Codinto 1 9:18 - El Nuevo Testamento en matsés

¹⁸ Cuishonquequin Esuquidistu chuibennec nebi. Esus chuibennequid Esus tantiaquidon nashunquid, quequin chiaid icnubi: Mitsana bec cho, quenquio icquin chuibennec nebi. Aden: Umbi tantiacpaden ubi mitsana mene, quenquio icquin Esuquidistu chuibennequidquio nebi.

Codinto 1 9:18 Iomraidhean Croise

Uanën dada uaid 4:36

Umbi chuibued chidon chiac matses dadpen chochoeque. Chuibannuna. Aido ubi tantiabenash Nuquin Papabëd ënëdenquio yec tabadtequido yanendac. Adsho isash nuqui cuishonquendac. Adembidi ubi chuibennequidon chuibanac tantienquio icbuedobi utsin chuibanac ubi tantiabensho isash chuibanquid abidaëdi cuishonquendac piucquid bedacbimbuec.

Hechos 18:3

Nëish iua bitsi shubumpi nacnenquid abipadquid Aquida aton chidobëd icsho issun aidobëd tabadquin Pabadon shubumpi nacnempanëdash.

Doma 14:15

Nëbi aido bëdambuen tantiaquin ambi petemaid pemenda. Ambi petemaid pemequin mimbi aido bëdambuen tantienquio iquec. Mibitedishun ambi petemaid pemiac mibëtan Esus tantiaquid icbuedi tantiesa yanacsho cuidnushe, queshun tantiaquiota. Ambi petemaid pemenda. Nëid petemaid nec, quequidotsen tantiaquin cuidmenquio icnuec abided cuidadec Esus uënësac caondashe. Aido bëdambuen tantiata.

Codinto 1 10:33

Umbi nabanaidtedi isash ma utsibo abitedi bëdambuen tantiec cuishonquenu, queshun nabanembi. Umbibi tantiacpaden nabanec bëdambo iquebi, quenquio icquin utsibo tantiaquin bëdambuen nashunembi: Ma aido Nuquin Papa yacno puduedtequid icpanu, queshun.

Codinto 1 3:8

Tied icbon abi tied nitsinshunquidbëta abi neshcashunquid bëdambo icmequin menendac. Adoacbimbuen ambi bëdambuen nabanaidtedi tantiaquin ambi tantiacpaden bëdambo icmequin Nuquin Papan bëdambocquid menendac.

Codinto 1 7:31

Adecbidi nëid nidaidën tabadec mitsana dadpen bedteuidi bunquin tantiaquid iquequi atona nibëdec bedte bunenquio yacbimbuec tabadta. Nëid nidaid abichobi nuqui isaidtedi Nuquin Papan nibëdanmendac.

Codinto 1 8:9

Padnuen: Umbi ambi papa canun nacnenaid dasanquin ismiaid pequin icsambuen nainquio iquembi, quebuedëmbi pesho issun Esus bëdambuen tantiabenabictsëcquidën ambitsen piash: Umbi petemaid pequin icsambuen nachitombi, quenushe, queshun ismequin penquio icac bëdambo ictsiash.

Codinto 1 9:12

Chuibanquid utsibo petebëta actequid menebanquimbi ubia mibi chuibanondaidquio icsho menetiadquidi menianenquio mibitedi icpondac. Aden petebëta actequid menenquio yaqui: Bec cho quetiadquidi: Umbi: Esuquidistu abided cuidadec uënëspanëdash, quequin Chiaid Bëda chuibansho tantiatiapimbo icnushe, quiash: Bec cho, quequin chienquio iccondambi.

Codinto 1 9:15

Ubi nashuntiadquidi nec, quequin tantiequi ¿adabi pete pemenun iuedpec? quesa nebi. Adembidi umbi dada uaid buanmiaid issun pete menetsiashi, quequin tantiaquin dada uainquio iccombi. Bunec uënësbudequi mibitedi caic: Bec cho, quenquio ictsiabi. Meniabi yac Esus chuibennec bëdambo iquebi.

Codinto 1 9:17

Adquid icnuc umbibi tantiacpaden Esuquidistu chuibanquid yec ubi piucquid menetequid iquec, quequin caintsiambi. Padnuen Nuquin Papan: Umbi chiaidquio chuibanta, caid icquin aidën chiaidquio chuibennec nebi. Ubi menetsiash, quenquio icquin aden chuibennec nebi.

Codinto 2 4:5

Umbi naid tantiamenuen chuibanesa nebi. Esuquidistu Nuquin Icbo nec, quequin chuibanquidquio nebi. Aid tantiaquid icquin mibitedi tantiamenuen chuiquin mibi nashunquid ubitedi nec.

Tesadonica 1 2:6

Pabado bëdambuen chuiquidquio nec, ¿matses camenuendambi chuibanonda? Mibitedi adometiapimbo icquimbi utsibotsen adometiapimbo iccondabi.