Codinto 1 5:4 - El Nuevo Testamento en matsés

⁴ Mibitedi Esuquidistu tantiec iccuedednuc mibëd yacbimbuec iquebi. Adembidi Nuquin Icbo Esusën mibëd icquin ambi tantiacpadombuen namendac. Aden Nuquin Icbo Esusën namiaid icquin

Codinto 1 5:4 Iomraidhean Croise

Mateo 16:19

Adquid icsho Nuquin Papan namiacno puduedte shëcuë chicte meniacbimbuen nidaidënshun ubi tantiaquidon nate mimbi chiendac. Adembidi aidon natemaidtsen mimbi chiendac, quepondash Esus Petedo chiec.

Mateo 18:20

Ubi tantiec daëd tabadnuc adecbidi 3ted tabadnuc aidon nënantanquio ubibi iquendabi, quepondash Esus.

Mateo 28:18

Adsho issun Esusën anoentsëqui choquin naden ubitedi chuipondash: Ubipadquid utsi nibëdec. Nuquin Papan abitedishun Icbombo icmequin abuc icquidobëta nidaidën icquidotedi namequidquio icmioshibique.

Mateo 28:20

Mimbi mentoaido: Nuquin Icbon chiacpadec bëdambuec tabadnuna, quequin umbi chuibuedtedi tantiaquin chuibanta. Mimbi adosho isash nidaid abitedi nibëdanmiambo icnuc mibitedi nianenquio yec mibëd iquendabi, quepondash Esus.

Uanën dada uaid 20:23

Adquid icnuc mimbi: Nuquin Papa mimbi icsambuen naid tantienquio yec bëshunac, cacpadequi Nuquin Papa aidën icsambuen naid tantienquio yec bëshunendac. Utsi chuiquin mimbi: Nuquin Papa mimbi icsambuen naid tantienquio yec bëshunenquio iquec, cacpadequi Nuquin Papa aidën icsambuen naid bëshunenquio iquendac, quepondash Esus.

Hechos 16:18

badiadquidën badiadquidënquiec cumapenec cuëdtednepondash. Adec cuëdsho tantiate bunenquio icquin amibidi bidiadquin podobitsi icsa dapuduedaid chido chuiquin cumapenec cuëdquin Pabadon: Esuquidistu Cun Icbombo icquin dapuduenmeta, cac aid chidon dadan iquenquio yec badedquio podobitsi icsa dapuduempondash.

Hechos 3:6

Petedon: Piucquid cuna nibëdec. Umbi tantiaid Esuquidistu Nasaded yacno iccondaidën bëdanmiacpadec bëdanec nidtoash nidec nid, capanëdash.

Hechos 4:30

Icsaisa icquin Esusën nadatiambocquin nabanquin nënquidotedi bëdanmiondacpaden aid tantiaquid icsho ubitsen nadatiambocquin name Papa, quepanëdash Esus tantiaquido Nuquin Papa chuibededec.

Codinto 2 13:10

Mibi yacno nidnumbi mibitedi tantiec tsadquin mimbi iste dada uaic nebi. Mibi yacno nidash puduedshun icsambuec tabadquid nibëdsho issun cumapenen chushcainquio ictsiambi. Nuquin Papan: Esus chuibennequid icta, caid icquin: Ma Esuquidistu tantiaquidquio yampanu, queshun chuibanec nebi. Mibitedi chushcaquin icsamete bunenquio iquebi.

Codinto 2 13:3

Esuquidistun tantiamiacpaden Pabadon chuibanquin dada uaid nec, quequin ¿Mitsipadentsimbi abimbo tantiape? quequid icsho chuibanembique. Tantiaquiota. ¿Esuquidistun natiapimbocquidta icpadic? Aidëmbi nadatiambocquin mibitedi tantiamec.

Codinto 2 2:6

Aidi mimbi dadpenshun: Mibi cuenmenu, cac ambi icsambuen naid ënac caondash.

Epeso 5:20

Nuquin Icbo Esuquidistun namiaid icquin ambi tantiacpadombuen icmiaidtedi bëdambo iquec, quequin Nuquin Papa ënenquio icquin chianneta.

Codosas 3:17

Aden nabanec tabadquin: Cun Icbo Esus nec, quequin tantiaquin aidën chiacpadombuen nabanta. Adec tabadquin: Mimbi tantiampicpadombuen Esuquidistun tantiamiaid yec bëdambo iquebi, Papa, quequin Nuquin Papa chianneta.

Tesadonica 2 3:6

Tantia, cun utsibo. Nuquin Icbo Esuquidistun: Ubi chuibenneta, caidquio icquin mibitedi chuinu. Esus tantiaquido utsi utsiec umbi mibi chiondaid niacniaquec chieshuidequi icsho isash aidbëd tabadenda.