Codinto 2 11:1 - El Nuevo Testamento en matsés

¹ Nëbi umbi dada uaid isash: Tantiesa onquiacbimbuen mamënmenu, quequin Pabadon chiec, quequin mibitedishun tantienquio icpashun, caimbi. Adenquio icquin: Mimbi bëdambuen naic, quequin ubi bëdambuen ista.

Codinto 2 11:1 Iomraidhean Croise

Mateo 17:17

Esusën abëd icquidobëta ambo icquidotedi naden chuipondash: Umbi nadatiambo icquin nabanquin dadpen ismiaqui mimbi ubi tantienquio iquec. Icsambuen tantiaquid yec icsambuec tabadquido mibitedi nec. Mibitedishun tantienquiocsho isash ¿tedectsibi mibëd icpe? ¿Mitsipadombuembimbi chieshtoenquio icquin mibi chuibudpe? quetanquin: Min mado bec cho, capondash.

Hechos 18:14

Adnubien Pabado onquetsennubi Cadionëmba naden isadaidbo chuipanëdash: Tantia. Chuinu. Nëidën icsambuenshë nabanec, quequin mibitedishun ubi chuisho tantiashun: Icsambo iquec, quequin tantiatsiambi.

Hechos 26:29

Adoaquien Pabado: Nëid uëshënquiobi daëdpactsëc chiombi. Aidtedtsëqui chiac tantiatiapimbocsho issun iuen chuibantsiambi. Mibëd iccuededquidobëta mibi cain: Ma Esus tantiaquid ubipadquid mibitedi yampanu. Adquid yansho ma mibi shocosh bucun mëtanenquio icpanu, quequin chiec nebi, quepanëdash.

Codinto 1 1:21

Aden tantiesa icquin cumapenen tantiaquidon ambi tantiaiduidi chiaid tantiash: Nuquin Papa cumapenen tantiaquid nec, quetiapimbo matses iquec. Adecbidi: Esusën naidquio chuibanac tantiadenquio icnuc ambembi chiec nec, quepec. Adquidon tantiatiapimbo icnubi ubipadquidon Esuquidistu chuibanac abi tantiaquid yansho Nuquin Papan bëdambuen isaido yec abi yacno puduedtequido nendac.

Codinto 1 3:18

Adec aid tabadtequid iquequi mibibi mua uadec tabadenda. Matsesën ambibi cumapenen tantiaquin chuibanaid tantiash: Tantiaquidquio nebi, quenda. Matses dadpen tantienquio icquidbimbuecquid icta. Matsesën tantiacpaden nainquiocquin abimbo tantiaquin nabanquid yec tantiaquidquio mibitedi yanendac.

Codinto 1 4:10

Ubitedi Esuquidistun: Ubi chuibennequid icta, caido icquin chuibansho tantiash: Ambembi chiec onquequido nec, quepec. Mibitedien Esus tantiaquido icsho: Bëdambuen tantiaquidquio nec, quequin mibi tantiec. Ubitedi caic: Tantienquiocquid nec, quenubi mibitedi: Tantiaquidquio mibi nec, mimbi ubi capec. Matsesën ubitedi tantienquio icnubi mimbitedi ubi tantiaquiec.

Codinto 1 4:8

Mibi bunaidtedi mitsana dadpen bedash mibi tabadec. Aden bedquido yec chuiquid tapabobimbuecquin mimbi ubitedi bëdambuen istiapimbo iquec. Abimbo chiec: Chuiquid tapambo nebi, mibitedi quenuc mibëd chuiquid ictsiandabi.

Codinto 2 11:19

Bëdambuen tantiaquidombo mibitedi nec. Padnuen utsibo muaquido mamënmenuec tantiesa onquiacbimbuen ambembi chuisho mibitedishun tantiec.

Codinto 2 11:21

Umbien dacuëdquin aden mibi icsa uaquin natiametiapimbo ictsiac. Mibi iuanuequidon dacuëdenquio icquin ambembi ambi nabanaid chuibanac, quesho tantiashun adombuembidi dacuëdenquio icquin tantiesan chiacbimbuen umbi nabanaid chuibanuaimbi.

Codinto 2 11:4

Adec ubi tsadnubi Codinto yacno choshon utsibon Esuquidistu umbi chuibued utsi uain icsambuen chuibansho badedquio mibitedishun tantiashunec. Adembidi Nuquin Papan Mayampenquio caic: Mayan utsi iquec, quesho tantiash: Ubi mene, mibi quepec. Adembidi, Mibi bëdambo icmequid Esusbimbuecquid utsi iqueque. Aid tantiata, quequin umbi chiaid utsi uain chuisho tantiashun: Abimbo caic, quequin mibitedishun tantiec. Aden utsibon umbi chiondaid utsi uain chuisho tantiec, quesho tantiash Esuquidistu tantienquio yantsiash, quec tsadebi.

Codinto 2 12:11

Ubipadquid utsi nibëdec, quequin chienquioctiadquidi tantiesa onquiacbimbuen chiombi. Ubi caic mibitedishun: Bëdambuen chuibanquid nec, cac aden chienquio ictsenombi. Utsin utsinquien: Icsambuen chuichitequien Pabado niosh, canubi mibitedi muaquin chiec: Esuquidistun: Ubi chuibenneta, caid nebi, quec muaquidon ubi dëniactiapimbo iquec. Padnuebi bëdambocqudpenquio nec.

Codinto 2 5:13

Aido: Pabado tantiadenash onquec, quenubi Nuquin Papan chiacpadombuen nabanembi. Nuquin Papa bëdambo iquec, ma mibitedi quenu, queshun bëdambuen tantiaquid icquin mibitedi chiec nebi.

Ebedeo 5:2

Aden aton matses nashunec nëish iua cuessunneshun pichicaquidon chuiquid tapan aton matses: Icsambuen nanu, quenquiocquidëmbi icsambuen naquidbëtan icsambuen nasho isash nëishenquio icquin: Cun matsesbëdi icsambuen naquid nebi, quequin Nuquin Papa bëdambuen ismenuen nëish iua cuessunneshun pichicapanëdash.