Codinto 1 7:21 - El Nuevo Testamento en matsés

²¹ Iuaid icquin Esus tantiaquid yanash: Iuapenquio nebi, quenquio yec tabadta. Mibi iuaquidën: Cun iuapenquio mibi icmenu, cac: Ai, cata.

Codinto 1 7:21 Iomraidhean Croise

Ducas 12:29

Adquid iquec: ¿Atotsimbi peshun acpeba? quec natiec tabadenda.

Ducas 21:34

Adembidi chuinu. Tantiata. Nëishën: Nëbi ubi sec, quequin tantienquio yec capusho badedquio siac cuentiapimbo yec uënësendac. Adecbidi: Natiate uëshë choec, quequin tantienquio yec tabadquin badiadquidën badiadquidënquien acte paë uaid actednepec. Adecbidi atona bednuec abi bunaiduidi tantiec tabadpec. Aden nabanec tabadnubi ¿Nëbida Nuquin Papan matses abitedimbo cuidte uëshë chopeba? Aid choec, quequin tantiaquin caimbudec bëdambuec tabadta.

Codinto 1 12:13

Adecbidi isadaidbo yec matses utsibo yec utsin iuaido yec matsesën iuacmaido yec quec Esus tantiaquido iquec. Adquido icsho acten mentoaido yec abentsëc yacbimbuec nuquitedi tabadnubi Nuquin Papan Aton Mayan abentsëcquiobi nuqui meniaid nuquibëd tabadec.

Codinto 1 7:20

Esus tantiaquid yanash mibi tabadbocpadquiecbidi tabadta.

Codinto 1 7:22

Iua Esus tantiaquid yanec nëbi iuapenquio yanshun Nuquin Icbo tantiaquin nashumbanquid iquendac. Adecbidi iuaidpenquio Esus tantiaquid yanec nëbi Esuquidistun iua icquin aidën namiaidquio iquendac.

Cadasia 3:28

Isadaidbo yec isadaidpembo yec matses iuaido yec matses iuapenquio yec dada yec chido yec quequin Esus tantiaquid icsho bëdambuen isec. Nëbi mibëtan Esuquidistu tantiaquid utsibobëd abentsëc yacbimbuecquido nec.

Pidipos 4:11

Cuna nibëdeque. Bec cho ¿quectabi icti? Padenquio. Cuna icnuc bëdambo iquebi. Cuna nibëdnubi adecbidi bëdambo iquebi, quequin tantiabenondambi.

Pidipos 4:6

Adecbidi uënësquio yec natiec tabadenda. Adenquio icquin mimbi tantiaidtedi Nuquin Papa chuita. Aden chiec: Mibi bëdamboshë iquec, Papa, quequin chianneta.

Codosas 3:11

Adquid icmiac Esuquidistu tantiaquid utsibotedi Nuquin Papan bëdambuen tantiaquiec. Nëid isadaidbo nec. Nëid isadaidpembo nec. Nëid shui dëbid dëtemequid nec. Nëid shui dëbid dëtemesa nec. Nëid matses utsin dada uaid isec onquequin dadpen tantiaquido nec. Nëid matses utsin dada uaid isec onquequin daëdpactsëc tantiaquido nec. Nëid iua nec. Nëid iuapenquio nec, quenquio icquin aidtedishun Esuquidistu tantiasho Nuquin Papan bëdambuen isendac. Adecbidi abitedishun Icbombo abentsëcquiobi Esuquidistu nec. Aidi abi tantiaquidotedibëd icquidquio nec.

Ebedeo 13:5

Adecbidi piucquid dadpen bedteuidi bunec tabadenda. Adenquio iquec: Cuna icnuc bëdambo iquebi, Adecbidi cuna daëdpactsëc icnuc bëdambo iquebi, quec tabadta. Adec tabadquin Nuquin Papan ënden naden chuiquin dada uamiampid tantiata. Mibëd iquendabi. Mibi nianenquio icquin dayun uaimbi, quepampic.

Petedo 1 5:7

Aidi mibi tantiaquidquio neque. Mimbi utsi utsien natiaquin uënësquiocquin tantiaidtedi Nuquin Papa chuita.