Codinto 1 9:10 - El Nuevo Testamento en matsés

¹⁰ Adenquio icquin Nuquin Papan nuquitedi tantiaquiec. Ambi Moises dada uamiampid nuquitedi tantiamenuen chiaid nec. Tied uaquin nashunquidobëtambi ëshchicshunquidon: Ambi cuësaid utsi ma penu, quequin menetsiashi, quequin tantiaquin cainec.

Codinto 1 9:10 Iomraidhean Croise

Mateo 24:22

Adquid icnuc Nuquin Papan ënmenquio icnuc matsestedi nibëdantsiandac. Adquid icnubi ambi: Umbi tantiamiaido nec, quequin tantiaquin Nuquin Papan ënmendac, quepondash Esus.

Doma 15:4

Nuquitedi bëdambuec tabadte tantiamenuen Nuquin Papan Ambi Chiaid dada uamepampic. Aid isban isbanquin ma utsi uainquio icquin ubëta Esus ënenquio icquin tantiec tabadnu, queshun bëdambo icmequin dayacquio icmiac: Esusbëdi Nuquin Papa yacno tabadendabi, quequin tantiaquin cainec nuqui tabadec.

Codinto 1 3:9

Nuquin Papa nashunquid icquin Esuquidistu chuibennequid Apodobëd nebi. Adquid icnubi umbi tied dëdshun nitsinaidbimbuecquido mibitedi nec. Adecbidi Nuquin Papana umbi shubu uaidbimbuecquidbidi mibitedi neuaic.

Codinto 2 4:15

Ma Esus tantiasho Nuquin Papan bëdambuen isaido yec mibitedi bëdambo icpanu queshun chuibansho mëyanaid nebi. Mëyanaqui: Utsi dadpen Esuquidistu tantiaquido ma yannu, queshun chuibennec nebi. Aden chiac abi tantiaquido dadpen yansho issun: Mimbi naidtedi bëdambo iquec, Papa, quequin ma utsibontsen mibi onqueten bëdambocquid chuipanuna, caimbi.

Timoteo 2 2:6

Ma nuquin matses tied uaquidquio. ¿Mitsipadquio icpec? Dayacquio yec chonoadquidënquio aton tied uashun ambi nitsinaid caniash sinacsho ambia pequin tauaquid.