Codinto 2 12:1 - El Nuevo Testamento en matsés

¹ ¿Bëdamboshëcquid nebi, umbi cacta mimbi ubi bëdambuen ispatsia? Padenquio mimbi ictsiac. Aden chienquio icquin Nuquin Papan ubi ismiondaidbëta ambi tantiamiondaid chuinu. Tantia.

Codinto 2 12:1 Iomraidhean Croise

Uanën dada uaid 16:7

Tantia. Mibitedi abimbo chuinu. Ubi nidnuc mibi bëdambo iquendac. Ubi nidenquio icnuc Cun Mayan bëdambo icmianquid mibi dayun uaquid choenquio ictsiash. Nidshumbimbi mibëdi tabadmenuen chomendac.

Uanën dada uaid 18:14

Aid setambi aton matsesën chuiquid tapambo Caipas icpondash. Aidi Esus chieshënec: Nuquin matsestedi cuessunnemenquio icnuen Esusded cuessunnemenuna, quequin iccuededsho chuiquido chuibued Caipas nepanëdash.

Hechos 18:9

Adnubien inchësh utsin Pabado ushquin isacbimbuecnuc ismequin Nuquin Icbon: Dacuëdenquio icquin ënenquio icquin Ubided cuidadec uënësash uincuenaid chuibanta.

Hechos 23:11

Aden buanshun shubu nuntan sondadon iuedaquien Pabado ushash badiadash padpidec inchëshquidën Pabado yacno choec isadcuenshun Nuquin Icbon: Chieshtoenda, Pabado. Mimbi Edusaden yacnoshon ubi chuibambocpadembidi shubu dadpen icquid Doma yacnoshontsen mibi chuibanmembique. Dacuëdenquio yec dayacquio yec nidta, quequin chuipanëdash.

Codinto 1 10:23

Mibitedi utsi utsiec: Ubi bunacpadembi nabanembi, quepec. Ai, abimbo mimbi caic. Aden naic abitedi bëdambocquidpenquio nec. Aden mibi bunacpaden naquin Esus tantiaquid utsibo mimbi bëdambuen tantiametiapimbo iquec.

Codinto 1 14:6

Cun utsibo, aid tantiaquin chuinu. Mibi yacno isec nidshun umbi mibi onquiacmaid onquete utsin onquequin chuibansho tantienquio yec: Bëdambuen chuibanosh, quetiapimbo yec mibitedi tabadtsiac. Padnuen min onqueten naden chiac mimbi tantiatsiac. Nuquin Papan ubi tantiamiaid umbi chuibansho mimbi tantiatsiac. Adembidi abimbo chiaid chuibanac mimbi tantiatsiac. Nuquin Papan iuecshun natequid chiaid tantiaquin chiaidquio chuibanac mimbi tantiatsiac. Adembidi umbi Nuquin Papan Chiaidquio chuibanac mimbi tantiatsiac.

Codinto 1 6:12

Mibitedi utsi utsiec: Ubi bunacpadembi nabanembi, mibi quepec. Ai, abimbo mimbi caic. Aden naid abitedi bëdambocquidpenquio nec. Ai, ubi bunacpadembi nabanembi, queshun nabanquin ëntiapimbo icmane, quiash aden nainquio yec tabadta.

Codinto 2 12:11

Ubipadquid utsi nibëdec, quequin chienquioctiadquidi tantiesa onquiacbimbuen chiombi. Ubi caic mibitedishun: Bëdambuen chuibanquid nec, cac aden chienquio ictsenombi. Utsin utsinquien: Icsambuen chuichitequien Pabado niosh, canubi mibitedi muaquin chiec: Esuquidistun: Ubi chuibenneta, caid nebi, quec muaquidon ubi dëniactiapimbo iquec. Padnuebi bëdambocqudpenquio nec.

Codinto 2 12:5

Bëdambocquid icsho Nuquin Papan abi yacno indondashi, quetiapimbo iquebi. Natiamiantequid dadpen icnuc uidëmpentsëcquio yec ubembi bëdambo ictiapimbo iquebi, quequin chiec nebi.

Codinto 2 12:7

Nuquin Papan abi yacno indoshon dadpenquio ismiondac bëdamboshëcquid nebi, quequin chuinushe, queshun Mayan Icsa Satanasën chomiaidën natiamedednepondashi. Aden natiamiac pinchuquën siadaid nami ëquëduc nidash chiquidtiapimbo yacbimbuec cun dada paëmbo yannec. Bëdanenquio iquec.

Codinto 2 12:9

Adoac naden chuipondashi: Umbi bëdambuen isquin tantiaidquio yec mibi bëdambo iquec. Mimbi natiapimbo icsho issun nadatiambocquid icquin mibi namequiembi, quequin chiac naden tantiembi. Natiambo icmiac natiapimbocquid yequi bëdambo iquebi. Ma Esuquidistun nadatiambocquid icquin ubi namenu, quiash bëdambo iquebi.

Codinto 2 8:10

Umbibi tantiacpaden mibitedi chuinu. Tantia. Ënden seta utsi icbuedën mibi bunacpadombuen: Menenun sambededshun dayun uanuna, queshun dayacquiocquin mibitedishun tauapondac.

Cadasia 1:12

Matsesën: Naden chuita, quequin chiambobi Esuquidistunuidtsëqui tantiamiac Ambi chiaidquio chuibenniombi.

Cadasia 2:2

Adec Nuquin Papan tantiamiacpadec ambo nidshun Esus tantiaquido iccuededacno puduedshun umbi isadaidpembo Esusën naid Chiaid Bëda chuibennebued chuibanondambi. Adshumbic aidon chuiquid tapabo caidouidtsëqui umbi nabambuedtedimbo chuibanondambi. Aden chiambo icnuc utsibon: Pabadon icsambuen chieque. Tantienda, cac tantiashun Esus tantienquio yannushe, queshun chuibanondambi.

Epeso 3:3

Nuquin Papan ënden ambi matses tantiamenquio icpampidi tantiamiac daëdpactsëc dada uaquin mibitedi chiondambi.

Tesadonica 1 4:15

Tantia. Nuquin Icbo Esusën chiaidquio mibitedi chuinu. Nuquin Icbo Esus nidaidën padpidec chonoc aid bëquedec Esus tantiaquido uënësabi icquido abia abuc nidenquio iquendac.

Uan 1 5:20

Nadembidi nuqui tantiec. Nuquin Papan Madombo choshon chuibanec: Nuquin Papambo nadquio iquec, quequin tantiamepondash. Adash: Esuquidistu Nuquin Papan mado Nuquin Papapadquidbëd abentsëc yacbimbuec nuquitedi iquec. Aidi Aton Papapadquid icquin abi tantiaquido icsho Nuquin Papa yacno ënëdenquiocnoc tabadmendac, quequimbidi nuqui tantiec.