Codinto 1 9:21 - El Nuevo Testamento en matsés

²¹ Adecbidi matses utsibo Moisesën chiampid tantiaquin nainquio icquido chuibannuec nidash aido tabadacpadec tabadobi, Ma aidotsen Esus tantiaquido yannu, quiash. Nuquin Papan Chiampid niaquenquiocquimbi Esuquidistun chuinëdaid tantiaquin nabanquidquio nebi.

Codinto 1 9:21 Iomraidhean Croise

Hechos 15:28

Nuquin Papan Mayan Bëdan ubitedi tantiamiacpaden isadaidbon: Naden nata, quequin chiaidtedi nabanta, mibitedi cainquio iquembi. Nëidtedtsëqui ubitedishun: Nainda, caid nec.

Hechos 16:4

Adotanec shubu dadpen icquid utsi utsiec yacno nidshun Esus tantiaquid utsibo yacno puduedcuennequin Esus chuibennequidobëtan Esus tantiaquidon chuiquid tapabo Edusaden yacnocquidon dada uaquin chiaid Pabadon chuibampanëdash.

Hechos 21:25

Isadaidpembo Esus tantiaquid yanacsho ubëtan chuiquidon tantiaid dada uaquin naden chiondambi: Nuquin Papan: Naden nata, quequin Moises chuiquin dada uamiampid nëidtedtsëqui mimbi natequid nendac. Ambi papa canun nacnenaid ismequin pete sanaid penda. Adembidi min chidouidtsëqui chudquid icta. Adembidi min bënëuidtsëqui chudmequid icta. Adembidi nëish tëtaniaid penda. Adembidi tëshë codocaid intac icquid penda, quequin isadaidpembo chiondambi, quepanëdash Santiaco Pabado chiec.

Doma 2:12

Ambi: Naden nata, quequin Moises chuiquin dada uamiampid tantiamiacmaido matses utsibo icsambuen naic tabadsho Nuquin Papan cuidendac. Isadaidbo Nuquin Papan: Naden nata, quequin Moises chuiquin dada uamiampid tantiashumbi aidën chiaid niac niaquec icsambuec tabadsho adembidi cuidendac.

Doma 2:14

Nuquin Papan: Naden nata, quequin chiampid tantiamiacmaidon matses utsibon bëdambuec tabadte ¿ada tantienquio iccuededpec? Ma aidon bëdambuec tabadte abentse abentsen: Naden nac icsambo iquec. Naden nac bëdambo iquec, quequin ambembi tantieyoc. Aden tantiaquin Nuquin Papan chiacpadombuen abentse abentsen bëdambuen naic Nuquin Papan Chiampid tantiashumbimbuen.

Doma 7:22

Nuquin Papan: Naden nata, quequin Moises chuiquin dada uamiampid tantiate bunebi,

Doma 7:25

queshobi Nuquin Papan namiac Nuquin Icbo Esuquidistunuidtsëqui chicposhi. Adoaid yec: Nuquin Papa bëdambo iquec, caimbi. Ai naden tantiembi. Nuquin Papan Moises dada uamequin chiacpadombuen nabanac bëdambo ictsiash. Padnuen matses uidëmpentsëcquid yec icsambuen nate bunquin naimbi.

Doma 8:4

Nuquin Papan Moises chuiquin dada uamiampid bëdambuec tabadmianquid icnuc aidën chiacpadombuen naic nuquitedi bëdambuec tabadtsiac. Nuquitedi matses yec uidëmpentsëcquio icquid icquin icsambuen nateuidi bumbuedi Nuquin Papan Mayan Bëdan tantiamiacpadec bëdambuec tabadendac.

Cadasia 3:2

Mimbi tantiaid ubi chui. Tantianu: ¿Atotsi quiash Nuquin Papan Mayan Bëda mibëdi tabadanondash? ¿Nuquin Papan: Naden nata, quequin ambi Moises chuiquin dada uamiampidtedi mimbi nabansho isashta mibëd tabadanondash? ¿Umbi chuibanac: Abimbo caic, queshoda mibëd aton Mayan tabadanmiondash? Ai, umbi chuibanac Esusquio tantiabensho issun Nuquin Papan aton Mayan meniac mibëd tabadanondash.

Cadasia 6:2

Adec mibëd iccuededquid natiec tabadsho issun bëdambuen nashumbanta. Aden naquin Esuquidistun chiacpadombuen mimbi naindac.

Ebedeo 8:10

Nadembidi Nuquin Papan chuipampic: Aden umbi isadaidbo nianondaid tantiaquin naden chiaid chuca aido chiendambi. Umbi: Naden nata, quequin chiaid chuca isadaidbo bëshunenquiocnoc tantiamendambi. Adoac umbi chiacpadombuen nate bunquiendac. Aden tantiamiash aidon: Cun Icbo, quequin cuënaid iquendabi. Adecbidi aido cun matsesquio iquendac.