidi aidëmbi nuquitedi bëdambuenshë tantiaquid icmequin abimbo chuiquid icmec. Adoshon icsambuen naisabimbuecnuc Esusën Nuquin Papa nuqui bëdambuen ismec. Adoaid yec Esuquidistubëd bëdambocquid icsho cuidenquio ictequid Nuquin Papa yacno tabadtequido nuqui nendac. Esus abided cuidadaid icnuc Nuquin Papan nuqui cuidenquio iquendac,

Codinto 2 11:11

¿Atotsi quiashini: Bec cho, quenquio icpe? ¿Mibitedi tantienquio icquindambi mibi: Bec cho, cainquio icpe? Codinto yacnocquido Pabadon tantiaquiec, quequin Nuquin Papan tantiec.

Codinto 2 13:5

Mibibi datantiadcuededec: ¿Adambi chieshtoenquiocquin Esuquidistu bëdambuen tantiape? quequin mimbibi tantiata. Aden tantiec: ¿Mibibi datantiadec Ambi chiacpadectabi tabadpe? quequin adembidi tantiata. Aden tantiashun: Adec tabadabi iccobi, quequin tantiaquid yec Esus tantiabicquid mibi nec. Adquid icnuc: Esus ubëd ictiapimbo iquec, quequin tantiata.

Codinto 2 5:17

Adquid icnuc Esuquidistubëd abentsëc yacbimbuec tabadquid yanash matses utsibimbuec chucambo yanec. Ënden Esus tantiesabon tantiacpaden ambibi tantiaquin icsambuen nabuedi Esuquidistun tantiamiac aid tantiaquid yanash bëdambuec tabadcuenec.

Codinto 2 5:21

Ambi cuidtiadquidi nuqui icnubi Esuquidistu icsambuen naisa icshobi Nuquin Papan abided cuidmepanëdash: Cun Mado tantiaquidotedi icsambuen naisabimbuecnuc bëdambuen isembi, queshun.

Cadasia 1:22

Ambo nidacsho nidaid cuëshë utsi Udea yacnocquid Esuquidistu tantiaquidon isambo iccondashi.

Cadasia 5:6

Esuquidistunuidtsëqui shui dëbid dëtemiaidobëtambi dëtemiacmaidontsen abi tantiasho bëdambuen isec. Adoac aid tantiaquido yec utsibobëd tantiananquid nuquitedi nendac.

Epeso 4:10

Adec abucuësh budash nidaidën tabadpanëdash. Adbuedi padpidec abuc niduash abitedishun Icbombo iquec.

Tesadonica 1 4:17

Adashic Esus tantiaquido uënësabi icquidobëd uincuenmiaido tsidadash aidotedi abuctoendac Nuquin Papabëd tabadec nidec. Abitedi abuctoquimbi abi bëquedec Esus chosho istuidendac. Adash Esusbëd Nuquin Papa yacno nidash anobi nuqui quenenendac.

Ebedeo 4:14

Esus Nuquin Papan Madombo yec nëish iua cuessunneshun pichicaquidon chuiquid tapambobimbuecquin Nuquin Papa matses bëdambuen ismequid nec. Adquid yec abuc nidshun Nuquin Papa chiec: Ubi tantiaquido matses bëdambuen ista, quequin chiannec. Aden chiannequid nec, queshun chieshtoenquio icquin Esus tantiaquionona.

Ebedeo 9:24

Nidaidënshun Nuquin Papa abuc tabadtebimbuecnuc matsesën nacnenaidën tabadte shubun Esuquidistu aton intac buanec puduedenquio icpanëdash. Aton Papa abuc tabadacnombo puduedshun abi tantiaquido icsho nuqui tantiaquin: Papa, ubi tantiaquid neque. Bëdambuen ista, quequin Nuquin Papa abi chiannec.

Esusën Uan ismiaid 1:10

Dominco uëshën Esus tantiec tsadshobini Nuquin Papan Mayanën tantiameposh. Adoac cun cachocuësh shoncate shoncacbimbuec cumapenec onquesho tantiapombi.

Esusën Uan ismiaid 12:5

Adnubien chidon dada bacuë tishposh. Aidi nidaid abitedi yacno tabadquidon Icbombo ictequidquio yec aidon chuiquid tapambo icquimbi icsambuen naquido icsho cuidquid ictequidquio neposh. Adquid icsho aton bacuë bedshunshun Nuquin Papa aton tsadte dapan tsadacnombo buamposh nisi dapabimbuecquidën petiapimbo icnuc.

Esusën Uan ismiaid 4:2

Adoac Nuquin Papan Mayanën buanshun ismiac ushquin isacbimbuen ispombi. Adshun isaquien aton tsadte dapanquio tsudain tsadposh.