Codinto 1 6:12 - El Nuevo Testamento en matsés

¹² Mibitedi utsi utsiec: Ubi bunacpadembi nabanembi, mibi quepec. Ai, abimbo mimbi caic. Aden naid abitedi bëdambocquidpenquio nec. Ai, ubi bunacpadembi nabanembi, queshun nabanquin ëntiapimbo icmane, quiash aden nainquio yec tabadta.

Codinto 1 6:12 Iomraidhean Croise

Uanën dada uaid 5:10

Aden buanshobien cun matses isadaidbon chuiquidon: ¿Chonoadtemaid uëshënda uete buampaid? Aden mibi nandote buanquin ma mimbi Moisesën chiampid niacpayoc, quequin chushcapanëdash.

Doma 7:14

Nuquin Papan Mayan Bëdan tantiamiacpadombuen Moisesën Ambi Chiaid dada uapampic, quequin nuquitedi tantiec. Matses yec uidëmpentsëcquio icquid nebi. Adquid icsho icsambocquidën iua icquin aidën namiaid nebi.

Codinto 1 8:4

Umbi chuibocpadembidi ambi papa canun nacnenaid ismequin nëish iua pichicaquin dasambued pambidtambi pepe, quequin chuiquin mimbi dada uacbued issun chuinu. Ambi papa canun nacnenshun tabëcaid tiboquenquio yec tabadnubi: Nuquin Papa abentsëcquiobi iquec, quequin nuquitedi tantiec.

Codinto 1 9:12

Chuibanquid utsibo petebëta actequid menebanquimbi ubia mibi chuibanondaidquio icsho menetiadquidi menianenquio mibitedi icpondac. Aden petebëta actequid menenquio yaqui: Bec cho quetiadquidi: Umbi: Esuquidistu abided cuidadec uënëspanëdash, quequin Chiaid Bëda chuibansho tantiatiapimbo icnushe, quiash: Bec cho, quequin chienquio iccondambi.

Codinto 1 9:27

Adquid icquin ambembi naquin ubi bunacpaden nabanenquio iquembi. Ënapen nidec: Padishmane, quiash uidënquio icnuec capuquidquio nebi. Adacbimbuen umbi tantiacpaden chuibanenquio icquin: Ma utsibon tantianu, queshun Esuquidistu uidtsëqui chuibanembi. Chuibanenquiocsho Nuquin Papan bëdamboshëcquid menenquio icnushe, queshun icsambuen nainquio iquembi.

Tesadonica 2 3:9

Esus tantiaquidon abi chuibanquid menenquio icquid ¿quectabi ique? Padenquio. Esusën naid chuibanquid ambi chuibanaidon meniaquien bëdambo ictsiash. Chieshenquio icquin umbi nacnensho issun ma adembidi mibitedishuntsen: Nanu, quiashini chonoadtenniondac.

Udas 1:12

Esus uënësaid tantiec tabadquin actequidbëta petempi pec tantiananec tabadquin pebededacno puduedshun mibëdtambi muaquidon piac caosh. Aido: Nuquin Papa tantiesa nebi, quiash dacuëdtiadquidi padenquio yec tabadec. Adquid yec aton iua obeca bëdambuen tantienquio yacbimbuen abiuidtsëqui datantiadquin nabanquido nec. Adecbidi abu chëshë acte nibëdquid icsho cunquequidën uanno tsidunacbimbuecquido nec. Adecbidi cute ambi nitsinaid bacuëenquio yec uënësacsho istuidshun icbon chichicshunniacbimbuen Nuquin Papan cuidtequidombo nendac.