Codinto 1 7:31 - El Nuevo Testamento en matsés

³¹ Adecbidi nëid nidaidën tabadec mitsana dadpen bedteuidi bunquin tantiaquid iquequi atona nibëdec bedte bunenquio yacbimbuec tabadta. Nëid nidaid abichobi nuqui isaidtedi Nuquin Papan nibëdanmendac.

Codinto 1 7:31 Iomraidhean Croise

Ducas 21:34

Adembidi chuinu. Tantiata. Nëishën: Nëbi ubi sec, quequin tantienquio yec capusho badedquio siac cuentiapimbo yec uënësendac. Adecbidi: Natiate uëshë choec, quequin tantienquio yec tabadquin badiadquidën badiadquidënquien acte paë uaid actednepec. Adecbidi atona bednuec abi bunaiduidi tantiec tabadpec. Aden nabanec tabadnubi ¿Nëbida Nuquin Papan matses abitedimbo cuidte uëshë chopeba? Aid choec, quequin tantiaquin caimbudec bëdambuec tabadta.

Codinto 1 7:29

Tantia, cun utsibo, umbi chuibued tantiaquin mibitedi chuinu: Nidaidën iuec nuquitedi tabadtiapimbo icnubi Esus chote anoentsëqui yanendac. Adquid icnuc min chido bedash aidbëd tabadquid iquequi chido bedacmaidbimbuec tabadta.

Codinto 1 7:30

Adecbidi uënësquio yec shubiec sedenquequid iquequi cuishonquec tabadquin nabanacbimbuec tabadta. Adecbidi cuishonquec tabadquid iquequi uënësquio yec shubiec tabadta. Adecbidi mitsana dadpen bedquid iquequi atona nibëdquid tabadacbimbuec tabadta.

Codinto 1 9:18

Cuishonquequin Esuquidistu chuibennec nebi. Esus chuibennequid Esus tantiaquidon nashunquid, quequin chiaid icnubi: Mitsana bec cho, quenquio icquin chuibennec nebi. Aden: Umbi tantiacpaden ubi mitsana mene, quenquio icquin Esuquidistu chuibennequidquio nebi.

Ebedeo 12:27

Aden: Padpidembuen ishcudmendac, quequin chiaid tantiashun nuqui naden tantiec: Ambi uaidtedi ishcunac mannëdtequid icsho nibëdanmequin ishcunuaindac. Adoac mannëdtiapimbo icquiduidtsëqui yanendac.

Santiaco 4:14

Ma adquid badiadash ictequid tantiesa neyoc. Badiadbudnuc pushudquid cuencuempambo icbuedi badedquio nidacbimbuec mibitedi nibëdanendac.

Petedo 1 1:24

Nuquin Papan chuiquin dada uamiampid nad iquec: Matses abitedi uasimbimbuecquid nec. Adecbidi matsesën: Cunatedi bëdamboshëcquid nec, caidi cute bacuëec bëdambo isadacbimbuecquid nec. Cute bacuëec tuashquiaid bëdamboshë isadbuedi tididiquiash badedquio chodquequid nec.

Petedo 1 4:7

Tantia, mibitedi chuinu. Nuquin Papan abitedi cuidte uëshë nëbi yanec, queshun mimbi icsambuen naid ënash bëdambuec tabadquin ënenquio icquin Nuquin Papa chianneta.

Uan 1 2:17

Adec Esus tantiesabo icquin ambi icsambuen naidbëdi abi bunaidtedi nibëdanendac. Padnuen Nuquin Papan chiacpadombuen naic tabadquid ënëdenquio yec Icbobëd tabadtequid nendac.