Codinto 1 6:13 - El Nuevo Testamento en matsés

¹³ Adembidi naden chiaid iquec: Pete piaid pucu yacno budtequid nec. Pucu yacno budtequid pete piaid nec, queuapec. Ai, abimbo mimbi caic. Adquid daëd icshobi Nuquin Papan nibëdquio icmendac. Adotequid icnuc mibi bunacpadombuen tantiaquin nabanquin mimbi natemaidi naic chudnanquin natepenquio min dada nec. Padnuen nuquin dada Nuquin Icbona nec. Adquid icnuc Nuquin Icbo nashunec tabadtequid nuquin dada nec.

Codinto 1 6:13 Iomraidhean Croise

Mateo 15:17

Tantia. Chuinu. Ana shëcuën puduednuc mimbi pete pequin chebudbued min pucuno budash iuecpactsëc yash min dadanouësh puduenuaic. Adquidën Nuquin Papan Chiaid niacmequin icsamenquio iquendac.

Mateo 15:20

Adquidotedi: Ai, adote bunebi, quequin otacquio ëquëducshun tantiashun naic matses icsatequid nendac. Padnuen penush mëpamëdenquio icquin Nuquin Papan Chiaid niaquenquio iquendac, quepondash Esus abëd icquido chiec.

Madcos 7:19

¿Aton tantiate yacnoda pete piaid nidpadic? Padenquio. Pete piaidien pucu yacno budbudec. Adashic iuecpactsëc yash aton dadanouësh puduenuaic. Adquid icnuc pete abitedi bëdambocquid nec, quepanëdash.

Uanën dada uaid 6:27

Peteuidtsëqui tantiaquin pete bednuen naquidquio mibi nec. Aidquio chodquetequid neque. Chodquetiapimbo icquid tantiaquin bëdambuen nata. Aden nash Nuquin Papabëd ënëdenquio yec tabadtequid mibi yantsiandac. Nuquin Papan: Umbi chomiaidquio yec Matsesën Tishaid neque. Ismenu, quequin Aidën namiacpadombuen mibi ismequin nadatiambocquin nabanombi, quepondash Esus.

Uanën dada uaid 6:49

Min tsusedpabon shubu nibëdacnoshon pete utsi mana caid pepampic. Aid pequidobi uënësbudnepampic.

Doma 12:1

Tantia, cun utsibo, Nuquin Papan cuidte bunenquio icquin bëdambuen isaido icsho mibitedi chuinu. Abi bunaidquio obeca bëdambocquid pichicaquin ismiacbimbuen: Umbi nate bunaid nainquiocquin mimbi nate bunaid bunebi, Icbo, quequin Nuquin Papa chianneta. Aden chiannec Esus tantiec iccuededtequid nendac.

Doma 14:17

¿Nadquid petemaid nec. Nadquid actemaid nec, quequin tantiecta Nuquin Papan namiacno tabadpatsiash? Padenquio. Aton Mayan Bëdanuidtsëqui abëd tabadquin namiac ambi chiacpadombuen naic cuishonquec bëdambuec tabadendac.

Doma 6:12

Adquid icnuc icsambuen tantiaquin nabanec tabadenda. Min dada uënëstequid neque. Min dadan bunacpadombuen nabanec tabadenda.

Doma 7:4

Adecbidi mibitedi Esuquidistubëd abentsëc yacbimbuec tabadquid nec. Adquid yec Esuquidistubëd uënësacbimbuen padpiden Nuquin Papan Moises chuiquin dada uamiampidtedi nainquio iquec. Adec uënësacsho Esus uincuenmiaidbëd daëdash aid tantiec utsibobëd tantiananec tabadquin Nuquin Papa bëdambuen ismec.

Codinto 1 3:16

Mibitedi Nuquin Papa tabadte shubu nec. Adquid icnuc: Nuquin Papan Mayan ubëd iquec, quequin ¿tantienquioda mimbi icpe?

Codinto 1 6:15

¿Abi tantiaquid yec Esuquidistubëd abentsëc yacbimbuec tabadquid nebi, quequin tantienquioda mimbi icpe? ¿Aidbëd abentsëc yacbimbuec tabadbuedi icsambuen naic piucquid bedec chudadquidbëd daëdash abentsëc yacbimbuecta tabadtiad? Padenquio ictiad, caimbi.

Codinto 1 6:19

Nuquin Papan aton Mayan meniaido mibitedi nec. Adoaido yec Nuquin Papa tabadte shubu mibi nec. Adquid icnuc: Nuquin Papan Mayan Bëda ubëd tabadec, quequin ¿tantienquioda mimbi icpe? Mibibi: Cun dadan icbo nebi, quetiapimbo mibitedi iquec.

Codinto 2 11:2

Nuquin Papan tantiamiacpadec mibitedi tantiec cudasquidquio nebi. Naden tantiec: Chido bedabicquidën abi bedquid aton bënëuidtsëqui tantiacbimbuen ma Esusuidtsëqui tantiapanu, quequin mibitedi tantiec nebi.

Codinto 2 5:15

Adec matses abitedi cuidmenquio icnuec Esuquidistu uënëspanëdash. Adashic uincuempanëdash, queshun aid tantiaquin uënësacbimbuen nuqui icsambuen nabambued ënshun nuqui tantiacpadombuen nainquiocquin Esusën chiacpadombuen nanuna.

Cadasia 5:24

Esuquidistun iuabo icquin nuqui icsambuen naidbëta nuqui icsate bunaidtedi bedshun cueste napotiaidën dectanquin cuessunniacbimbuen nuquitedi ënondac.

Epeso 5:23

Aton chidon chuiquid aton bënë nec. Adquiecbidi Esuquidistu abi tantiaquidtedishun chuiquidquio nec. Adembidi aido Nuquin Papa bëdambuen ismequidquio nec. Esuquidistu mapibimbuecquid icnuc abi tantiaquidtedi aton dadabimbuecquid nec.