Codinto 1 9:16 - El Nuevo Testamento en matsés

¹⁶ Ubiuidtsëqui bëdambocquid nebi, quenquio icquin Esuquidistu chuibennequid nebi. Esuquidistun: Ubi chuibenneta, cac aidquio chuibennec nebi. Aden aid chuibennenquio yanash Nuquin Papan cuidtequid ictsiabi.

Codinto 1 9:16 Iomraidhean Croise

Mateo 25:16

Adnubien piucquid 5midted bedbuedën aton matsesën nacpadombuen piucquid daëd uanuen utsibo menequin iuecshun ambi meniondaid daëd uaid beduaposh. 5midted iccondaidi 5midtedbidi beduaposh 10midted icnuc.

Ducas 9:62

Mibi tsibannu, quebuedi aucbidi bidiadquin isacbimbuen utsiba tantiec Nuquin Papan namiaid mibi ictiapimbo iquec, quepanëdash Esus.

Hechos 4:20

Umbi isbuedbëta umbi tantiabued chuitequidquio nec. Aidi chuibanquin ëntiapimbo iquebi, quepanëdash Petedobëd Uan.

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Hechos 9:6

Nidtoanec shubu dadpen icquid Damasco yacno nidec nid. Amboshon umbi: Nata, cacpadombuen ambocquid mibi chuimembique. Nidec nid, capanëdash.

Doma 1:14

Esuquidistun chiacpadombuen Ambi naid matses abitedi chuibante bunquiebi. Isadaidbobëta matses utsibo chuibanshumbic cumapenen tantiaquidobëtabi tantienquio icquidotsen chuibannuec nebi.

Doma 15:17

Aden Esuquidistun namiacpadombuen naic bëdambocquid nebi, quequin Nuquin Papan chiacpadombuen naimbi.

Doma 4:2

Ambibi tantiacpaden nasho Nuquin Papan bëdambuen isac: Bëdambocquid nebi, quetsempampic Abadauan. Padnuen Nuquin Papa chiec: Bëdambocquid nebi, quenquio icpampic.

Codinto 1 4:15

Mibitedi Esus tantiamenuen chuibanquido dadpenquio 10 midted icnubi min papabimbuecquid daëdpactsëc iquec. Ubien mibitedishun papabimbuecquid nec. Umbia: Esuquidistu abided cuidadec uënëspanëdash, quequin Chiaid Bëda chuibanac aid tantiaquido yanash Esuquidistubëd abentsëc yacbimbuec tabadquid mibitedi yanondac.

Codinto 1 9:12

Chuibanquid utsibo petebëta actequid menebanquimbi ubia mibi chuibanondaidquio icsho menetiadquidi menianenquio mibitedi icpondac. Aden petebëta actequid menenquio yaqui: Bec cho quetiadquidi: Umbi: Esuquidistu abided cuidadec uënëspanëdash, quequin Chiaid Bëda chuibansho tantiatiapimbo icnushe, quiash: Bec cho, quequin chienquio iccondambi.

Codinto 1 9:14

Adombuembidi abi tantiamequin Esuquidistu chuibanquido icsho: Ma ambi chuibanaidon nashunnu, quequin Nuquin Icbon tantiec.

Codinto 2 2:12

Chiaid Bëda Esusën naid chuibannuec shubu dadpen icquid Todoade yacno ubi choacsho isash: Tantianu, quec chochoquid dadpen icpondash.

Codosas 4:17

Adembidi Adquipo cuëmëdquid naden chuita. Nuquin Icbo Esuquidistun: Naden nata, caid icquin bëdambuen tantiaquin nabanta, quequin chuita.