Codinto 2 11:4 - El Nuevo Testamento en matsés

⁴ Adec ubi tsadnubi Codinto yacno choshon utsibon Esuquidistu umbi chuibued utsi uain icsambuen chuibansho badedquio mibitedishun tantiashunec. Adembidi Nuquin Papan Mayampenquio caic: Mayan utsi iquec, quesho tantiash: Ubi mene, mibi quepec. Adembidi, Mibi bëdambo icmequid Esusbimbuecquid utsi iqueque. Aid tantiata, quequin umbi chiaid utsi uain chuisho tantiashun: Abimbo caic, quequin mibitedishun tantiec. Aden utsibon umbi chiondaid utsi uain chuisho tantiec, quesho tantiash Esuquidistu tantienquio yantsiash, quec tsadebi.

Codinto 2 11:4 Iomraidhean Croise

Madcos 7:9

Aden chuishumbic naden chuiuapanëdash: Nuquin Papan Chiaid niac niacquin tsusedpabon: Nadombuen nata, quequin chiampicpadombuen nabanquidquio mibitedi nec. Aden nabanquin ma mibitedishun Nuquin Papan Chiaidquio niac niacpayoc.

Hechos 4:12

Abi yacno iuedanquid aid abentsëqui icnuc utsi nibëdec. Nuquin Papa yacno tabadte bunec aid tantiaquid icta, quepanëdash Petedo Uambëd.

Doma 8:15

¿Nuquin Papan Mayanënda mibitedi icsambocquidën iuabimbuecnuc dacuëdmepec? Padenquio. Mibitedi dacuëdmenquio iquec. Aidëmbi namiac mibitedi Nuquin Papan: Cun mado nec, Cun champi nec, caindac. Aidën tantiamiacpadombuen Nuquin Papa chuiquin: Papa papa, quequin nuqui chiannec.

Codinto 1 3:11

Umbi buintad tabëcaid icnubi utsi nitsintiapimbo yacbimbuen umbia Esuquidistu chuibanan utsibon utsi uaquin chuibantiapimbo iquec.

Codinto 2 11:1

Nëbi umbi dada uaid isash: Tantiesa onquiacbimbuen mamënmenu, quequin Pabadon chiec, quequin mibitedishun tantienquio icpashun, caimbi. Adenquio icquin: Mimbi bëdambuen naic, quequin ubi bëdambuen ista.

Codinto 2 2:12

Chiaid Bëda Esusën naid chuibannuec shubu dadpen icquid Todoade yacno ubi choacsho isash: Tantianu, quec chochoquid dadpen icpondash.

Cadasia 3:2

Mimbi tantiaid ubi chui. Tantianu: ¿Atotsi quiash Nuquin Papan Mayan Bëda mibëdi tabadanondash? ¿Nuquin Papan: Naden nata, quequin ambi Moises chuiquin dada uamiampidtedi mimbi nabansho isashta mibëd tabadanondash? ¿Umbi chuibanac: Abimbo caic, queshoda mibëd aton Mayan tabadanmiondash? Ai, umbi chuibanac Esusquio tantiabensho issun Nuquin Papan aton Mayan meniac mibëd tabadanondash.

Timoteo 1 1:3

Tantia. Mibi chuinu, mado. Nidaid cuëshë utsi Masedonia caid yacno nidquin umbi chiondacpadquiec Epeso yacno icta. Mibi yacnocquidon: Nuquin Papan Chiaidquio chuinu, quebuedombi aid abimbo chienquio icsho tantiashun naden chuita: Nuquin Papan Chiaid chuiquimbi muaquin ambembi chiaid utsibëta natsusuaquin chuibanenda, cata.

Timoteo 1 2:5

Aden Nuquin Papan Chiaidquio tantiashun nuqui naden tantiec. Nuquin Papa matses uaquid abentsëcquiobi iquec. Matsessun Nuquin Papa matses bëdambuen ismequid aton Mado Esuquidistu abentsëcquiobi iquec.