Codinto 1 7:34 - El Nuevo Testamento en matsés

³⁴ Adec tabadquido icquin aton chidobëta ambi nabanaid tantiaquin: Nuquin Icbon chiacpadenuidtsëqui nabanec tabadnu, quetiapimbo iquendac. Padnuen dadan chido bedabicquidbëd niante bëdambuen tantiaquido icquin: Cun dada icsa uatsiash, quenquio icquin: Nuquin Icbouidi tantiaquin aidën chiaidquio nabannu, queshun Nuquin Icbo: Bëdambo iquec, camenuen nabanec tabadendac. Padnuen dada bedmequido icquin: Nidaidën icquiduidi tantiaquin nabannu, queshun aton bënë: Bëdambo iquec, camenuenuidtsëqui nabanec tabadendac.

Codinto 1 7:34 Iomraidhean Croise

Uanën dada uaid 10:13

Piucquid bedteuidi tantiaquin isquidien obeca tantienquio icquin nianec cuenquid nendac.

Doma 6:13

Icsambuen nabanec tabadec uënësacbimbuec nuquitedi icpondac. Adquid icbuedëmbi uincuenacbimbuen Nuquin Papa tantiabenshun icsambuen naic tabadenquio icquin aid bunacpadombuen naic bëdambuec tabadnuna.

Codinto 1 6:20

Nuquin Papan piucquid dadpen menequin bedshunacbimbuen ambi tantiamiaido yec aidëna mibitedi nec. Adquido icquin aidën chiacpadec bëdambuec tabadquin Nuquin Papa tantiata.

Codinto 1 7:33

Padnuen chido bedquido icquin nidaidën icquiduidi tantiaquin nabannu, queshun aton chido: Bëdambo iquec, camenuenuidtsëqui nabanec tabadendac.

Codinto 1 7:35

Dada bedmenda. Chido bedenda, quequin chiecpenquio nebi. Mibi bëdambuen namenuen mibi chiec nebi. Ma bëdambuec tabadquin Nuquin Icbo tantiaquioquin ma utsi uainquiocquin aidën tantiamiacpadombuen nabannu, quequin mibitedi chiec nebi.

Codinto 2 11:28

Aden mëyanaid icquin umbi chuibenniac Esus tantiabenondaidotedi tantiembi. ¿Ada chieshtoenquio icquin Esus tantiec bëdambuec tabadpec? quequin aido tantiadednembi.

Codinto 2 8:16

Nëbi Tito mibi yacno nidec, quequin chuinu. Tantia. Umbi mibitedi tantiacpadombuembidi Nuquin Papan tantiamiac Titontsen mibi tantiec, quiash: Nuquin Papa bëdamboshë iquec, quec tsadebi.

Pidipos 1:20

Aid tantiec dacuëdenquio yanshun abi tantiasho Nuquin Papan icsambuen namenquio icquin bëdambuen isec. Umbi naondacpadombuen dacuëdenquio icquin Esusën naid chuibante bunec chieshtotiapimbo iquebi. Ma utsibon: Esuquidistu bëdambo iquec, canu, quiash uënësabi yec chieshtotiapimbo iquebi.

Tesadonica 1 5:23

Mibitedi tantiaquin Nuquin Papa naden chiannembi. Bëdambuec tabadmianquid icquin mimbi chiacpadombuen naic bëdambuec tabadquid icme. Adembidi aton tantiate yec aton mayan yec aton dada yec quenuc bëdambo icmequin bëdambuen dayun ua, Papa. Adoacsho Cun Icbo Esuquidistu choshon aido bëdambouidquio icsho istuidendac, quequin chiannembi.

Timoteo 1 3:5

¿Aden aton chidobëta aton bacuëbo bëdambuen namenquio icquinda Esus tantiaquid iccuededquido bëdambuen namepatsiash? Padenquio ictsiash.

Timoteo 1 5:5

Padnuen aton matses nibëdquio icquid nianten Nuquin Papa chiannequid: Nuquin Papan ubi nashuntsiash, queshun. Mimbi ubi tantiaquieque. Ubi nashunta, Papa, quequin Nuquin Papa ënenquio icquin chiannequid niante icsho abëtan Esus tantiaquidon nashunquid.

Tito 3:8

Umbi: Aden chuita, quequin chiaidtedi abimbo chiaid nec, Tito. Aid tantiaquin ënenquio icquin chuibanta. Nuquin Papa tantiaquido yec ma bëdambuen nabanec tabadnu, quequin umbi chiacpadombuen Nuquin Papa tantiaquidtedishun nac bëdambo ictsiash, queshun chuibanta.