Codinto 1 4:6 - El Nuevo Testamento en matsés

⁶ Tantia, cun utsibo, mibitedi chuinu. Ma Nuquin Papan Chiaid utsi uaquin chienquio icnu, queshun Apodon naidbëta umbi naid chuibanembi. Adembidi icsambuen tantienda. Ubi chuibanquid bëdamboshëcquid nec. Aidpadquid utsi nibëdec, quenda.

Codinto 1 4:6 Iomraidhean Croise

Hechos 18:24

Adnubien isadaidbo Apodo cuëmëdquid shubu dadpen icquid Adejandedia caid yacnocquid Epeso yacno chopanëdash. Aidi bëdambuen chuibanquid yec Nuquin Papan Chiampid tantiaquidquio nepanëdash.

Hechos 19:1

Codinto yacno Apodo icnubi Pabado nidaid Pidiquia caid yacnouësh puduanec podquedën choec macuësh tapa naquiadcuëtsenec shubu dadpen icquid Epeso yacno chopanëdash. Ambo choshon Esus tantiaquido istuidshun

Doma 12:3

Nuquin Papa bëdambocquid icquin: Esus chuibennequid icta, caid nebi. Adquid icquin mibi chuinu. Tantia. Tantiaquidquio nebi, quequin mibitedishun tantienda. Adenquio icquin Esus tantiaquid icsho Nuquin Papan tantiamequin namiaid nebi, quequin tantiata.

Codinto 1 1:12

Mibitedi utsi utsiec nadec onquiaid chuinu: Pabadon tantiamiaid nebi, quenubi utsibo: Apodon tantiamiaid nebi, quenubi utsibo: Petedon tantiamiaid nebi, quenubi utsibo: Esuquidistun tantiamiaid nebi, quec tabadosh, quequin chuisho tantiombi.

Codinto 1 1:19

Nuquin Papan chuiquin dada uamiampid nad iquec: Umbi ënmiac: Cumapenquien tantiaquid nebi, quequidombi tantienquio yanendac. Adecbidi: Dadpenquio tantiaquid nebi, quequidombi tantienquio yanendac, quequin chuipampic.

Codinto 1 1:31

Nuquin Papan chuiquin dada uamiampid nad iquec: Bëdambocquid nec, quete bunquid yec ma: Nuquin Icbombo Esus Icsaisambo yec Bëdamboshëcquid nec, quequin tantiec adpanuna, quequin chuipampic.

Codinto 1 13:4

Padnuen utsibobëd tantiananquidquio utsibon chieshënaqui chieshtoenquio yec bëdambuec tabadquid nec. Adecbidi utsi tantiaquin bëdambuen nabanec tabadquid nec. Adecbidi utsina isash chieshëmënec tabadesa nec. Adecbidi: Ubentsëqui cumapenen tantiaquin naquidquio nebi, quesa nec. Adecbidi: Ubiuidtsëqui bëdambocquid nebi, quesa nec.

Codinto 1 3:19

Matses: Cumapenen tantiaquin nabanquidquio nebi, quesho tantiashun Nuquin Papan: Ambembi chiec onquequido nec, caindac. Adquid icnuc Nuquin Papan chuiquin dada uamiampid nad iquec: Matses: Cumapenen tantiaquidquio nebi, quesho tantiashun Nuquin Papan ambi dectanaidëmbi siacbimbuen aidën tantiacpadombuen namenquio iquendac, quequin chuipampic.

Codinto 1 3:21

Adquid icnuc dadpenquio tantiaquin nabanquid yec: Ubiuidtsëqui bëdambocquid nebi, quenda. Nuquin Papan uaid abitedimbo mitsana nendac.

Codinto 1 5:2

Adquid icnuc mibitedi: Ubiuidtsëqui bëdambocquid nebi, quenquio yec uënësquio yec tabadta. Aden icsambuen naquid icsho issun aid dada mibitedi iccuededacno tabadmenquio icquin uënësquio icquimbi ëndembi cuenmepatecnëdan, caimbi.

Codinto 1 5:6

Adquid icnuc mibitedi: Ubitedtsëqui bëdambo icmiaido nec, quenda. Matsesën naden chiaid iquec: Pan bidiscamete aniactsëc cabiunac pan abichobi bidisquec, quequin chiaid mimbi tantiec.

Codinto 1 8:1

Mimbi dada uaquin chiaid issun nëbi umbi tantiacpaden chuinu. Ambi papa canun nacnenaid ismequin nëish iua pichicaquin ¿pete dasanaid petequidida nepec? quequin mibitedishun chiaid chuinu. Mimbi abimbo chiaid nad iquec: Nuquitedi ambi papa canun nacnenaid ismequin pichicaid iquec, quequin tantiec. Aden umbi tantiacpadenuidi naic ubiuidtsëqui bëdambocquid nebi, quepec. Padnuen mimbi tantiananquin nabannuc Esus tantiaquid utsibo bëdambuen tantiec bëdambuec tabadquid yanendac.

Codinto 1 9:23

Adec tabadquin umbi Esuquidistu chuibanac aid tantiaquido yanash ubëdi bëdambuec tabadendac, quequin tantiembi.

Codinto 2 10:12

Ubiuidtsëqui bëdambuen tantiaquin chuibanquid nebi, quequidopadquidpenquio nebi. Utsiboen aden chuiquid bëdambuen tantiesambo nec. Ubiuidtsëqui bëdambuen tantiaquidquio nec, quequidien icsambuen tantiaquidbidi nec.

Codinto 2 10:15

Adecbidi: Utsibon chuibanac Esuquidistu tantiaquid yanosh, quesho tantiash: Umbiuidtsëqui chuibanac Esuquidistu tantiabenosh, quenquio iquebi. Adenquio yec mibëdi tabadquin umbi chuibanac aid tantiaquido mibitedi yanondac. Adondacsho isash: Esuquidistu tantiaquidombo ma yampanu, quec mibitedi tantiec mibi yacno niduate bunebi.

Codinto 2 10:7

Ambi isaiduidi tantiec utsi utsiec onquec: Esuquidistu tantiaquid nebi, quequi aido: Pabado icsambocquid nec, quepec. Adec onquequidobi: Pabadotsen Esuquidistu tantiaquid nec, ma quenu, quequin chiec nebi.

Codinto 2 11:4

Adec ubi tsadnubi Codinto yacno choshon utsibon Esuquidistu umbi chuibued utsi uain icsambuen chuibansho badedquio mibitedishun tantiashunec. Adembidi Nuquin Papan Mayampenquio caic: Mayan utsi iquec, quesho tantiash: Ubi mene, mibi quepec. Adembidi, Mibi bëdambo icmequid Esusbimbuecquid utsi iqueque. Aid tantiata, quequin umbi chiaid utsi uain chuisho tantiashun: Abimbo caic, quequin mibitedishun tantiec. Aden utsibon umbi chiondaid utsi uain chuisho tantiec, quesho tantiash Esuquidistu tantienquio yantsiash, quec tsadebi.

Codinto 2 12:19

Cun utsibo, Pabado chedo icsambuen naquin ampesa nec, mibi ¿camenuendambi dada uaquin chuibampo? Padenquio. Nuquin Papan isnubi mibëtan Esuquidistu tantiaquid icquin mibi aid tantiaquidombo icmenuen chuibanombi.

Codinto 2 12:20

Mibi yacno nidshun isac mibitedi bëdambuec tabadenquio icchitotsiash, quequin dacuëdquin umbi tantianubi mimbi: Pabadon ubi chushcanushe, quequin tantiabededtsiash. Mibitedi nadec tabadsho chushcatsiambi. Nëidic chushcananquido. Utsibic utsin na dadpen icsho isash bedte bunec chieshëmënquido. Utsibic nëishëmënquido. Utsibic: Ubiuidtsëqui bëdambo iquebi, quequido. Utsibic utsi icsambuec tabadaid chuinanquido. Utsibic: Utsibo icsaiduidi chuiquido. Utsibic: Ubi bëdambocquid icnubi aid icsambocquid nec, quequido. Utsibic ambi tantiacpadpenquiocquid icsho isash cumapenec cuëdcuededquido. Adoquido icsho chushcatsiambi, quequin chuiquin dada uaic nebi.

Codinto 2 12:6

Nuquin Papa yacno nidshun umbi isondaid chuibanquin dada uaid issun: Bëdambocquidquio nec, quequin tantianushe, queshun dada uainquio iquembi. Ubi bëdambuec tabadsho isash: Pabado bëdambuec tabadec, quesho tantiash bëdambo ictsiabi. Umbi chuibansho tantiash: Abimbo chuibanquidquio nec, quesho tantiash adecbidi bëdambo ictsiabi. Aden utsin isacmaid umbimbo isondaid chuinu, quequin ambembi chienquio icquin abimbo chuitsiambi. Bëdamboshëcquidquio nec, quequin matsesën tantianushe, queshun aden chienquio iquembi. Umbi chiaid tantiata. Cun dada issun tantiata. Mimbi tantiabued yec mimbi isbued yec quequidini nec. Matses nebi.

Codinto 2 4:15

Ma Esus tantiasho Nuquin Papan bëdambuen isaido yec mibitedi bëdambo icpanu queshun chuibansho mëyanaid nebi. Mëyanaqui: Utsi dadpen Esuquidistu tantiaquido ma yannu, queshun chuibennec nebi. Aden chiac abi tantiaquido dadpen yansho issun: Mimbi naidtedi bëdambo iquec, Papa, quequin ma utsibontsen mibi onqueten bëdambocquid chuipanuna, caimbi.

Codosas 2:18

Nuquin Papabëd icquido tantiaquid utsibon: Ubien bëdamboshëcquid nec, quesa nebi, quequin muaquin chuisho tantienda. Ushquin isacbimbuen isombi, quequin muaquin chuisho adembidi tantienda. Adembidi: Ubien dadpen tantiaquidquio nec, quequin chuisho tantienda. Aidon: Umbi tantiacpaden nainquio yec mibi icsambo iquec, quequin icsambuen chuisho tantienda.

Tesadonica 1 1:5

Chiaid Bëda Esusën naidquio mibitedi chuibanondambi. Chuiquinuidtsëqui chuibanenquio icquin Nuquin Papan Mayan Bëdan nadatiambocquin namiac umbi nabansho issun: Abimbo caic, queshun mimbi Esus tantiabenondac. Aden Esus tantiamenuec mibitedibëd ubitedi bëdambuec tabadsho issun: Aido abimbo chuibanquido nec, queshun umbi chuisho mimbi tantiondac.

Timoteo 2 2:10

Aden chuibannubi Nuquin Papan ambi tantiamiaidtedi Esuquidistu tantiamendac. Aid tantiaquido uënësacsho cuidenquio icquin abëdi tabadmendac, quequin tantiec quënën tsadunondaid yequi chieshtoenquio iquebi.