Codinto 1 5:3 - El Nuevo Testamento en matsés

³ Mibëd tabadenquio yec uanno icquimbi mibitedi tantiec mibëd yacbimbuec iquebi. Ashunquiobi icsambuen naquid icsho: Aid dada cuenme, quequin chuitsenombi.

Codinto 1 5:3 Iomraidhean Croise

Codinto 1 5:12

Esus tantiesa ambi icsambuen naid chuiquin: Cuenmeta ¿quectabi nedi? Mibëtan Esus tantiaquidën icsambuen nadennequin ënenquiocsho issun ambi icsambuen naid chuiquin tantiamequin: Mimbi icsambuen naid ënta, quequin chuita.

Codinto 2 10:1

Pabado nebi. Tantia. Mibitedi chuinu. Cumapenec chushquenquio icquin matses bëdambuec tabadmenu, quequin chuibanquid Esuquidistu icpanëdash. Mibi yacno nidshun Esuquidistupadquid icnu, quequin ubi chieshënquidi bëdambuen tabadmenu, quequin chuibanondambi. Adoaqui ubi chieshënquido nadec onquec: Nuquibëd tabadquin dacuëdacbimbuen cumapenen Pabadon chushcainquio iccondash. Utsibo yacno nidash tabadquin dada uaquimbi cumapenen chushcaic, quequin icsambuen chuishunoshi.

Codinto 2 10:11

Aden ubi chiec onquecuededquidon bëdambuen tantiata. Chuinu. Uannoshon umbi dada uaquin chiacpadombuembidi mibi yacno nidshun adombuembidi mibitedi chuibanendambi.

Codinto 2 13:2

Tauambuec nidshun Esuquidistu chuibanac aid tantiaquido mibitedi yanondac. Padpidec nidash pudueduashun icsambuen nadednequid icsho issun: Mimbi icsambuen naid ënta, caondambi. Aden chiondashumbic uannombo icquin nëbi mibitedi chuiuaimbi. Padpidec nidash pudueduashun Nuquin Papan tantiamiacpadombuen icsambuen naquid utsibobëta cumapenen chuiquin chushcaindambi, quequin chuiuaic nebi.

Codosas 2:5

Mibitedi uanno icnubi mibëd tabadacbimbuen mibi ënenquio icquin tantiembi. Mibitedi caic: Tantiananquiec bëdambuec tabadosh. Adecbidi chieshtoenquio icquin Esuquidistu uidtsëqui tantiec tabadosh, quequin chuisho tantiash bëdambo iquec cuishonquebi.

Tesadonica 1 2:17

Tantia, cun utsibo. ¿Mibi yacnoshon chieshënquin cuenmiac mibi tantienquiodambi ictionda? Mibi tantiec uënësquiocquin mibitedi padpiden istantiadquio iccondabi.